《自殺後先知, 原來人生真係有得洗首抽》 二

個故終於開到二啦~

帶個頭盔先， 此故事名字其實係呃你入黎嘅噱頭，所以本故事絕不會鼓勵你自殺的。

但如果你睇完，或者未睇之前都有呢個尋死諗法。

請致電
香港撒瑪利亞防止自殺會
2389 2222

（唔好放棄生命呀！ ）

感激各位巴打支持，推到個故上第二個post。

呢個故事係個奇幻故事，係我計劃左好耐好耐，想寫好耐嘅故事。

可能中途會寫到好中二，好白癡，但目前黎講，我都幾enjoy寫呢個故事嘅。

再次多謝各位支持，

寫完呢個油塘篇後，我有個驚喜俾大家。

請大家繼續支持我吧。

留名

追到過黎

記得正評埋啊

這個世界，總有幾類生物，會讓人情不自禁害怕，你仲會將某些生物列為自己的剋星，

比如蜘蛛，比如蛇，又或者是其他古靈精怪的昆蟲。

由細到大我們都被教育成，見到這類生物都應該繞道而行，避之則吉。

這是因為除了它們駭人的外表外，更重要的是，

它們很危險。

毒如蛇蠍，

這句話並不是亂說的。

蛇有毒蛇，蛛有毒蛛，而全世界的蠍子，都是毒蠍。

沒有一種蠍子是沒有毒的，所以馬來西亞雨林蠍自然亦有。

加油樓主

雖然如此，但雨林蠍的毒性在蠍子家族中，算是最弱的一類。

其毒腺內含有的麻痺毒，對一個正常人類而言不算什麼，就算不幸被螯中，頂多都只不過係紅腫少少罷了。

只不過，這只限於一個“正常人類”的體型。

我們是靈人，就算是微不足道的劑量，少少的雨林蠍毒已足夠讓我們麻痺一日。

所以那個時候，我故意只選了蠍子尾巴作為我嘅回報。想有日可能會拎黎對付其他獵食動物。

只是想不到，最後用來對付的，會是自己同類的靈人。

「武哥。。。你輸了。」
阿培走來扶起我，對住地下的武哥訴說現實。

「哈哈，哈哈哈，真係麻痹左！估唔到你哋兩個死咗一個月都無，竟然可以做到咁，哈哈哈哈。。」
他無法控制身體，只餘下頭部還可以活動，大笑。

樓主加油

「噓。。。」
阿培拿出膠帶，不耐煩地封住了佢把口

「武哥，我哋之所以贏到你，都係因為我哋有計劃，呢個計劃係我用邏輯靈藥計劃出來的，有好多細微，影響勝負的東西，我都統統計算在內，包括咗你睇小我哋嘅心態。」

「嗚嗚。。。嗚！」
武哥張大了不爽的眼神，不斷呻吟。

「武哥，你好強，其實由一開始，你一早就可以了解我哋兩個。但你無，因為你打從心底小看了我哋兩個。呵呵。。。」
這大概是我第一次見到阿培的冷笑。

寒得讓武哥眼中，透出些少恐懼。

新讀者LM正皮
新po先黎上水

落唔落到手呀

「所以我讓阿俊先引條毒蛇過來，分割開你哋兩個，如果你唔係睇少我哋兩個的話，嗰一刻你應該去幫文叔先啱。 但係你無，你打從心底認為，對付我哋兩個，你一人足矣。」

阿培已開啟邏輯狀態，得意地滔滔不絕
「講到最後，真係要多謝你啊。多謝你真係一個人跟咗過黎，咁我哋兩個就可以專心對付你一個。只不過靈藥嘅能力真係超乎想象呢。如你所見，我哋對付你嘅底牌只有阿俊嘅兵蟻群同小角。 如果你嘅能力可以輕易屠殺到呢啲螞蟻的話，咁就有些不妙了。但又真係幾好彩，你夠蠢。 主動暴露能力不但之，仲俾我哋拖時間，讓你嘅注意力不斷集中係兵蟻群，而唔會留意一早就在你身後的小角。」

呢個就係阿培用邏輯計劃出的計劃上半部分。

先分開二人，再分而破之。

想不到真的如阿培所想，成功了。

「係咁嘅話，你嘅大意已成定局。阿俊。。。跟住。。。」
她的眼光恢復正常，猶豫問向我。。。

接下來，應該是。。。殺了吧？

「我。。。嗚！嗚嗚！」
我忍不住撕開武哥膠布，問
「點解。。。你哋要做哋咁壞嘅嘢？」

說真的，我真不信人可以壞到咁嘅地步。

「蛤？」他先是一愣，隨即繼續大笑

「哈哈哈哈哈哈，哈哈哈哈。。。。。。」

「有咩咁好笑。」

「我係笑我自己，竟然俾兩個咁天真嘅細路打敗啊！ 哈哈哈哈。。。。。。係了，我殺咗你哋朋友，好似叫梅姨同國叔？ 」

「無錯。。。」我答。

「咁跟住，你係唔係要報仇，殺返我？」

佢明知故問，但

「點嘛？ 俾啲反應啊， 落唔到手啊？」
武哥一語中的。

對啊。。。我地兩個

真係未試過殺人。

明明佢人在地上，處於劣勢，但我總覺得武哥的話，在壓著我。

「所以話，呢個先係最好笑嘅地方。哈哈哈哈。。。」
他突然笑了起來，而且笑得得很癲狂。

「細路，係我臨死前，教多你哋一樣嘢吧。無論今日係你死或者我亡，呢個世界始終都係個你搶我奪嘅世界。你哋知嫁啦，武哥我死前係一個豬肉佬，我每日屠殺嘅豬隻，臨死前都會發出一聲好淒涼嘅叫聲。 呢啲叫聲，我每日至少都會聽到五次，而呢啲聲，幾乎充斥了我整個後半人生。」
不知怎的，武哥居然開始說自己的事。

阿培拉了拉我衣袖，示意動作要快。

但我卻有些想聽落去。

畢竟，頭先的戰鬥，我並不覺得自己是全勝。

「然後到我死咗，跟住文叔佢再次出去屠殺其他生物，我先發現呢啲聲原來係所有生物都發得出嘅聲音。到有一日，我終於發覺，原來嗰種聲音，係一種悲鳴， 嗰聲悲鳴入面嘅無奈，嗰種不甘，嗰股被人肆意魚肉的感覺， 其實亦都係我哋死前嘅寫照。細路，你哋兩個係自殺的吧？」

我倆沒有回話，但我點頭示意。

再聽落去實比人斬死

「我估，你地死嘅原因無非都係啲不如意，或者啲無奈嘢觸發的吧？ 其實武哥我都應該學你地咁，趁早自殺呢。因為我同你地一樣，明明自己係個屠夫，但竟然要死咗先察覺到，原來自己都係一個被人屠殺緊嘅動物。」

「唉。。。。。。」武哥望天一歎。

這聲歎氣，真的有種歷經滄桑的味道。

「到底死前，有多少人知道，人要生存就必須掠奪其他生命？ 死後，又有多少人會醒悟，世界總會讓你重新變回弱者，讓你再次淪為被人屠宰的那個？」

「仲以為，下世可以變成掠奪人的強者，不會再做回那個被人魚肉的弱者呢。果然，我還是做不到啊。。。」

我。。。

聽唔明白。

可能每個唔係自殺死嘅人，都會說出一些饒有味道的話吧。

只是，我很清楚，我地唔可以放過佢。

「無記錯的話，你叫阿俊，而你係阿培吧？雖然我唔憎你哋，但我都唔會認殺咗你地朋友係我做錯。哈哈哈，呢個時候求饒好似好啲呢，可惜我個性格做不到啊。。。落手吧。」

咦？
意外地，武哥竟然主動求死。

「乜嘢唔係你錯，你放棄你自己嘅人性，無膽同出面嘅巨大動物對抗，仲對自己同類人出手！ 你仲話你無問題？」
阿培頓時激動起來。

是想起了國叔吧。

「有什麼錯呢。。。比起出面嗰啲生命，你地班新人條命先係最低等嘅命，我點解要捨易取難？」
這下反問，倒讓我倆徹底無聲。

「我地咁嘅做法，其實係最有效率的轉世做法，只要將同類不再當成人」

「夠啦！阿俊！」
阿培怒喝，聽不下去了。

畢竟價值觀唔同。。。
我實在想象唔到自己好似佢地咁，咁殘忍。

「哈哈。。。睇黎係時候了。 係咁就落手吧。乾脆些。我同文哥一早對呢啲事做好咗覺悟。 」

我亦不客氣了，

拎起武哥跌落的斧頭，我漫步到他身邊。

「來吧，我準備好了。」
見佢居然如此灑脫，我不禁好奇。

點解佢會咁坦率面對自己嘅死亡？

「點解。。。頭先同我地打，你要放水放咁多？」

說真的，這次的戰鬥，有好多時候武哥都可以重創我。
我畢竟係個新手，我自己都知道自己露出了不知多少個破綻。

但佢無趁虛而入，反而係想徹底壓倒我嘅全部實力。

擅長戰鬥的他，無理由會選咁蠢嘅做法。

「無乜話點解，可能。。。因為我唔憎你地吧。。。」
武哥苦澀一笑

「又可能係，我都開始覺得自己錯了吧。到底是我錯，還是世界的錯呢。。。唉，落手吧。唔好再問，再問，你就落唔到手了。」

我緩緩舉起把斧，對住佢無得反抗的頸部。

心中掙扎萬分。

「來吧。。。我都累了。」
武哥催促

我握著斧，顫抖著。

但。。。

「唔啊啊啊啊！」

一番掙扎後，我還是下不了手。

我從沒想象過自己是個會奪走別人生命的人。

「唔得。。。 雖然佢殺咗我啲螞蟻夥伴，雖然佢殺左國叔梅姨，但我就係落唔到手！」

我將手中斧頭摔在一旁。

我急到淚都飆埋，但我真係做不到。

要逼自己殺人什麼的。。。

太難了。

「係咁嘅話，我地搵個地方綁住佢，等其他肉食動物來處置佢吧。」
阿培亦沒有多說什麼，給了另一個意見。

「喂！你地兩個無膽鬼！講好咗唔係咁嫁喎！咁樣死我咪仲痛苦！我殺個阿姨同國叔嗰陣，都係速殺速決嫁！」
武哥怒道

「。。。。。。」
我倆默不作聲。

其實這時候可以不理他的廢話的，但偏偏我也覺得，這不是最好的做法。

「但係。。。我落唔到手。」

武哥暴怒：
「唔會，你唔會落唔到手！ 由我地誕生係個世界時，我地就係個不斷掠奪其他生命嘅掠食者！你同文哥共渡了一個月，你無理由唔知嫁，我地條命，同係嗰邊嗰隻螞蟻一樣，都係無分別嫁！落手啦！ 你個自殺死嘅廢柴！ 唔好臨到最後先黎扮虛偽啦！」

「我。。。！」
我被激得又怒又卻步，但還是忍不住一拳打在他面上。

碰！

「噗哈。。。 哈哈哈，我都話，你地一定落得到手。。。哈哈哈哈」
武哥嘴角流血，狂笑說

「我，我地先唔係你講嘅嗰種人，我地唔會殺人，更加唔會掠奪啲咩生命之類，我地」

「係咁話，你地又點解殺咗你自己？」
他定眼，認真望住了我倆。

我也被這問題弄得一愣了。

對呀。。。我真虛偽。

我一早就殺過人了。

我一早，就殺過我自己了。

而且為了自己，我已經殺了不知多少個生命。

「我。。。我認真問多你一次！」我含淚扯起佢衣領，怒問

「如果我放過你，你係唔係會返黎報仇？」

「一定會。」武哥答得乾脆「所以要殺，就宜家殺！」

「好！阿培，我地走！」
我拖著帶淚的阿培，喚回小角，向文叔方向擰頭走去。





巨兵蟻。。。


聽住。。。

瞄準地上嘅嗰個人條頸，咬。。。

咬。。。咬。。。咬。。。！

咬斷佢！

咔嚓

身後傳來一下斷裂的，無情的響聲。

我和阿培都知發生了咩事。

不過武哥啊。。。

你無發出嗰種悲鳴呢。。。


。
。
。
。
。
。

「接下來。。。到你了，文叔。」

我倆重回最初被文叔武哥追上的地方。

文叔一身西裝已染上了豔血。

他左手持鞭，右手握刀。

恍如一個冷酷的死神，威風凜凜地站著不動。

而他身後，趴了條龐然巨物。

那是我之前引來的金環蛇。

真的。。。被解決了嗎？

嘛。。。還是不要覺得驚訝好了。

因為這還在阿培的計劃之中。

但之後的，就是計劃之外了。

「文叔。。。」

「阿俊，阿培。。。」

一個月前，還是同吃一鍋飯的人，

如今，

對立了。

頂唔順了，明天吧