[PC]上古卷軸集中討論區 23 光芒熄滅了..但我們,還在戰鬥!

話者講下幾位存在感幾高嘅

第一位莫拉格巴爾，強暴、暴虐、奴役大君
傳說佢變身成小男孩，強姦左一個叫lamae嘅人，呢個就係吸血鬼嘅始祖(eso 見到佢)
係eso入面佢係主線嘅最終boss，佢嘅位面叫冷港，傳說係現世末日後嘅景象。佢透過曼尼馬克做中介引發魂爆，藉此發動一場位面融合，企圖將兩個位面融合
最終玩家無魂者係佢嘅宿敵魔神美瑞蒂亞協助下摧毀左融合器主機，並係眾王護符buff 下用反魔神居合斬斬開佢幾廿碌

藉得一提嘅係佢一件可怕嘅兵器：生之凋蔽，本黎佢賜左比一個崇拜佢嘅亞歷德城邦黎吸乾隔離拜美瑞蒂亞嘅生命力量，點知比人先發制人

第二位瘋神謝爾格拉，冇錯，係一個痴線佬 位面叫戰栗孤島，島上分成兩大區，痴呆同狂熱，由黃金聖徒同黑色魅惑者管理。4代主角最後「披甲」成為左瘋神嘅一部份。eso 裡面佢將人類最強法師之一，眾籌左諾德智商嘅沙利多玩弄鼓掌之中，撚狗咁撚

第三位係阿祖拉，月影女神，黑精三好神之一(註：上面兩位係黑精「劫難之間」四條麻煩友之二)，真審判席之一，可以話係黑精嘅主神。係好耐之前黑精仲係凱莫，仲係高精咁嘅色，佢地嘅王叫尼瑞瓦，但佢老婆ayem 同部下vehk 同seht 謀殺左佢，竊取左洛克汗之心力量成神，成為「審判席」三活神。要知道尼瑞瓦係阿祖拉契仔，仲親賜只有佢先帶得起嘅戒指”moon & star”比佢，呢次謀殺激嬲左阿祖拉，佢詛咒左全體凱莫，結果即刻變黑曬 係eso 佢極唔情願(傲驕)咁指引玩家幫助維威克vehk，而係三代佢指引一步一步實現預言，擊敗達格斯烏爾，解救晨風，成為尼瑞瓦轉世尼瑞瓦因

Groundskeeper=Meridia

繼續講
第四位係梅魯涅斯大袞，破壞與毀滅魔神。簡單講，親戚嘅細路 。關於佢起源有幾個講法
1. 上一世魚人王國lyg 嘅王子
2. 同美瑞蒂亞一樣係走唔甩嘅星之孤兒
3. 本身係跳躍之神，比奧杜因食完柯返出黎變左依家咁
4. 同其他魔神差唔多

不過不論係邊樣都改變唔到佢「反派」嘅形象。黑精四大麻煩魔神之一，大部份4代玩家最痛恨對象

eso 入面佢比左唔少麻煩神洲，除左首堡被佢打爆左，佢仲入侵左威倫森林嘅樹林(副本city of ash 1,2) ，不過佢係單純破壞，打爛野，同莫拉格巴爾嘅「征服」有少少分別

4代佢係主角，崇拜佢嘅神話黎明邪教謀殺皇室，令龍火熄滅，引入魔神入侵大陸，最後皇帝私生子馬丁打爆護符化龍將佢推返凐滅，但馬丁犧牲左，變左一尊龍雕像 (最後帝都城破後比梭默拆鳩左 )

神話黎明係5代可以搵到一個，開左間晨星博物館

99%
上面提到生之凋蔽本身想用黎打隔離屋，傳說個個城邦最後美瑞蒂亞將佢傳送走左，變成冷港入面嘅個個城市

成個虛幻之城放係莫拉格既地盤

睇完skyrim個神像發覺少咁對翼但態度都係一樣

5. 赫爾麥斯 莫拉，知識、智慧、命運嘅觸手怪魔神，有著令密集恐懼症患者失禁嘅外表

冇人知道佢嘅位面異典收藏左幾多知識，可能甚至連「殺死一個神」嘅方法都有

佢嘅神器叫無限智典，高精神系嘅沙克斯正正係用佢比嘅知識完成左「沙克斯秘典」呢本4代嘅重要道具(5代可以搵到殘頁)

莫拉係黎明紀元接濟左比「獄卒」瓦洛克追擊嘅米拉克，比佢係異典躲藏起黎，一直到4e201 年米拉克中二病發以為自己有辦法黎場說走就走嘅旅行，諗住引龍裔入黎食左佢個肉身自用，點知莫拉當佢condom 用完即棄係決戰之際擊殺左米拉克，並收獲新嘅肉便器僕人龍裔

傲嬌天使

有人話斯卡爾長老個秘密係個gag黎

6. 美瑞蒂亞，傲嬌天使，重度潔癖患者，佢極反感不死生物(你睇佢把破曉，上斬魔人下斬屍鬼)，係莫拉格巴爾嘅死對頭之一

感覺上佢係魔神中最「善良」嘅一位，象徵著光明、生命能源等正能量野，主要係因為佢係魔法之神瑪格努斯走佬時走唔甩嘅星之孤兒轉變成

係eso入面佢係指引玩家嘅引路者，幫助玩家擊敗莫拉格巴爾，仲將「無魂者」嘅魂比返玩家

4代佢搖身一變成為左反派角色，要知道亞歷德崇拜魔族，其中一位國王叫烏瑪瑞爾，佢係阿萊西亞起義個陣係亞歷德國王，比佩林納爾所殺
傳說佢肉身死左但佢靈魂係美瑞蒂亞嘅位面“繽紛殿”存活著，直到4代，佢同佢肉身一齊回歸現世，結果被收集齊成套聖戰者之遺嘅4代主角披甲佩大俠斬左佢肉身，再係塔諾斯庇護下上天斬埋佢靈魂，完完全全消滅左佢

5代佢成日將玩家由半空掟落街

7. 波耶西亞，背叛、陰謀、與詭計之神，人妖，佢2、3、4代係男性、5代卻係女性姿態，而eso 更係兩個都有(男性雕像已被移除)，係晨風三好神、真審判席之一，莫拉格巴爾死敵(5代任務)

係卡牌遊戲入面波耶西亞首次擔正，當時梭默主帥納亞里芬向佢借兵，平推希羅帝爾，但最終係卡牌王活躍下魔人首領Reive 被殺，金芒長劍被奪去，梭默未竟全功，反勝為敗

8. 梅法拉，八婆、是非精、織網者，熱愛搞亂人際關係，晨風三好神、審判席之一，殺手組織「莫拉格黨」崇拜嘅神，黑兄嘅夜母被視為佢嘅另一個形象，傳說係莫拉的姊妹，位面叫混亂漩渦Spiral Skein

係eso 佢嘅魔爪伸向左夏暮島同塞伊克，令女王幾千年黎首次打開國門，希望世界各地嘅英雄前黎協助

(未出呀等6月啦)

難得有人在線
有無人有興趣打一場普通地牢

好

十分鍾後，sor

汁埋啲嘢先開得

fuck,原來我做左解密狗
sorry

fuck,原來我做左解密狗
sorry

入咗game要點邀？？

冇lo做乜勁

sor屋企又係煩鳩我聽日先啦

見到你加密左個id
唔記得引用會解密

你加著我先啦

加咗

有 D technical 野問
Hammerfell係咪全地圖都係沙漠黎？
係正 skyrim隔離咁邊境氣候咪好怪？

熄左電腦先睇到