(失戀入) 教大家一個月內渡過「失戀」

未來輕鬆左～自己又成長左～咁樣已經係一個好好嘅結果

AV

成一年都未完全放低哂
條仔唔知點解可以咁狠心咁仆街
而家淨係對佢有恨 諗親佢都好嬲
冇諗過毒撚都比帽我
以後唔知點信愛情

有幾毒先？

真毒撚係唔會拍拖更加冇可能派到帽

失戀 教主

我唔想再夢到佢喇
清醒嘅時候我都控制到
發夢我真係控制唔到
好辛苦
一醒咗就好失落

咁唔准你訓教

一個月前發現戴左半邊帽
原來佢好幾個月前對我淡
再然後鐘意左個同事
仲要意外發生關係
但我完全無恨過佢
宜家好想同佢重新開始，當佢係我新男友
但佢好似已經無乜意慾再繼續咁
想幾個月後同佢表白
算唔算move on左

https://t.me/joinchat/IwhO7wwR9QiBtoQifWJzcw

劣作

每六秒六毫

呢樣真

我反而好奇你指嘅意外發生係啲咩？感情理應唔會用到呢個字眼。而你同佢又一齊左幾耐呢？介唔介意具體講多少少

咁一日要幾錢

一個月前被分手 情況同巴打差唔多
佢同我講 有個fd同佢表白 佢想接受 果晚佢打咗俾我同我傾
我同佢講 如果你想就放手啦 我自問可以做既都做足
既然你要變心既 跟本就無可能挽留到

Long D 7個月就咁散咗

之後一直做野麻醉自己 強迫自己唔去諗 放工就跑步做運動
放假就不斷做自己鍾意做既野 一個人去行山 露營 影相

雖然仲未move on 但至少改變緊自己令自己變得更好

一個女人變左心，無論自己做D咩都好，對方只會覺得反感，相反新歡做咩都係順眼嘅，所以最緊要對佢問心無愧，做足男朋友的本份，對方要走都冇辦法

増值自己

呢個真

意外上床
但佢地兩個無開始過，可以話有好感
我同佢就兩年啦
我知我唔係一個好女友
令佢對我慢慢心淡
所以好想重新開始

意外上床，你咁都信

點解你會認為自己唔係好女友？除非你都試過出現第三者或你都試過同其他人上床姐，定抑或你會當街當佢係狗咁先？

你嘅故事相當可悲，但巴打你振作起黎先！
你會搵人幫你我覺得你已經好叻，當然「教」我唔敢講，但我嘗試分享下我睇完你故事後嘅心得啦。

（我先用你女友去統稱為前女友，因為我唔確定呢刻你地關係係咩）

首先，從事件睇起，佢呃你最少有3樣野，而且都係一個大話蓋一個大話。

1）佢搵sp，欺騙左你感情
2）去旅行都係同sp去，根本有預謀，唔係一時衝動
3）話對佢冇感情，好明顯段感情唔係最後一次旅行先產生，如果係sp，又點會去旅行？你要先明白sp係d咩關係先，sp係性伴侶。去旅行果種已經唔係sp咁簡單嘅關係，你會唔會同一個只有性而冇感情嘅人周圍去呢？

但其中有樣野我好慶幸嘅，就係你「未結婚」。雖然呢件事可能對比以上都係一件好細小嘅問題，但我認為你正正因為咁，你呢個陷阱仲未踩到最深。

呢刻你話「唔介意」其實你係唔想失去多年經營嘅感情，覺得「付出」同「收獲」完全唔平衡。而對呢樣野我咁岩今日都表達左堆睇法我下底再post埋上黎俾你睇。

而且你同佢一齊落去你一定會好辛苦，佢就算每日同你講佢唔會再出去搵sp都好，你個心都一定會唔相信佢，而且每日擔驚受怕。我相信你地呢段感情其實已經破裂到無可修補嘅地步，破壞呢段感情嘅人亦唔係你，而同時我認為你不必要內疚，因為「錯不在你」。你應該感到自問無愧於心，既然佢已經破壞左你嘅「付出」，你亦應該將你未來嘅「付出」留俾更重要嘅人。


總括而言同你個名一樣「逝去感情如何留住」
你用得呢個名，你都一定相當明白！


－－－－－－分隔線－－－－－－

以下係岩岩講嘅「付出、收獲」，未必貼題，但可以睇睇


「付出、收獲」

好多人做傻事，都係因為呢個原因。例如有啲巴打對女友照顧得如珠如寶，而且專一、用心、將一切以及未來都交俾「女友」，但「女友」派帽俾佢。

好多巴打知道段感情根本不復來，做出「挽回」、「破壞」、「甚至騷擾」嘅行為就係因為「唔忿氣」

「唔忿氣」其實就好似耕田耕種左十幾年咁，屌你老尾諗住十年後種唔到士多啤梨都種幾棟草有得食呀～點知十年後今日佢想收成果日先發現，原來當初嘅種子根本唔會萌牙，自己on99咁每日翻泥淋水，最後係咩「收獲」都得唔到，所以引起「唔忿氣」

「價值」

而「唔忿氣」嘅原因，係因為耕種嘅人唔係視耕種為樂趣，而係每日都期待那天嘅「收成」，而耕種者亦將成塊田都種果一隻種子咁大把，佢嘅田地其實好大，佢仲可以種其他品種例如（興趣、家人感情、朋友感情、事業等等）

而佢只打算十年後食果隻種子嘅收成就夠，佢都冇諗過「冇收成」嘅一日，天有不測風雲一下就收佢皮。

頂打打下又變左啲奇怪比喻

所以人生唔係剩係得果一粒種子，你嘅生命、心理、未來都唔應該交俾「一樣野」去左右到你嘅全部，與期話個耕種者種粒種子，更加似係粒種子種植緊果個人嘅人生，但正因為咁，你人生嘅全部都受佢而控制。

俾一個個體去決定自己嘅未來，根本係自殺行為。莫講話伴侶派帽，伴侶過身又點計？最後都係受唔住打擊自毀，所以「將對象價值提升到人生嘅全部」，有咁嘅思想就係等同令自己嘅人生定於再冇退路之地，當前面再冇去路時，要返轉頭要行第二條路都比其他人更艱辛。

感覺到佢好後悔同知錯
我主要都係犯普遍女仔既問題
唔體諒 發脾氣個類啦
不過都好多謝佢令我發現同正視自己問題
而我好想同佢再次一齊成長

你無疑係為左想「挽回」佢而合理化左佢做嘅錯事，你做嘅事相對於你男友同其他人上床黎講好少事。佢同其他人上床基本上同派帽冇分別，而且上床呢個行為唔係幾秒，而且你都講左佢地已經產生左好感（姐係「好感情」啦），係唔會因為意外而發生，就算酒醉都3分醒係真的。你無需要同你嘅不足自降身價而迎合返佢。你咁做其實係欺騙緊自己佢做嘅錯事係好細少

當然，好明白你想「挽回」嘅心，但你係咪肯定自己可以以後對佢好放心，唔怕佢再重蹈覆轍呢？正如好似你樓上果位巴打咁，到時再去到呢個地步又點呢？

你有你自己嘅價值係度，你嘅價值、地位都唔會比佢低。其實應該心淡嘅可能係你先岩，冇任何原因可以合理化「派帽」呢個行為，呢個係最基本最基本伴侶要遵守嘅底線

問多你少少

你話「感覺佢好後悔同知錯
但佢好似已經無乜意慾再繼續咁」

呢兩點好矛盾，後悔知錯點解會唔再表現你睇佢幾咁珍惜你同佢嘅感情？努力行落去

「而想幾個月後同佢表白」

點解你地嘅角色會調轉晒咁？似係你同人地上床，你求佢復合咁