《自殺後先知, 原來人生真係有得洗首抽》 二

只見黑仔立即跑去阿培的跌落位置，及時讓她撞落在自己的背脊，緩了緩衝，才摔落地上。

「阿培！」

我亦立即由空中飛下，降落。 慌忙扶起阿培，她已不省人事。

「阿培！阿培！」
幸好的是，她還有呼吸，表面也沒有什麼大傷，似乎沒有大礙。

這個昏迷大概是由黑仔背脊摔落黎造成的吧，我諗照一照外面的太陽，就應該無事了。

只是，我心中的怒火，隨即中燒

「你係面試定殺人啊！？區區一場面試，你想搞出人命！？使唔使咁盡啊？」
我向著鐵軍大喝。

但鐵軍一如既往，仍然冷淡道：
「細路，傷咗你女人我都唔係太好意思，但呢啲就係現實啊，若然你連呢啲困境都無辦法自保，咁我地狂人世界，又何需要你？你應該知道嫁，出面嘅世界，會對弱者留手嗎？」

「你。。。！」
的確，佢呢番說話，我心知他說得無錯。

選擇企係到嘅，係我哋自己，我哋一早知道若然落敗，會發生啲咩嘢事。

「只有強者，才有選擇的權利。。。所以我哋只要強者，不要廢物。時間仲有四十分鐘，咁你係強者，定係廢物？」

「廢話！ 我地當然係強者！」

忽然，一舊超大的鐵餅由我頭頂掠過，直飛去鐵軍那邊！

「你都算陰險，居然偷襲本大爺我！」
原來衛哥已重回戰場，手渣啞鈴，企係了我後面。

「我只是先下手為強。。。」
鐵軍一個輕功式的跳躍，輕鬆避過這龐然巨鐵。

不過見衛哥出現，我也頓時有了信心。

因為阿培昏迷前所說的話，我還是知道原因的。

只是我現在已空無一物，技窮至此，要係邊到搵火返黎呢？

逼不得已，我只好向衛哥商量

「喂，你除左變大啲嘢之外，仲識唔識生火啊？」

「生火？ 我識啊。 我有個gas爐係靈洞入面，你要？ 」

我被他的話搞到就黎想失控
「唔係啊！唔係普通嗰啲細火啊，我係問有無啲武器或者物品，可以突然引起啲大火？最好係持續嘅，引起山火嗰啲！」

我都知希望渺茫了，衛哥又點會有能力無端端整到一場山火出黎，都係一齊聯手，用武力。。。

「噢你要大火咋，我用熱情咪得咯。」
衛哥突然一答，信心十足！

「熱情？ 你嘅靈藥？姐係你有辦法？」
我喜出望外，想不到衛哥外表無腦，內裏居然都係二靈！

「嗯，我有辦法，不過要用“熱情”起火的話，我就必需要有燃燒物，但係附近。。。好似無。。。」

「喂，你地傾掂未啊？ 」

咻咻~

話未說完，
又是兩道無情的旋風直接貫來，再次將我們此處吹得一片狼狽。


「好！ 我同你打！無時間啦衛哥！等你搞掂之後，記得嗌我！」
我下定決心了，呢個時候我應該挺身而出，不再顧忌任何東西！


「你講得啱！」我向著鐵軍大喝，引戰。

「只有強者先有選擇的權利，既然我選擇左企係到，我就一於，做你想見到嘅強者！喝啊啊啊！」
執起阿培的俱圓扇，再加上自己的率直槍。

我無畏向前，開始正面跑去鐵軍那邊！

衝啊！





























我要衝去訓覺了

也咩爹！唔好停啊！

無飲藥都用到人地武器 定裝飾

還不夠
一半都未有
By黑仔

又唔係online game 無角色綁定呢樣嘢㗎

因為係召喚實物，所以有實物無技能

第一張成個露體狂咁

雖然好吊癮，不過都推一推

我的熱情～好像一把火
同我燒到變沙漠

仲有幾件雞 BBQ 埋佢囉

嗚啊！好緊張

樓主加油 等你出文

d高手玩到咁多靈藥都唔撚投胎
走火入魔

你會想每日去打怪 咩都有得食
定係每日都返工 仲要諗食住

會唔會食得越多靈藥/逗留得越耐
就越容易吸引勁啲嘅動物嚟襲擊
唔係㗎話好唔balance

有可能真係有實物無技能
因為男就變鞭，女就變扇
理論上應該根據人物屬性有變化
所以無飲指定屬性靈藥執黎用都出唔到技
如果唔係拎大隻佬個啞鈴都得啦

你咁力佢變大左拎黎用都得嫁
不過係無得玩玩下變大姐

好好睇 樓主加油

文r

文呢

文

聽日一次過 今日打完波好累

好，等你