《自殺後先知, 原來人生真係有得洗首抽》 二

皮已正 請加速

加埋post1有300正皮 找數

「咁，咁國叔之前同你最好傾啊嘛。。。我以為你會好大打擊。。。」

「喔。原來你。。。」
阿培一愣，隨即與我對視。

她眼神中有種說不出的情感。

「嗯。。。係幾打擊嫁。。。」

然後佢低頭一呻，惋惜道

「感覺上，就好似多左第二個阿爸咁。。。佢好照顧我哋，第一次遇到螳螂嗰陣又係咁，梅姨死嗰陣又咁係，國叔一直都企係我哋前面，保護我哋。。。但係。。。」

我默不作聲。

這些都是真的，國叔是個重情的人。

但他死了。

「係我無用。。。我先係應該企出黎嘅人。」

「我都係。。。唉，不過宜家講乜都無用了，事情已過，重要的是以後的事吧。。。就好似國叔最後同我哋講，佢想我哋有更好嘅下世。。。」

「所以我哋一定要振作起黎，咁樣。。。先唔會令國叔白白犧牲。」

「嗯！」我激動回話

見阿培說得如此盡致，我便順勢喚出靈洞，開始將一樽樽的靈藥放在枱面。

「嗰陣情況緊急，我拎唔曬文叔跌出黎嘅靈藥，所以呢到就係我最後執到的全部了。」

一共十四樽靈藥，散發著七彩的光芒立在桌上。

全部都是負靈藥，但其中，有文叔的“俱圓”，“率直”在內。

「哇！有咁多已經好好啦！」

哈哈

難得可以見到阿培吃驚的樣子，張大了口，眼神發光，好鬼好笑。

「俾隻獴追殺，你都仲可以執返咁多靈藥返黎。。阿俊你真係唔要命，不過我都有。」
一轉頭，阿培亦喚出靈洞，取出三樽靈藥。

其中一樽，係“好動”。

「我回收咗武哥嘅靈藥，跟住落黎，我哋分曬佢吧！」

「好！」

我倆莫名興奮起來，難掩高興之色。

畢竟飲下靈藥是件大事，這不但會令自己下世轉生帶有同樣嘅性格之餘，

現在，仲可以令自己多一份力量。

一份只有靈人才會用到的力量！

「係咁嘅話，俱圓，好動，率直。。。我哋有三樽正靈藥。阿俊，你下世想做個咩嘢人呀？」
阿培好奇問

「嗯。。。我啊？ 我下世想。。。唔知呢。。。」
我苦苦思考了下，但都給不出答案。

真苦惱呢！

呢一步，就好似打機設定自己嗰角色咁困難。

要設定自己嘅性格，比想象中更加讓人迷茫啊。。。

「又或者調返轉咁諗，你。。。唔想成為啲乜嘢人？ 又或者考慮埋嗰靈藥能力作決定都得。」

「唔想成為啲乜嘢人啊。。。」
這條問題，會讓人情不自禁諗返上世的自己。。。

我諗起了那個不敢反抗，對自己所愛的都不敢發聲的自己。

我。。。

我唔想再做返上世嗰個不堪的自己了。

良久後，

「考慮清楚未？」
阿培柔聲問

「嗯。。。」
我拎起枱上的一樽綠光靈藥。

「。。。下世，我就做個有話直說的人吧。」
手中的綠光液體，不斷蕩漾著。

這是文叔細佬，雙全的靈藥。

我要了。

跟住係補文 不過要等我一陣

加油

愛死你啦

回歸啦！ ！ ！

又率直 又俱圓

出快d

有文啦

......

「咁阿培你呢？」

「嗯。。。 我仲諗緊。。。」
阿培又擺起佢嗰副思考時用的姿勢，考慮緊。

「咁你下世又想成為一個咩嘢嘅人呀？」
哈哈，今次到我問你了。

「我啊。。。我想做個孤獨嘅人。。。我唔想再有朋友呢樣嘢。」

「哦。。。誒？」

誒？

然後，阿培拎起了一樽負靈藥。

「喂等等等等等！ 點解要選啲咁嘅靈藥！？ 你唔係話你想要更好嘅下世咩！？」

我忍不住衝到她面前，握著她手腕，制住她。

因為阿培佢拎起了一樽“陰險”。

「咁咪啱咯，我理想中嘅更好下世，就係一個朋友都無嘅人生。 你放手！」
她狠狠甩開我雙手，語氣也跟著狠上來。

「但係。。。但係點解你唔想要朋友先？ 有朋友，人生唔會過得更好咩？ 」
我問了句理所當然的說話，誰不知這徹底刺激到她了。

「唔會！ 唔會過得更好！ 」
阿培突然大聲反駁我， 激烈的反應讓我大吃一驚。

咦？什麼時候，她已經眼眶泛淚了呢？

「朋友呢樣嘢根本就係個錯誤！ 就係因為呢個。。我。。。我！哼嗯」
咬了咬牙，阿培擰轉頭忍下了激動。

我也不知如何反應。

氣氛頓時，變得冰冷了。

半晌後，阿培重回正常，抹走一行淚說：
「總之，我唔想我下世變得咁好人，我唔想我下世再有咁多所謂嘅。。。。。。友情。 我相信人生就算無咗呢啲嘢，都可以變得美好。 所以唔好再阻我。」

說罷，阿培打開了“陰險”的樽蓋。

「但係！但係！ 等陣！ 咁你仲可以選“俱圓”啊！ 俱圓都係負靈藥黎，而且比“陰險” 更加黑人憎！」
我連忙張手喊停，匆忙一句。

阿培又再一頓，不滿說：
「俱圓？ 俱圓唔係正靈藥咩？ 字面上理解，應該會令人面面俱圓，做乜事可以讓人滿意，和諧喎。」

「但係。。。但係。。。」

啊啊啊！快啲諗諗！

到底可以點兜！

阿培見我無了反應，抬手要飲下“陰險”了！

「等等 ！我知啦！ 如果你飲咗俱圓，咁你成世人，都唔會再結識到真心朋友！」
我大聲喊話，又再打斷阿培動作。

「點解啊？」阿培蓋回樽蓋，不解問

太好了，她有興趣了！

「因為面面俱圓，會令人變得虛偽！ 你試諗下，如果你待人處事變成咁，見人講人話，見鬼講鬼話；又唔會隨便罵人得罪人，只會同人扮下friend咁；長期落去，你份人咪會變得好假咯！咁虛偽嘅人，我先唔會同佢做朋友！」

我好似解釋得好牽強，但希望阿培能回心轉意吧！

再嚟再嚟

「嗯。。。」她又擺起自己專屬的姿勢

「點嘛？點嘛？」
我焦急地追問。

俱圓點都好過陰險吧！

「你講嘅又好似幾啱。。。」

阿培放下了陰險，拎起俱圓。

YES！

我忍著高興，在心裡狠狠喝彩一番！

「咁我就。。。選俱圓啦。」
阿培好似仲有啲猶豫，不過都打開了俱圓的樽蓋。

「係咁，決定好了吧？一齊飲？」
費事佢中途改變心意，我快快手舉起樽靈藥，向阿培乾杯。

「哦。。。好啊。。。」

鏗~

我倆將手中靈藥一飲而盡。

隨即，

兩道綠光和紫光在房間內迸發，四散。

這下子，我和阿培就是二靈了。

到底飲幾多就會轉生

「仲差三樽靈藥。。。就可以轉生。。。」
我默默握實拳頭。

文叔講過，最多四至五樽靈藥就可以轉生。

但幾時，才能在此之前，搵到我想要嘅“勇氣”呢？

「咁呢啲靈藥我哋暫時收落靈洞先啦，阿俊你仲飲唔飲啊？」

「唔飲住啦，又唔係酒。。。」

雖然仲有一樽正靈藥剩下，但呢個性格我同阿培都唔係好有興趣。

而且

「係啦。。。啊。。。阿培」
我心裡仲有些好奇。

「嗯？」

我邊收拾靈藥，邊開始盡量扮漠不關心：
「你知道我唔及你聰明啦，但我點蠢都好，都知道你上世人死得應該唔簡單。。。阿培，如果你想搵人傾計。。。我」

「我咪話咗我唔想要朋友咯。」佢冷漠打斷我

「我知。。。但你係話下世人先唔要啊嘛。」

「呃。」

哈哈，佢應該估唔到我會鑽她空子，所以窒了窒。

「阿俊。。。」
阿培停下手，望住我，佢眼中的情緒，猶如翻騰的海浪。

「我未準備好，阿俊。。。我未。。。我已經唔想再相信任何人了。」

她柔聲地，將這句話，說得很深，很重。

直覺上，我覺得這和她的死有關。

我不忍心，問多了句
「咁。。。我對你黎講，算係咩嘢？」

「戰友吧。。。 檯面上看，我和你只是互相合作的關係。」

佢主動握著我手，卻說著相反的話

「出左去，我們依然會是出生入死的關係，但其他方面。。。俊，我。。。我仲未。。。」

「好好好。我明了。唔好再講。」
趁她再喊前，我先截停她。

「我會等你。。。呼哧，我會等到你想講嘅嗰日。」
是氣氛吧。

不知不覺，我也被她說出了幾把鼻涕。

「嗯！。。。到時，你都講埋俾我聽啊，你嘅事。」

「好啊。。。一定！」

人，就是要下定決心，拋開苦痛，才能繼續前行吧。

那日我倆破涕為笑，終於重新振作起來，再次計畫下次的旅程。

「喂咁你執返你自己嘅靈藥啦，咦。。。點解好似有幾樽靈藥唔同左嘅？」

「有咩？啊係啦阿俊，下次，我哋去我屋企嗰邊狩獵好無？」

「好，就咁話啦」

由於文叔武哥的教訓，我和阿培嘗試了自己二人出去陽間闖蕩。

但現實就是無情，更何況死後的世界更加是殘酷。

我們之後，試了兩次。

但由於缺乏經驗，又不熟悉環境，這兩次的旅程，我倆都係虎頭蛇尾，搵唔到啲乜嘢大獵物。

就這樣，這兩個月的旅程，我們並沒有什麼大收穫。

於是，阿培開始意識到一件事了。

就是隊伍的重要性。

重新加入一個隊伍，才是最快搵到自己靈藥，繼而轉世的最好方法。

只是這談何容易。

難就難在，文叔的教訓，讓我倆戒心很重。

而且，武哥死前說的，果然不假，我地問了靈都廣場上絕大部分的隊伍，大致上他們招募新人會問兩條問題，實力如何？ 同埋你係點死。

阿培好奇，試答了一次自殺死的。

結果立即遭到嫌棄，拒絕。

唉。。。。。。


「老手團! 老手團! 有人要獵壁虎嗎 ! 有經驗者帶隊 , 一隊十人 ,參加者至少要是一靈 !一齊來吧! 」

「有沒有剛死的新人? 歡迎剛死的新人加入! 傳送地點遠離人煙, 絕無危險, 方便新人適應世界! 不來就浪費了呀! 」

「有人想要”心機”靈藥嗎! ? 可以用素材和我交換 ! 」

「格林機關槍，附送500粒子彈！ 有興趣過黎詳談！」

「最後召集! 最後召集 ! 如果你有特殊靈藥, 又想盡快轉世的話, 歡迎加入狂人世界 ! 有興趣過來1967區20120328房見面! 」

「有老手嗎 ! 亞馬遜叢林狩獵團 ! 征求實力者參與, 目標是強壯靈藥的配方素材! 」

……

廣場的吆喝不斷在耳邊響起。

我和阿培並肩逛著。

「點算啊阿培？ 我地咁樣落去，怕且十年都合唔到一樽靈藥啦」
說真的，我們這兩個月，在收集靈藥方面根本毫無進展。

「仲有辦法嘅，不過。。。佢個名有啲奇怪。」
阿培皺起眉頭，有些苦惱

「個名有啲奇怪? 唔明 ?」

「嗯。。。不過諗真啲，其實都可以一試嘅，反正呢到都係靈都。」

「咁你話事啦。你話試就，誒？ 等陣啊喂」

說罷我便被她拉著走遠。

最後來到一個牌子寫著1967區的新盆地，

1967區

這代表，這個區域的人，都是死於1967年的。

「20120325，20120326，20120327，201203。。。啊，到了」

20120328房

阿培明顯是衝著這房間而來的。

鐺鐺鐺

敲門，

啪嚓

一個帶著眼鏡，有少少文藝氣息的年輕人打開了門，

「你地係狂人世界吧？」

眼前的文青一笑
「喔，你地係黎面試嘅？ 請進，請進。」

我不可置信，望著阿培。

WTF？

狂人世界？


一場新的旅程，即將開始。