(失戀入) 教大家一個月內渡過「失戀」

　　嗱，講明先，以下個人經驗同睇法，下文都可能比較長，有心睇下我點渡過就睇啦，其實我都係用左３日渡過，３個月後都已經發展緊另一段感情。希望我嘅想法同經驗幫到大家啦

　　好，首先我直接用我經驗講啦，我上兩段感情都係「失戀」，第１段拍左３年，第２段拍左５年半（仲打算今年結婚啦），兩段感情都係出現第三者。我自問或者甚至對方都認為我好好，而且脾氣方面十分好，因為同佢地相處真係唔係同佢地有爭執，平均每星期都見兩次以上，各自父母都對對方十分好，但你先當我地都係普通情侶咁睇啦

　　我３個月前被分手，當時５年半感情，敵不過一個出現２星期嘅男性，我２星期前都知呢位男性出現，佢話有人當街問佢拎電話，佢俾左，佢主動同我講，果時我相信EX，我話「有人追都開心嘅，你本身又冇乜自信」，之後同佢講叫佢自己處理，佢讚我好大方，都話我好好，話只係當佢弟弟（結果唔駛講啦 ）

（待續）

3 個月你就move on 到，會俾人話你對前一個唔尊重同根本唔愛佢

做得好，不過你都好理性，五年感情可以迅速抽離
我被分手一年了，都係收帽，但一直唔再相信愛情

　　咁有晚係佢度訓，第一晚得知（仲要過幾日就情人節，之後又新年又大把親戚會問EX去左邊咁），我話咁我走啦，你自己考慮啦。果晚走左立即搵一位伿朋友傾計，傾完當然都唔開心啦。果晚根本訓唔到，而且連續３日都完全食唔落野，一日半碗粥／湯飯左右 但我知道首先要調整自己心理先，我選擇立即去做運動，令自己體內啲乜差野上升令自己係興奮些少先

　　其後立即搵多個身邊一兩位女性嘅朋友訴苦（搵個單身嘅，唔好影響人地感情），同時立即要消毀晒以前嘅相片，物品等等，所有有留念性嘅嘢都要消毀晒佢。「各巴絲打唔好再抱存任何機會可以一齊返，你地都清楚一齊返都會有條刺，有幾多個一齊返真係可以終老」。搞晒呢堆野之後就係第３日，心情都開始放低。再自己諗諗「人生條路自己都要行落去，以前鍾意嘅佢已經變左，唔再係果個「佢」，不如自己識多啲唔同嘅朋友同異性啦，總會有下一個更好出現」，download埋交友apps識左幾位傾到計嘅女性

　　同時間EX sd whatsapp黎道歉，我冇問佢其他野，我只係同佢講話好憎佢（其實都唔憎），同佢講唔想再同佢有聯絡，呢個行動我係想雙方或者我自己單方面可以完全死心，冇再搵佢想念佢嘅理由，直情燒後路心態

唔好咁諗，人生係你自己，留戀過去有咩用，我對佢感情真係好問心無愧，我可以付出所有。

（而且佢唔尊重我地感情先，佢搵第三者，我仲尊重返做乜 ）

事實係好多人貪玩
玩出事就後悔

拍左5年
咁快move on到
你唔覺得好可惜咩
中間有無諗過重新再追佢一次
女人都係感性大過理性

你依個case係因為佢衰姐
咁梗係易move on

（呢一段我想講講心態先 ）

　　「失戀」嘅你必須要正面。因為正面處理先可以解決問題，個問題當刻只有你在受苦，其實渡過「失戀」唔係時間，而係你嘅心態，平時人地話時間沖淡一切，其實係因為一定時間後你會想法開始正面先可以忘記。與其等待不如盡力改變自己想法，你人生仲有大把選擇，而且你對佢問心無愧的話，出街同佢相遇佢仲驚過你。

　　而且記住「呢個世界咁大，失戀真係好小事」，又唔係死人塌樓親人離世，有人飯都冇得食仲唔開心啦。

　　「千祈千祈唔好諗住段感情可以返黎，返到黎都變左質，我只會認為EX個人仲係度仲未死，但我鍾意嘅果位EX已經死左，人死不能復生，我好清楚就算佢返黎我都唔會接受，條刺大到咁點對一世」

總有人令你相信返，放心

果３日有諗，但心入面知道根本冇用

如果係自己衰我真係唔識，所以希望大家對感情同對方問心無愧啦

你放咗幾多成鍾意落佢到？我覺得全力放應該無你咁易起返身

咁之後交友apps上認識左幾位女性，如常咁先用朋友身份認識異性，岩傾嘅就出去食飯，好正常咁去交往，上星期開始左一段新感情

大家記住「舊愛已經不值得接受你嘅愛，佢唔配」（情況適用於EX傷害過你）

我自問係全力放晒，我地已經傾緊幾個月後同居。我都同屋企人講好今年結婚，同搬出去同佢一齊住。我對佢雖然５年但我對佢都仲係熱戀狀態咁，KEEP住每日都會WHATSAPP，收工都會打俾佢同佢講一兩句聽下佢把聲就開心。佢屋企人同時都睇得出，佢父母好鍾意我，佢媽媽前日仲話想見見我，原來佢好擔心我，一見到已經摸住我塊臉喊，搞到我都唔開心，要老人家為我喊。

咁快就move on到仲有下一個
做仆街都要開post話比人聽自己有幾仆街

真係人人唔同 冇得「教」人點做
睇你有幾鍾意同幾投入㗎啫

好明白樓豬
唔係樓豬仆街，而係樓豬唔想再浪費時間去諗一個咁對自己嘅人
如果係咁點解唔move on？

咁快就move on到仲有下一個
做仆街都要開post話比人聽自己有幾仆街

仆街位喺邊？依你邏輯，使唔使為頂帽，再守番一年寡先呀　

雞黎

多謝你祝福
但被ex三番五次無數次帽
對於愛情 已經有心無力

巴打好成熟 想知幾歲？？

樓主遇到既都係同我好似
我都用左2年時間平伏
依家有新目標都想重新出發