《自殺後先知, 原來人生真係有得洗首抽》 二

邊有死過

文?

文呀

樓豬一過左母親節就做不肖子

未過已經做緊

夜少少先 依家先返到屋企

等你呀

夜已漸荒涼

夜已漸昏暗

莫道你在選擇等 我亦要打著文

好啦 依家出

靈都的太陽光只會治療靈人，所以要醫好阿蝠，就必須要用其他方法。

「歡迎加入狂人世界。」
謝華笑著與我握下手，隨即幫忙抬阿蝠上車。

「太犀利了, 你居然可以馴服蝙蝠，黎，我哋有照顧黑仔嘅獸醫，推過去俾佢哋望下吧。」
我不禁心裡咋舌一下, 連獸醫都有?

於是我和謝華推著阿蝠，穿過一條條走廊。

途中，我不斷發出讚歎，想不到一個靈人的房間，居然可以被擴充到猶如一個基地一般。

又有宿舍，又有訓練場，又有倉庫等等。

而且連被透明玻璃包裹住的控制室都有。

粗略望入去，單單是這個控制室的屏幕，監視器，到其他房間內叫不出名的儀器，器具等等，都已經不是普通人能用慾望喚出的。

雖然唔少製成品落望係有少少簡陋和粗糙，但重點係，這真的可以發揮作用。

加上這個基地嘅建設同一切，睇黎狂人世界，的確有各方面嘅人才，懂得製作這些科技物品。

果然如之前謝華所言呢，狂人世界不可小覷。

「其實係呢到呢，就唔會有我哋靈人嘅醫療室嘅，畢竟出去曬下太陽就能醫百病了，但啊。。。」謝華說到中途，窒口望我

「啊係啦，叫我阿俊。」我還沒自我介紹

「哦阿俊，阿俊你真係好彩，因為鐵軍大哥有養黑仔嘅關係，所以咁啱呢嗰基地有一間俾動物專用的醫療室。而且，我哋亦都有獸醫常駐。」

又拐了兩條走廊，經過了幾個人。我們到達醫療室，推了阿蝠入房。

唔知點解，見到入面一個身穿白袍的獸醫，我便覺得特別安心。

連獸醫都有，睇黎加入呢個組織，好處多多呢。

「隻蝙蝠就交俾佢哋先啦。阿俊，跟我黎。」

之後，我便被帶到一間類似會議室的房間，鐵軍，阿培，衛哥已經坐咗係到。

「處理完啦？ 唔使擔心，我哋嘅獸醫好專業，你隻阿蝠一定無事。」
鐵軍先開口，打了個保證。

我亦在腦海中向光點安慰，

阿蝠，你會好返的。

隨後，由謝華打開開場白了。
「好啦各位，我哋先入正題吧。既然你哋都受到鐵軍大哥嘅認可，咁你哋宜家就係狂人世界的一員，我係謝華，主要係負責鐵軍分部的統籌和策劃，大致上你哋有咩需要或者意見，都可以同我講。循例地，我先問問你哋嘅身前有咩技能，能力，宜家又有咩靈藥之類啦。。。」

謝華先問阿培，

「呃，我生前係個香港學生，無話識咩技能，但對世界史都有啲興趣。宜家嘅靈藥能力，有邏輯，俱圓，呃。。。無了。」
阿培說完俱圓後，頓了頓。

「嗯。。。學生。。。」
謝華打開一薄，記錄著。

「介唔介意透露下你嘅死因？」

「介意。但我係自殺嘅。」
回答得斬釘截鐵。

「嗯。。。無問題。。。我哋都尊重成員嘅私隱嘅。。。」
謝華若有所思，繼續在薄上添上一筆。

「到你了，阿俊，你呢？」

「我都一樣。。。死之前係個香港學生，都係無乜擅長嘅技能，不過好中意研究生物之類。。。 宜家嘅靈藥能力有親和，率直。我都係自殺死嘅，不過唔想講死因。」

「哇？你哋兩個都係香港自殺死嫁？ 莫非係被家人棒打鴛鴦，雙雙殉情。。。！？」
衛哥突然在旁發表偉論，激紅了我塊面。

「你亂講啲乜嘢啊，我同阿培生前根本唔識，咪亂講啊！」

「哦哦。。係咁啊，係我錯，係我錯。。。但真係好巧合啊嘛！」

的確，由旁人所看，我倆嘅相同之處真的很多。

又係自殺，又係學生，又係香港人，仲要大家年紀差唔多，我只係大阿培三個月。

「總之。。。唔係你哋諗嘅嗰樣啦！」

「嗯。。。唔係就唔係啦，」謝華打了圓場。「反正我哋都有辦法。。。到你啦衛哥，你呢？」

「我嘅靈藥係自大同熱情！」
衛哥頓時滿面興奮

我真不知道，他是在興奮些什麼。

「咁你生前係。。。」
「我廣州人，生前係一個健身教練，呢樣仲使問嘅？」
說罷衛哥他便自豪地展示出一條佈滿蠻肌嘅手臂。

「嘖，有肌肉都可以係做地盤嫁，你好好地答人問題啦。」我忍不住吐槽道

衛哥立即反駁
「阿俊你呢個就唔識嘢了，做地盤點會操到啲肌肉咁明顯啊，你睇下我呢到，呢到，呢到。呢啲地方點會。。。」

「喂喂喂，我唔係問你呢啲啊，唔好除衫啊你！ 唉。。。」一番折騰後

「咁你又係點死呢？ 見你年紀都係大阿俊佢啲少少咁，唔係又自殺啊？」謝華開始不耐煩，問得毫不客氣。

「唔係。。。當然唔係。我係為咗去救人，而死的。。。」
誰知衛哥突然由心而出，嘆出這句。

突如其來的回答，叫房間內的眾人都沉默了片刻。

這應該是我第一次見到吧，

一個為別人而死的人。

「咁你要救嘅人，最後有無生存到？」
鐵軍突然問起，言語中期待著結局。

「有。。。有，雖然我唔知後來點，但佢宜家應該好開心咁活著吧。。。」
想不到衛哥都有咁溫柔嘅一面，佢低頭微微一笑。

睇佢嘅眼神，那個人一定是他的某個人吧。

「嗯。。。估唔到我哋收咗個大好人入黎啊。衛哥，既然你係健身教練，一於由你擔任我哋鐵軍部隊，訓練隊長一職吧。至於其他要問嘅都問曬啦。雖然唔係強逼，但都希望你們三個可以搬過黎入基地一齊住。 因為一個月後我哋鐵軍分部要加入一個大行動。」謝華拍了拍手，開始指示。

「我有問題。」
這時，一手舉起。

聽嗰語氣，似乎又係阿培發威嘅時候。

「我想問，我哋幾時先會有機會用我哋嘅神器，無記錯嘅話，係叫融魂鼎？」

問得簡單，直接。

畢竟這是我們一開始加入狂人世界的原因。

鐵軍眉頭一皺
「妹頭，融魂鼎唔係話想用就會用到的，係用之前。。。」

噗嗤

我和謝華同時一笑，幸好忍住
「妹頭。。。乜嘢年代，居然仲有人。。。」
我忍笑向謝華細聲說去。

「啊哈哈。。。鐵軍大哥佢其實已經四十歲以上啦，上一代嘅人係咁嫁啦。。。噗。。」

鐵軍眼神一厲向我倆一暼，我和謝華立即收爹。

「阿妹，融魂鼎唔係話想用就會用到的，係用之前，你必須要準備大量嘅靈藥先可以練出一些正靈藥。你哋宜家有幾多樽多餘嘅靈藥係手？」

衛哥：「我有多兩支負靈藥。」

正當我打算回答之際，阿培搶先答了

「我同阿俊加埋，多咗三支負靈藥。」

誒。。。。。。？

我哋明明有差唔多二十樽負靈藥，點解又要講大話呢?

但阿培眼神傳來的，只有叫我收聲的訊號。

OK。。。

你話事。。。

我張手投降, 回答:
「無錯。一共三樽。 」

文定老母

「咁就唔夠啦。。。」
鐵軍擺擺手，示意無奈，
「 雖然負靈藥的確會令下世唔好，但始終靈藥係靈藥，靈藥是稀少的，數量其實一直都短缺著，所以你地有多兩三樽渣手，已經係好難得嫁啦。更何況要使用融魂鼎，最低消費都要至少十樽靈藥，不論正負。」

「十樽靈藥先可以合成到一樽正靈藥？」
阿培問

「可以咁講，當然你都可以擺二十樽，三十樽。。。但係能擁有十樽靈藥在手，已經係好難做到，所以大部分人都會選飲一個或者二兩個正靈藥，再搭配其他負靈藥轉生。畢竟人無完美嘛。。。再俾個例子你地，我嘅“不羈”，就係用十五樽負靈藥熔煉返黎的。」

鐵軍擺出佢對拳套

「呢個就係“不羈”？」

「嗯。」

原來不羈是武器靈藥。

原來一個正靈藥嘅代價，係咁高。

碰巧的是，我們有二十樽呢。

「但係，融魂鼎可以練出指定的靈藥嗎？」

「唔可以。」鐵軍答得很快。

「我嗰陣都無預計自己會拎到不羈，但放心嘅係，只要你投入嘅靈藥越多，靈藥嘅稀有度就會更高，你點都唔會虧本。比如話紅色靈藥，都係會有機會出現。」

「紅色靈藥？」
我們三個一齊問

真係聽都未聽過。

「嗯，紅色嘅靈藥，姐係會影響身體嘅靈藥，比如身高，手長腳長，強壯，視力等等。。。」

「誒！？ 等陣先？又話靈藥只係會影響性格嘅？」
衛哥驚喜大叫。

我倆也暗驚。

接著，鐵軍繼續認真道
「呵，睇黎你地對靈藥，對呢個世界仲有好多未知呢。靈藥不止會影響你性格，它更是構成你下世人所有嘢嘅物品。。。以後，你地就會明了。所以跟住落黎呢個月，我安排你地三個人成一組，每日你同阿培都要跟衛哥操嘢，因為之後嗰大行動需要嘅係更多嘅體力和力量，咁先可以應付嗰到嘅環境。」

「至於融魂鼎，我地通常每年都會開放一次，由首領帶領我地需要使用嘅成員，傳送去融魂鼎的位置。 但就如我頭先話齋，你真係要有咁多靈藥，我地先會帶你去，否則都係無用。 所以你地三個新人就好好努力，係下次行動嘅時候，累積實力吧。」

「嗯！」
背後的偉哥亢奮應機。

看來要用到融魂鼎，點都要等呢個“行動”完左先呢。

「最後一個問題，我想問我地組織下個月嘅大行動，到底係乜?」
阿培就黎打爛個砂盤了。

「係去尋寶吧?」
雖然答了，但鐵軍手擺嘴巴，好似思索著這是不是個正確答案。

「尋寶？」阿培亦疑惑問

「都可以話係尋寶嘅。。。但確實啲講嘅話，」
謝華見鐵軍又犯老毛病，於是接過話，交代出了一個月後驚人的旅程。

「我地係要去探索一個文明，一個消失左好耐好耐嘅古文明。地點位於中美洲北部，一個叫做尤加坦半島的地方。。。」

「唔通係！？」
阿培眼睛發光，興奮搶話

「瑪雅文明？」