《自殺後先知, 原來人生真係有得洗首抽》 二

好看好看

一人，對二人。

理應，是二人的那邊佔據優勢。

但文叔是二靈，我和阿培心裡清楚，他才是最後的boss，真正的強者。

「你哋行得返黎，姐係。。。阿武佢失咗手？」

「無錯。。。」阿培想動搖佢

「我哋殺咗武哥了。」

出乎意料地，文叔聽完居然沒有什麼大反應。

佢只是簡單地閉眼一嘆
「係啊。。。武，你終於累了嗎。。。」

阿培繼續挑動文叔
「佢放咗水，睇少咗我哋先死，係阿俊最後動手的。」

「我知，佢份人就係咁，咁蠢。。。同雙全一樣。不過你哋兩個都唔簡單啊。先用蛇將我哋兩個分開，再係另一邊擊敗阿武，最後返黎對付我。 諗深一層的話，呢個計劃應該都係你嘅主意吧？阿培？」
文叔拎出一白色手帕，開始抹走身上的蛇血。

「嗯。。。」阿培點頭示意。

「係咁嘅話，作為獎勵，係最後一戰之前，俾你哋問下問題吧。反正文叔我都有啲累了。」
說罷文叔真的沒有進攻打算，只是自顧自抹自己身上的蛇血。

但點算呢？我地要引開佢先得啊。

我向阿培打去眼色，

誰知阿培卻沒理會我眼神，反之，她居然眼神發光，真的向文叔發問：

「文叔。。。你由一開始，就隱藏咗好多關於靈魂的資訊，我想問，你到底死咗幾耐了？」

「兩年了。」

「係咁，呢個計劃實行左幾耐呢?」

「嗯。。。大概一年吧，自從雙全死咗後，剩低我地兩兄弟嗰陣，就決定做呢個勾當了。」
文叔開始清理刀刃的血跡。

「雙全？」
我奇怪著，這是人名嗎？

「喔，我地係三胞胎出世的。大哥叫文，姐係我，二哥作武，至於三弟，老豆就想佢文武兼優，所以改佢名叫雙全。」

「噢噢。。。所以你地就係文，武，雙全，三兄弟。」
我估文叔老豆應該睇得武俠小說多。

「哈哈哈。。。的確係，細個嗰陣，呢個朵不知幾威風。不過世事難料，長大後想不到雙全是最早死的那個；跟住二佬又唔休息過勞死；而我，最唔珍惜自己個身體，第三個。」

「係咁嘅話，雙全佢係。。。點死嘅？」

「因為。。。 唉」
文叔深深一歎。

又來了，這些歷經故事的歎息聲，總是會偷偷鑽入人心。

「我記得，我啱啱死完無幾耐，雙全和阿武已經黎接我，嗰陣雙全佢已經係一靈，叫我同佢一齊出去冒險，組個團隊咁。而且雙全佢主張要多啲吸納新人，因為普遍黎講，新人的第一個靈藥是最最最難拎到的。如果我地幫啲新人成長，變相地我地自己團隊的戰力亦會越來越大。」

呢個諗法唔錯呢。我心想。

「但可惜，加入後，我先發現一個重要嘅事情，原來大部分新人的第一個靈藥，通常都是負靈藥。 」

阿培眉頭一皺「係咁嘅話， 咪會。。。」

文叔面露苦笑

「估到了嗎？阿培。 然後呢個現象，開始對我地團隊產生影響。因為負靈藥通常都唔會有人想飲的。這就造就了我地個團隊人數，確實係越來越大。但有能力的，卻只有渺渺數人。於是我地三兄弟唯有照顧那群無能力但又唔肯飲負靈藥的人。」

「最後，災難終於發生了。仲記得係講座嗰陣，我同國叔說的那些話嗎？」

「我記得。。。」我答

「你話你細佬係死係虎頭蜂手上。。。」

「無錯，呢方面我無講大話，但我無講出黎嘅係，雙全佢係為左保護嗰班貪心嘅新人廢物而死的！」

「嗰日我地一行人不幸遭遇了一個虎頭蜂巢。由於飛行類的獵食者我地都係第一次遇到，估唔到如此恐怖。轉眼間，我地已經死咗好多人。好彩我同阿武，雙全醒目，立即一路掩護佢地，一路撤退。最後，有個人被虎頭蜂追到，雙全為左去救佢，結果。。。結果。。。」



。
。
。
。
。
。




「雙全。。。雙全。。。！」

我急到眼都紅埋，內心崩潰成一片片的。。。

因為我最親的細佬，已經被黃蜂的毒針，一針穿心。

橙

「嗚啊啊啊啊！」
阿武在我身後崩潰大叫，隨即上來一斧劈開了偷襲雙全的黃蜂。

但已經。。。已經遲了，呢個傷勢。。。

「雙全。。。雙全！撐住呀！ 靈圖仲有三日就用得，你同我撐住啊！」
我扶起軟趴在地下的他。

身後的黃蜂還有不少，接踵而來。

而那個剛剛，雙全為他擋下致命一擊的廢物，已經隨著大夥逃之夭夭。

「我一早就講過，一早講過唔應該再帶住佢地！ 你睇下！你睇下嗚嗚嗚。。。唔好，唔好走啊雙全。。。」我拼命大叫，唔想佢訓。

我唔想再經歷多次呢種生離死別的不捨了。

但現實，就是現實。

只有殘酷，沒有希望。

雙全佢已面色蒼白，奄奄一息。

「阿哥。。。對唔住。。。我。。。」
佢吃力地一手搭在我膀上，緩緩說。

「唔好講。。。唔好再講。。。」
我和阿武淚流滿面，已不理身邊一切。

這是我倆和雙全道別的時刻。

「等我。。。死咗之後。。。拎走我嘅靈藥。。。連埋我嗰份一齊活落去。。。阿哥。。。」

「好。。。好。。。一定。。。」
我哭喊著點頭。

「如果下世。。。仲有機會。。。阿哥。。。我地。。。再做兄弟。。。。好無？」

「好。。。好。。。！雙全，雙全！」

隨即而來的，中毒後痛苦的抽搐。

完後，雙全靈洞淡出，嘔出了內裡所有的物品。

「武，武！ 走啦！ 你無聽到雙全最後講嘅嘢咩？ 走啦！」

走啦。。。。

走啦。。

。
。
。
。
。
。

「咁。。。嗰陣你地團隊嘅人。。。？」

「已經俾我殺曬。」
文叔冰冷說出這句。

心寒得不禁顫抖。

「所以到最後，你諗出呢個計劃，係想將你嗰陣對新人嘅怨恨俾返我地？」
阿培分析說

「無錯。。。其實你地班新人，先係最低賤，最不值得保護的一群人，我睇穿左呢點，於是開始設計呢個局。。。 你地知道，我到目前為止，已經殺咗幾多個新人了嗎？」

「。。。。。。」

我和阿培默不作聲，但心知肚明，一定不少。

「殺埋你地兩個，總共殺咗一百人。如果加埋你地兩個嘅兩樽靈藥，我就會有二十五樽靈藥。」

咩嘢話！？

居然咁誇張？

「呵，你又知我地會係輸嘅一方？我就話，就算你地三個成為靈人，你地三兄弟死嘅次序，終究會一樣。」
阿培毫不留情說

「我知你係到挑釁我阿培。嘿嘿，唔慣講啲刻薄嘅說話，就唔好勉強了吧。但事先聲明，阿武佢份人直腸直肚，你地打得敗佢我并唔出奇。」

文叔抹完，丟掉染滿蛇血的白布，眼神一變，繼而拎出一把開山刀。

「但我唔同，我應承咗雙全，要連埋佢嗰份一齊轉世。 所以唔好以為我仲會手軟。」

「“俱圓”」
文叔佢甩出那鞭，啪的一聲，霸氣逼人。

這亦是開戰的信號。

那麼巨兵蟻，夥伴們。。。

最後一戰了。。。

出來吧。

「最後一步了阿俊，我同呢班螞蟻去拖住文叔。你自己就睇準機會再去吧。」

「嗯。」
我回應。

其實睇個氣場，縱觀個形勢，再加埋阿培邏輯的推測。

我地兩個就算加埋螞蟻們，應該都不夠對抗文叔。

所以我地先需要出此下策，即使呢個下策是未經證實。

「開始！上吧兵蟻們！」
隨著阿培吶喊用，
我亦同時我在心中下令它們跟上阿培。

阿培拎出彈弓，不斷射著石頭，兵蟻亦在地下推進。

只是文叔不慌不忙，

隨便地揮舞了幾下鞭子，便將石頭統統打下。

「哎，又要估俱圓到底係乜嘢能力。」
阿培不爽說

而我，則全心全意，不理那邊的戰場。

我有另一個目標。

我在等待。

等待一個可以接近金環蛇屍體的機會！

無了

蛇餵鷹

今日短左D

其實文武佢地好慘
雖然有強行洗白之嫌
但可恨既人都有可憐之處
究竟有冇人係單純既壞呢？？

新人第一椒樽藥係最易定最難 定我記錯

需要合成既材料數或合成既機率最易
搵素材最難，因為未適應
所以上下文講野唔算衝突
角度唔同姐

話說成25支靈藥先啪左三支
仲有一支係細佬
即係好靈藥機率咪係25分之3
仲要係搶咁多新人
如果係單刷咪2046年先轉到生？
到時一轉生，共產黨正式收番香港，坦克車落黎香港。一國兩際無啦、港人治港無啦、經濟自由無啦，到時留番拍馬屁、奶共呢d特質得啦。要咁多好既靈藥做咩姐。

得咁少

.... 隨即而來的，中毒後痛苦的抽搐。

完後，雙全靈洞淡出，嘔出了內裡所有的物品。


有big!

武被咬死後沒有靈洞淡出及嘔出物品，即暗示佢其實未死？🤔

有bug

打錯字

無講唔代表無嘅
睇黎大家都好關心執裝嘅問題

其實佢地兩個掉頭走咗先，跟住阿俊先叫巨兵蟻做嘢，我諗佢地冇睇
反而冇悲鳴先係疑點，可以係冇死，又或者武叔佢唔係唔甘心死去