好想呻下,由養前爬左好耐文都知道刺蝟好難養好難親近
到養左先覺得點解難到咁
帶佢返黎第一日就比件著過既衫佢適應下,結果每日都係匿係件衫入面,夜晚先出黎
朝早下午好奇忍唔住揭開佢件衫希望望下佢同佢玩下,又嚇親佢狂炸刺
有比隻手指佢聞同舔,比佢咬過兩次之後佢舔到咁上下我會收返隻手
但總之一掂佢就炸
嘗試摸佢啲刺又越摸越炸得勁
琴日返到屋企仲要發現佢成功逃獄匿係櫃底,用左好耐時間先引到佢出黎再隔住條毛巾捉返佢入去
好難搞啊
巴絲打們有無方法可以指教啊
佢之前咬自己隻腳搞到結焦我諗住聽日放假帶佢去享和睇睇醫生,但淨係搬佢去出街箱都唔知點搞
揭開件衫一定嬲,唔知點上手搬