(失戀入) 教大家一個月內渡過「失戀」

當然你有錯嘅地方，但老實講就算少理到都好短時間姐，依家係用6年對比2個月，而且佢係咪都冇正面提出呢個問題俾大家解決？聽落雖然算分手主因，但只係其中一個

如果佢對你仍然好深愛，佢應該會主動同你提出問題去解決

可能佢想要隨時有人理既感覺，交友apps，可以一次有幾個fd，你唔得閒 總有一個得
佢可能享受依種感覺

巴打 講得好中

前日拍左一個月拖既女朋友話自己唔係好適合拍拖，互相了解唔久（我地識左半年先一齊）又話自己工作壓力忙擺唔到時間。 自問自己番新工，佢果日唔開心都即刻打比佢陪佢，都算就住佢，見面都係一星期一次。。。

我心諗其實你自己有冇諗清楚做緊咩， 但係覆左佢坦白對大家都好，分開亦係一件好事。反正如果咁小事『忙』就分手，一年我唔知要分幾多次手。

雖然都有少少掛住佢，但係依家調整緊心態。 可能自己都做得唔夠好，第一次拍拖。

BTW，巴打個CONCEPT 好似佛學『無我』既CONCEPT 當分手果刻佢已經唔係我鐘意既佢 ，而我亦都唔係佢之前鐘意既我

但調轉解讀係佢享受6年伴侶「戴帽」嘅感覺（雖然講笑但事實又係咁）

佢個行為太自私啦，巴打甘心咩？如果用呢個定義令佢呢個行為合理化，咁你就算返到香港，你總有工作同休息嘅時間，佢一樣可以用呢個心態去搵異性陪伴啵。

（同埋巴打唔好以fd去定義交友apps識嘅人，果班係一班追求者（可以係單方都可以係雙方），傾得耐佢一定會走的）

果時第三者追佢時，我有同拍左5年幾拖嘅ex講過 ，傾得多都一定會曖味，人性就係咁。比如我將佢同果個追求者拋去一個荒島上三個月，佢地呢段時間一定會一齊左，返黎我一定會被拋棄。事實上連荒島都未去兩星期後就拋棄左我

巴打都好有佛性 的確以前返工有啲向佛嘅師傅都話我好有佛性

第一次拍拖已經做到咁樣已經好叻！叻仔

一分手只係會接受唔到同埋不停會問點解呢個「唯一」會變成咁
但其實根本呢個「唯一」係從來都唔真實

係～一切都係我地將幻想套落一個真人身上成為你嘅「唯一」

好想好似樓主咁正面 睇到你話你ex因爲有長期病所以無自信 但有人問佢拎電話 呢個舉動令我諗起我ex 本身都係好痴我但又係識第二個走 呢啲人應該覺得自己仲有market 未玩過未試過所以走左去

same here 努力搵錢揸靚車買自己鐘意既野好過，洗乜掟咁多心機落臭 度

巴打好野，咁快調節到心情
記得前年俾人飛時，用左只少半年先平復到
我覺得最有效的方法係揾個新對象

係呀，係可以從佢地角度諗得出嘅。佢地(ex)一直以為自己冇選擇權利，原來若干年後發現自己身價上升左好多，好多人爭，忘本嘅佢就會離開你，但佢忘記左，當初接受佢一切，甚至令佢身價提升嘅就係正正巴絲打你地

佢地對待感情好似打份工咁，佢地當左感情係打工心態

冇錯～不過只係先後次序問題，因為當大家打算搵新對象時，已經放低晒所有

當然如果巴絲們未放低晒唔好害人呀 到時拍拖後又話未放低舊愛傷害到其他人呀

我口就咁講 知佢咁既心態放棄我 但我仲係放不低

你係唔忿氣定放唔低先 ？

仲要讚你大方

我諗我兩樣都有 但放唔低多啲

佢扮緊好明白我，感激我相信佢，佢一定唔會做出負我嘅事。但一切都係假象

我都同好多巴打一樣被帽
但小弟不才 ex同人地一齊左差唔多一年 我就一直被拖咁耐
好多道理我都明 我亦都知道要move on 但每次都衰心軟 每次佢搵我都走去幫佢 但我從來都冇搵過佢
到最近 佢又話想同返我一齊 但佢一直都未分手
樓主咁清醒 可唔可以比啲意見屌醒我
如果佢真係同返我一齊 我應唔應該揀選擇返同佢一齊
我真係好怕帶住條刺咁樣同佢成世 但另一方面我唔知係可憐佢 抑或係唔捨得佢
依個問題真係煩擾左我好耐 好想快啲解決

「唔忿氣」唔駛講啦，咁姐係你唔滿意個結果，認為個結果唔應該係咁，對你好唔公平

而「放唔低」呢，因為你心存一絲希望想佢返黎，或者想佢改變返原本嘅佢，可以過返以前一齊開心嘅生活。

不過巴打醒下啦！ 「佢」已經死左，呢個「佢」唔係你舊愛，佢係一個狠狠傷害過你嘅人。

舉個例：你生左個仔，佢由細到大你都好錫佢，佢細個都好鍾意痴住你。但當佢成年果時（請用鄭子誠樣貌幻想佢成年嘅樣）為左你份人壽佢去謀殺你。你仲要為呢個迕逆仔傷心咩？仲心存希望想佢返屋企做個乖仔咩？就算佢返黎都難保佢唔會再殺多你一次。

「你愛嘅其實只係以前純真嘅「佢」」

你同佢一齊左幾耐同你地幾多歲呀？

睇完之後我心裡面諗嘅係「個女仔係派帽神器」

派帽俾你再派帽俾佢依果個，我怕你俾同一個派兩次 會好經典

唔洗諗咁多，最緊要升值自己，當自己升左lv之後跟本唔得閒諗返起以前既佢，巴打們真係要升值自己好緊要，提升左生活質素之後個圈子唔同其實會睇唔起佢，擴闊自己眼光 過左去就算鳩數，男人唔可以咁脆弱

同佢係同科同學
今日考試
我地第一次冇一齊坐
我係度狂諗如果我地以前考完一定一齊去唔知邊度邊度
但而家乜都冇了
佢有第二個了
但我仲好掛住佢
好心痛

exactly 好掛住以前嘅佢 其實真係無諗過佢會變 我仲成日留意佢啲野 同新歡啲野去自殘

係呀 增值自己自信都強好多！根本唔會驚冇女

咁你地因咩分開呀斯巴達？

絲定巴？