《自殺後先知, 原來人生真係有得洗首抽》 二

等

開緊分身

上個po 256, 而家有56+89

正評了！

我不要再失去了。







「阿培！阿培！」
我急紅了眼，立即跑去阿培身邊。

阿培傷勢嚴重，文叔由後擲來的長槍，將阿培腹部左側外處穿了半個拳頭般的大洞。

血流如注，溢出的鮮血停不下。


腦中一片空白，但我還是下意識取出大量衣服按住佢傷口。

「阿培！阿培！」
我拼命呼喚她。「唔好訓嗚嗚，你先要同我撐住啊！」

阿培面無血色，氣弱如絲。

但她還是抬起手，指了指遠處一邊無樹的空地。

「喔呵，真係中咗啊。。。」
兇手走到我面前。

「你收聲！ 」
我怒眼瞪著文叔。

上一次，我如此憎恨一個人的時候，是幾時？

是梅姨和國叔死的那次吧。

每次都是有人死了，我才會行動，我才會想卸下虛偽的自己，憎恨這一切。

「我知你好嬲，阿俊，我知道。但掠奪和被奪，你仲未習慣自己係被奪嘅嗰一方咩？」

「你收聲。。。你收聲。。。點解你哋一直要搶走我身邊嘅一切。。。我。。。我嗚嗚」




下命令吧。。。不要再做弱者了。




「好好好，我收聲，反正你哋兩個都就黎死，不過你後面嗰隻係咩黎？咁得意嘅？ 」

「我要習慣。。。」



下命令吧。。。就好似嗰陣命令巨兵蟻收拾武哥一樣。



「我要改變。。。」



既然已染鮮血，那麼就順勢下去，成為掠奪的那方！


「我唔會再習慣做個弱者一直被你哋掠奪了！ 我要反抗，呼哧。。。我要搶返你嘅所有！ 紅頰獴！」

「吱吱嘰嘰~嗄~！」
身後的傢伙立即給予回應。

「用你嘅方式，殺死佢！」

我伸手一指，身後的紅頰獴立即衝向文叔！

「紅頰獴？！？」
文叔先是一頓，隨即一鞭向著衝去的頰獴甩去。

啪的一聲，身長三十餘厘米的紅頰獴竟也被鞭開到一旁！

「哼，無嘢係可以，誒？」
「嘰嘰～！」
正當文叔得意之際，誰知紅頰獴迅速爬回身，即刻又是一撲！

「哇！」
逼不得已一個翻滾，文叔狼狽避過這下回撲。

「呢隻乜嘢黎嫁？ 咁癲嘅！？」
文叔氣憤大叫。


我自然沒有理他。

「等你仲有命嗰陣，再同我講嘢吧。」

冷冷地拋下一言。

送返呀培落去先啦

等唔切樓主 link 自己 google search 同佢激情對望

加速

腹部左側，是咪唔中肝
阿培撐住呀

係咪得我一個覺得幾得意

唔係，文叔都同你一樣覺得佢好得意

我抱起懷中的阿培，向阿培剛才指的空地走去。

我唔知點解佢會指住嗰到，但我感覺到，佢想我帶佢去嗰到。

望著她意識模糊著，我心如急焚。

我不敢太大動作奔跑，我深怕觸動她的傷口。

鮮血不經不覺，浸染了我的雙手。

「唔好死。。。唔好死。。。」
我額頭抵著她額頭哭著。。。

我不想再有人死在我手上了。。。

到了。

「誒。。。？ 」
我恍然大悟，終於明白阿培點解會指住呢個空地。

唔通係有陽光可以回血

這個空地沒有被樹蔭遮住。

亦正因為沒有樹蔭遮住，所以這裡有陽光。

陽光一照阿培。

頓時，厚厚的白煙由阿培腹部升起！

「原來係咁！ 原來係咁！ 哈哈我竟然唔記得咗！有救了有救了！」
我開心興奮得像個細路。

對呀，陽光對我哋靈人有治療效果的！

「咳咳咳。。。嗚。。。」
雖然面上依然無乜血色，但阿培有了反應，皺眉痛苦著。

「阿培，阿培！頂住啊。你居然仲記得呢樣嘢，你。。。」

「我話過嫁嘛。。。」阿培閉眼，氣弱地說「我總有一次，會用邏輯救返你。。。嘻嘻。。。」

「嗯嗚。。嗯！ 唔好講嘢了。。。休息，唔好郁。」

太好了，太好了。

陽光的治愈效果確實在起效著，雖然效果很慢，傷口依舊，但至少血已經止住。

「文叔呢。。。」

我握實佢右手，跪坐在佢身邊。
「唔使擔心，今次嘅幫手，係最強的。」

呵呵，

要是文叔現在空閒的話，只需一槍飛來，我倆必死無疑吧？

但我不怕，我肯定佢唔會再有機會偷襲我倆。

我很放心，將呢一切交俾紅頰獴處理。

因為紅頰獴雖然外表可愛，可也是肉食動物。

文叔即係唔會死 最多走佬 返去肢解武

那邊廂，惡鬥繼續。

「居然咁快！？」
文叔大驚，回身提防。

紅頰獴先唔會停下攻擊俾佢準備嘅機會，二話不說，又是一撲！

啪，再撲！
啪，再撲！
啪，再撲！

「吱吱嘰嗄~！」
紅頰獴不耐煩了。

它拱起背，全身毛髮豎起，長牙咧嘴對著文叔，表示不滿。

剛才可愛的形象已消失得無影無蹤。

「吱吱嘰嗄~！」
紅頰獴回身，再次動作。

文叔擺好架勢，全神貫注，認真提防起來。

咻~

轉眼間，這次的撲殺速度比起之前幾次都要更快！

但

啪！

始終是文叔略勝一籌，他改變了鞭子的甩法，以自身為圓，轉起一層鞭子的保護圈！

紅頰獴被狠狠彈開，跌趴在另一邊地上。

亦趁這空隙，文叔收鞭跑起。

「要逃跑嗎？」

不。。。

我哋兩個殺咗武哥，又有正靈藥係身，佢唔會就咁走咗去。

不過紅頰獴都唔會放過佢。

這是一場狩獵，一場不是你死就是我亡的狩獵。

文叔已經知道紅頰獴不簡單了，為了對付呢隻小惡魔，不能只是防守才對。

所以，佢需要嗰把槍。

「哈哈哈！ 拎到了！」
文叔已經取回了率直之槍，充滿信心。

這樣一來，

只需要輕輕一刺，紅頰獴都恐怕性命不保。

不過前提係要刺得中先得。

紅頰獴徹底變了，佢勇敢地跑來文叔面前，一撲！

咻~ 文叔手一甩，俱圓鞭隨即鞭去。

但就是這一刻，紅頰獴居然急煞動作！

「吱吱嘰~！」

它向由後一跳避過這鞭，然後立即向前伸爪。

瞬息之間，一道銳利的抓痕已留在文叔面上。

「呃啊啊！」
狗急跳墻，文叔氣得立馬一槍插去！

不過插唔中。

輕輕一跳，紅頰獴輕易避開。

文叔接著連番突刺，但都全部落空。

「可惡！」

又是連番的惡鬥，雙方互有攻勢，紅頰獴開始頻頻向著文叔要害施襲。

而文叔自然是不斷舞起俱圓鞭防守，不過俱圓鞭防的是衝擊力，若然是近距離普通的擊打或者利爪，俱圓鞭並不會發揮出八兩撥千斤的作用。

紅頰獴開始明白呢點了。

於是它大膽地接近文叔，勇敢地近距離搏鬥。

真了不起。
因為一般的靈人或者狩獵者若然事前知道率直之槍的威力，在對文叔時一定會有所避忌，因為萬一被刺中，非死即傷。

——但它的個性，就是越戰越勇。

偶爾，有幾槍擦過紅頰獴手腳，造成傷害，但這些都絲毫不影響它的鬥志。

反之，它開始進攻得更加頻繁，甚至圍住文叔轉圈，東南西北各種方向攻來。

文叔著急了，不斷尋找機會反攻，防守。

但在我眼中看來，被當獵物耍的是他。

101 正皮

一野多左廿個

今晚會唔會了結文叔

因為操作長槍的動作大，而紅頰獴本身速度夠快。

加上獴的狩獵方式本身就不是一擊必殺的類型。

獴擅以智取勝。

時而威嚇，時而蹦跳，圍繞獵物騷擾， 不斷虛攻，實攻。

到獵物精疲力盡，露出破綻之際， 那時，就是收穫的時候了。

畢竟，獴是可以獵殺毒蛇的強者。

即使獵物比佢大，比佢強，但它就是有種挑戰強者的鬥志和精神。

它，是喜歡挑戰強者的強者。

所以文叔，你死硬了！