《自殺後先知, 原來人生真係有得洗首抽》 二

其實一早暗示咗靈藥賦予嘅能力係因人而異，主角飲親和可以控制動物唔係偶然

「我。。。我投降。。。」
他黯然說出這句後，眼神亦都失去戰意。

「剩下六人。無鬥志嘅廢物，就快滾吧。」
謝華開始報道起現況


「仲有六個啊培。」


「唔係。對我地黎講，係仲剩低三人，」

阿培自顧自說，開始拉起我進攻起其他參加者！

「留下嘅三個人入面，一定要係我同你，加埋嗰個肌肉阿叔！」


「點解要咁做啊？個肌肉佬睇落咁無腦，又成日癡線咁大笑，你唔擔心。。。」
我地已纏上最初射我倆的那個弓手，估唔到佢都留到宜家。

「唔會！個阿叔比佢外表顯得更加聰明，如果下一關卡，係要我哋三個共同合作的話，我地絕對會需要佢嘅力量！」
阿培已撥起鐵扇，不斷掃開迎面射來的箭矢。

「但如果最後係要我地三個自相殘殺呢？」

「咁咪退出呢場面試咯，唔通我地兩個真係互片咩！」

「喂你地兩個唔好太過分喎！ 圍我都算啦，仲要傾曬計咁圍，信唔信我」

「你收聲 ！」
我將毒矛一伸，矛尖已狠狠插入弓手右腳大腿！

「啊啊啊啊！ 我屌你老。。。誒我點解郁唔到嘅！ 呃啊啊」

這弓手已經廢了，只能趴在地上無力痛叫。

「現時剩下四人。」
謝華不忙提醒，但

「誒，唔係應該剩低六人咩？」
我向肌肉佬那邊一望。

原來他又獨自解決了兩個人，而且佢仲。。。

開始向我倆衝來！

「SHIT！佢注意到我地喇阿培！」
我提起長矛開始戒備

「唔好理我！你去解決多出黎嘅嗰一個人先！ 我會拖著呢個肌肉阿叔！」

「你！」
情況危急，已不容我思考是否聽從。

但生死關頭，仍然選擇相信的人，才是戰友吧！

「好阿培，交俾你了！」
我一提氣，立即抽起長矛向多出來的那個人跑近！

要快。。。係阿培受傷前，我一定解決呢個人！

我這邊攻的，是一個手提大錘的硬漢。

但阿培那邊，卻是要面對一個雙手渣住鐵餅的變態肌肉佬！

「哈哈哈哈，咁後生都想要加入狂人世界，妹妹仔，你夠唔夠料啊？」
肌肉佬輕鬆笑說，擺明不當阿培是一回事。

「你試下咪知咯。」
只是一個揚手，藐視對方的阿培，神情認真囂張。

「呵呵呵，咁串啊，萬一死左，就唔好怨我啦妹妹仔！」
肌肉佬一手甩出，黑黝黝的鐵餅變成了炮彈，直擊去阿培眼前！




咻~




但就如我之前所說的，

一切的遠距離攻擊，都不是威脅。

雖然之前那段時間的冒險,我們沒有收集到什麼實質的東西。

但練習靈藥，鍛煉體力的功夫，我們一直沒有遺漏去做。



啪！




一下拂扇，阿培輕描淡寫地將這鐵餅掃在腳邊！

鐵餅詭異的威力和重量，甚至陷入了半截落地面。

這下攻防，開始讓肌肉佬有興趣了。

「哦呵，睇黎你都唔簡單喎。好哈哈，好！ 就陪我玩耐啲啦小妹妹！」
一抹唔知係唔係樣衰得濟嘅淫笑。

肌肉佬掄起各種大小的鐵餅，開始不斷向阿培飛去！

飛去！

啪！啪！啪！

阿培將芭蕉俱圓扇拂個不停，全部鐵餅一一被掃下。

「自大！」

突然！一個飛來的鐵餅剎那在空中放大至三人高！

這突如其來的巨物，卸得開嗎！

啪碰！

「只要是衝擊物，呢種大小，我仲可以應付！」
阿培嘶吼出充滿鬥志的一聲！

這恐怖的巨型鐵餅，居然都被阿培卸開了！






「咁，跟住落黎我呢下呢？」







一個龐大人影無聲無息，忽然出現在阿培面下。

只見肌肉佬拳握啞鈴，半腳蹲下，這來勢，是一個貼身的上勾拳。

原來剛才，放大的鐵餅是掩眼法！

阿培二話不說，開啟邏輯，紫光一瞬。

但俱圓是卸不開這種貼身攻擊的，

這種情況下。。。還有救嗎？













有！












「現場人數剩下三個！ 全部參加者停手！」

謝華的擴音及時響起，這下仿似擂台的鐘聲，讓雙方的動作瞬間停下了！

呼。。。。。。

好彩黎得切。

我呢邊已將長矛插入這個可憐傢伙的上臂。

及時阻止了那邊廂的悲劇發生。

「首先恭喜三位成功留到最後，你地三個可以先出一出去曬下太陽，回復完傷勢體力再入返。」
謝華說完這句便靜了音，留下我地三個在原地各自互望。

「你地兩個無聽到咩？結束啦，出去啦。」

阿培頭也不回，轉身就走

「噢。。哦」
我倆只好納悶跟住。

途中，肌肉佬爽快拍了拍我後背
「嘿，哥仔，你都留到最後喎。」


「喂！咁大力做乜啊！」頂，我成個人被佢拍到向前衝。

「啊SorrySorry，太大力添，唔好意思啊。」

「呃。。。你！」

「前面嗰妹妹仔，係你朋友嗎？」
佢突然問

「係啊，我同佢係一齊嫁！」
我不忿道

「係啊。。。宜家啲後生仔真係唔簡單啊。。。頭先佢。。。」
佢開始自顧自說起話，但我沒有理會到他，直直加速走前了

不知為何，我就係有些莫名其妙，唔太中意佢。

回復完體力，我地回到頭先嘅訓練場。

頭先戰鬥的痕跡，已經被清理得七七八八，係嗰兩個巨型鐵餅仲留係原地，我諗咁巨型，謝華應該都搬唔郁吧？

「好啦各位，首先恭喜你地三位成功留到最後啦。。。跟住」

「呢句你咪講過咯，跟住係唔係要我地三個互片啊？」肌肉佬一聲炸去

「哦哦係咩，我講過啦。。。呃互片？ 當然唔係啦，十五選三，你地其實已經算係精英了。所以無必要再互相廝殺。而且跟住落黎，你地三個唔聯手的話，恐怕都會葬身此地。」


訓練場一端，一個巨型鐵閘開始被緩緩拉高。

咔啦啦啦啦啦。。。。。。

鐵閘上的鐵鏈滾動聲，鬧得人心慌。

而且




帶肉骨頭。。。。。。


嗯？！


魚罐頭。。。。。。


雞肉關頭。。。。。。

肉。。。。。。肉。。。。。。 肉。。。。。。

我。。。。。。要。。。。。。肉！





















「汪汪汪！嗚汪汪！」

補文完畢，尚餘一篇

反正都出左最後嗰句


你地激情對望埋啦


圖片摘自google

唔知最後會唔會打獅子老虎呢

彈唔走近身攻擊 相反咁用彈就自己得唔得呢

btw 終於見到用負靈藥

負靈藥都幾勁

唔知主角會唔會收服小狗為己用呢

喺靈都要幾多罐罐都得喇

跟住練成絕技: 牙通牙

有文又推

遲鈍咪巴基

唔係講緊飲左落肚嗰啲喎

文

好得意呀加速

斬左隻手比佢食然後收服佢
全劇終

下午一推