《自殺後先知, 原來人生真係有得洗首抽》 二

「瑪雅文明？」


「誒？你知道瑪雅文明係咩嘢？」

我倒是先驚訝起來了。

「喔呵，唔怪之得你話對世界史有興趣，連呢個都知。無錯，我哋下個月要加入嘅行動，就係對瑪雅文明的探索。」
謝華道出計劃，讓阿培興趣大增！

「探索？ 但係點解仲要探索嘅？仲有點解要選瑪雅文明嘅？ 我哋真係要去猶加坦半島！？哇。。。太好啦！。。。。。。」
阿培居然異常興奮，不斷問出問題。

「咪住先各位，我就讀書少嘅，其實瑪雅文明到底係乜嘢？」

衛哥這條問題，剛好讓難得亢奮的阿培冷靜下來。

「咳咳。。。瑪雅文明即係一個被發掘於中美洲北部，位於墨西哥和危地馬拉附近的古代文明遺跡。。。」阿培開始滔滔不絕

「之所以話佢係“古”文明， 係因為呢個文明大概係公元前就滅亡咗，雖然滅亡嘅原因各有各說，但能肯定的答案，世人至今都搵唔到。大概係近年，隨著人類發現更多的文明建築，瑪雅嘅奇妙開始逐漸被發掘出黎， 所以我先想問，謝華，到底我哋要去探索呢個文明做乜？ 你哋唔怕俾其他人類發現嗎？」

「呢個問題，有啲複雜。。。」謝華一邊嘗試組織，一邊望向鐵軍請求示意

「嗯，講俾佢哋聽吧，佢哋嘅靈藥組合好有趣，應該可以係當地發揮作用。」
鐵軍擺擺手，繼續雙腳抬在桌上，示意可以信任我哋。

「咁好啦，我就透露個行動內容俾你哋聽，但謹記，千奇唔好洩露出去，因為我哋狂人世界係出面，都有唔少敵人。」
謝華隨即一面認真說

「嗯。。。明白」
三人點了點頭，示意了解。

「其實呢次行動係首領創立組織初期，就計劃好的。聽講首領無意間得到咗一樣“鑰匙”，然後經過呢幾年嘅調查，終於發現那個鑰匙可以開啟嘅東西，與瑪雅文明有關。。。」
謝華開始徐徐道來。

「而嗰個“鑰匙”係一個類似匕首般的物件。其實對上嗰次我哋幹部開會，都唔係太讚成首領今次嘅計劃，但係偏偏，首領佢獨自搵到證據，拍了相片返黎俾我哋，我哋先知原來瑪雅文明，並不簡單。」

說完，謝華遞了兩張相片給我們。

第一張相片，係一個手掌提著一把類似匕首的物體。

那把匕首刀刃處十分立體，呈三角錐體形狀，而把柄及其他地方則造型古樸，有一種說不出的真實感。

目光如炬的阿培立即問
「呢樣嘢。。。就係“鑰匙”？ 睇落好似文物。」

「嗯。。。你地睇埋第二張相。」

然後係第二張相片。

第二張相片內，是一座古老又宏偉的建築物。

建築物成梯形立方體，中間還有一條直通到頂部的階梯，一層一層，外表的石塊有風化破爛的痕跡，看起來有些歷史。 而且，還有一個身穿紅色大袍的人站在最低處。

「呢個神廟，係瑪雅文明中常見嘅一種神廟結構，但奇怪啦。。。附近仲有好多樹木，比例上面亦都唔係好啱。。。」
阿培細心，開始見到不妥。

「謝華，呢座神廟係屬於邊個瑪雅已有嘅遺跡？ Tikal？ Uxmal？ 定還是洪都拉斯境內的Copán？」

「嗯？ 乜嘢黎㗎？ 你講嗰啲全部都係遺跡嘅名？」
這次到謝華驚訝了，

哈哈。

阿培點頭後，就連鐵軍也不禁抹了抹汗，吃驚說

「咳咳，連呢啲名都講得出，睇黎阿培你對歷史，唔單止係興趣啊。不過呢，呢座神廟應該是我們狂人世界首次發現的吧。」

「無可能！」

阿培立即大聲否認，激動說。
「宜家科技咁發達，大型矚目嘅瑪雅遺跡建築一早被世人發現曬，探索曬，點會漏低一個保留得咁完整嘅神廟！？」

「哈哈哈，鐵軍大哥又幾時話咗，相入面嘅神廟係大型矚目的？」
這時謝華在旁一笑，打斷了她倆的對話。

「乜嘢意思？」

阿培唔明。

我和衛哥亦都唔明。

「相入面咪有個著紅色大袍嘅人嘅？ 嗰個人，就係我哋狂人世界嘅首領。」

謝華這句,說得十分平淡，輕描淡寫。

但就是這一句，讓阿培無比驚訝！！

「真。。。真係。。。！？ 但點解。。。無可能。。。！？」
我都係第一次見到阿培嘅瞳孔超越極限，放到咁大。

睇黎佢真係好震撼。

但我就唔明喇。

「有咩好驚奇wo，都係發現左個新遺跡姐。。。」
我拎起相片端看。

「唔係。。。呢個唔係重點。。。重點係個神廟大小比例，係同首領嘅大細一樣！ 亦姐係，亦姐係話。。。！」阿培瞪大了眼，不可置信望向鐵軍。

「無錯，個神廟大細，的確係以靈人的比例來建造的。」
鐵軍肯定道

「下。。。！？」

即時係再蠢嘅我同衛哥，都想象到發生咩事了。

一個古代文明，居然會知曉靈人的存在，甚至建造了這等建築物。。。

不可思議！

「係咁嘅話，入面有啲乜嘢？」
阿培回復冷靜，開始分析

「除左陷阱，雕像，壁畫之外，咩嘢都無。 不過首領話，係當地仲會有其他呢類建築物存在，仲有機會搵到呢啲只留給靈人的建築物。。。 所以我地下個月就要加入先行部隊嘅首領佢地，去尋找呢啲建築物。話唔定會係入面搵到關於靈藥嘅寶藏也說不定。」

「恩呵。。。的確有探索嘅價值呢。。。瑪雅文明對靈人嘅研究之類。。。」
阿培也擺起思考姿勢，開始思索。

「不過，就算點都好，我地嘅加入都係一個月之後嘅事。你地宜家先返去執一執嘢，再搬過黎住吧。 」
最後，這場介紹會終於結束。

仿佛考了一次大試般，腦袋有些轉不過來呢。。。

有種快要做大事的感覺。

我們步出基地，衛哥在我旁邊不斷打量四周，吐槽著
「噢呵呵呵。。。狂人世界真係不簡單呢，無論係成個組織定係個鐵軍。。。好彩宜家加入左佢地。」

「組織龐大我都明嘅，但鐵軍都。。。？ 我地最後贏左佢啊。」
我隨便回了句。

立即激來衛哥不滿
「無贏到，我地無贏到。因為佢一直都放水同我地打。你唔係以為狂人世界三幹部之一只會係一靈吧？」

「誒。。。」

的確啊！經衛哥一提醒，我才頓時醒悟起，原來那場面試由頭到尾，鐵軍都只係動用了佢嘅“不羈”。

小睇我地？

唔係。。。

我回想起嗰場面試的一切，佢應該係打從心底認定自己很強，用一靈已足夠試出我們吧。

真從容呢。。。

可惡。

Live

無嗱？

「哼。。。真強啊。只用一個靈藥就可以壓制我地三個。。。」
衛哥亦在旁不忿道，但面容卻是滿滿的興奮。

「有機會嘅，我地以後應該大把機會同佢對練吧？ 到時再徹底打敗佢吧。」
我搭了搭衛哥膊頭。

不知何時，我已經不喜歡輸的感覺了。

亦唔知幾時，我開始當衛哥係夥伴了。

我地三個第二日便搬過去基地訓練。

第一個星期，跟著衛哥地獄式操嘢。

第二三個星期，仍舊是操嘢，但加入了訓練使用靈藥作戰嘅環節，和其他狂人世界成員對練。

鐵軍大哥話，這世界沒有最強的靈藥，能否善用靈藥能力，才是評判實力的真正基礎。

雖然佢講得好老土，但也是呢。

畢竟單單一樣不羈已被他用到上天遁地般，若然我的率直槍術都有些功力的話，當時面試就不會如此不堪了吧。

最後，第四個星期，

阿蝠的傷也治療好了。

亦是時候，出發。

仲有冇

「咁多位，踏入傳送陣後，我哋鐵軍分部就正式加入瑪雅行動，行動內容已經事前話左俾你地聽，呢次旅程如無意外，應該會相當危險，但有危就有機，強者和菁英，是不怕風險的。所以，各位！ 」

說到這裡，鐵軍運起不羈，一聲怒喝，猶如一個出征前夕，鼓舞將士的將軍，向我們吶喊！

「你地係唔係精英！？」

我們一行二十人，不禁大聲給予回應！

「係！」

「你地係唔係強者！？」

「係！」

「有無克服一切，無懼敵人嘅信心！？」

「有！」

「好！全部人跟我入黎！」

謝華頓時丟出一個龐大的傳送陣，藍光在地上漸圓，併發，為這場出征添上色彩。

鐵軍先踏入藍陣。

眾人亦毫不猶豫，跟隨著他。

最後，衛哥入了，阿培入了。

我亦踏入其中。

黑仔都聽話走來。

「汪！」

一陣巨光突然在訓練場中綻放，隨即什麼都不剩。

下一秒，在地球的另一端，密林草叢，熱帶氣候，我們已到達猶加坦半島。

探索瑪雅，現在始動！






















...... 沙沙沙


......總部......總部，緊急通報，啱啱發現MMW派遣了新的援軍達到X區域，已目擊到黑色柴犬，恐怕係鐵軍分部的鐵軍出動了。


...... 沙沙沙

X區域？這是承音負責的區域吧？ 通知佢，叫佢會一會鐵軍佢地吧。但要小心，狂犬鐵軍的實力並唔簡單，只需阻止，不要硬來就好，收到？


...... 沙沙沙







收到。

無了

菲林相機唔算難整

居然一野就黎到瑪雅

反派出現了

鐵軍/衛哥對佢地太好 為佢地死 謝華出賣佢地

你嘅諗法真係黑暗啊⋯⋯







不過我鍾意

衛哥唔好死
三主角一齊成長

樓主係咪有追我的英雄學院 鐵軍控制風

今日無文咩？

其實即係國哥同文叔 事件一直在重複

聽日先 仲諗緊啲位

我要文呀

如果又推遲朝早出 其實最後少左一日文