未來10年係BNO生死存亡既關鍵 ── 90後年青人對BNO既觀點與自述

318 回覆
253 Like 23 Dislike
2018-02-13 16:42:28

未來10年係BNO生死存亡既關鍵 ── 90後年青人對BNO既觀點與自述


大家好,好感謝你睇呢篇文章,我係一個1996年出世於英屬香港既香港居民,今年21歲。係呢度,我希望同大家分享一下作為最後一代英國國民(海外) 對BNO 既睇法。我既文筆唔好,希望大家見諒。首先容許我講少少歷史:

1990年,時任香港總督衛奕信爵士公佈居英權計劃,提供最高50,000人和他們的家眷名額依照《1990年英國國籍法令(香港)》成為英國公民。根據一九九〇年英國國籍(香港)法,總督可向國務大臣推薦為數達50,000之香港戶主登記為英國公民。我中學個時識得幾個同學,佢地父母有啲係專業人士,有啲係教書既,佢地都透過呢個計劃拎左BC。遺憾既係,香港有好多中下層既父母(包括我既父母)根本無資格又或者無興趣去申請英國公民身份。不幸中既大幸係我父母有幫我整BNO,都叫做有野係手,仲叫做同英國有少少聯繫。

踏入90年代,最後一代英屬香港人,即係我地講既90後相繼出世。呢一個世代既人同前幾代相比有啲特別。呢一班人當時仲係好細個,佢地未必會察覺到身邊發生緊咩大事,而政權亦正在無聲之中交替。80後出世既人可能都識得睇下電視關心社會,識得表達自己意見,但1996年出世既我當時仲係一臉無知,根本唔知外面做緊乜。

我想講返去1980年代,我希望用我既角度回顧呢段歷史,講下點解我地會走到黎呢一度。我冇親身經歷過呢段時期,亦冇讀詳細讀過香港歷史,我所知既都係由上網閱讀而黎,如果有任何錯處,歡迎各位賜教。

1980年伊始,早於80年代初英國曾經修改國籍法,設立左三種國籍:英國公民、英國屬土公民以及英國海外公民。而香港社會亦開始討論前途問題,其中以香港大學生尤為熱衷於此議題。1983年,港大學生會通過了「致函中國政府,爭取香港民主化」的議案,當中學生會表達左「中國擁有香港主權」的愛國基本立場。我已經忘記左當年學生會既口號,但我記得個時既香港大學學生好愛國;呢一年,距離我出世仲有14年,距離我入讀香港大學仲有32年。其實我應該慶幸我冇參與其中,不然我都會變成今時今日的愛國藍絲。隨住英國係香港前途談判上節節敗退,加上社會對「回歸」中華人民共和國既憧憬,英國最終係1984年簽署《中英聯合聲明》;而我要再過12年先黎到呢個世界。

同期,英國政府開始簽發英國國民(海外) 護照,即BNO。1985年,英國政府決定BNO不含繼承權:我會形容呢個舉動係表達左英國要同最後一代英屬香港人劃清界線既諗法 -- 你可以擁有英國國藉,咁只係代表左你出生於英國國土而屬於英國,但你絕對唔可以用呢個身份長居英國本土。

講完80年代,當然要講90年代。正如上文提及,英國政府係1990年代推出居英權計劃,主要係提供移民機會畀曾經從事敏感職位的香港華人政府公務員又或者係各行各業精英,包括最有能力及動機申請移民的人士。當然,好似我屋企呢類中低層根本唔會有機會申請到。1996年,終於到我出世,同Wiki睇香港名人既出生地一樣,我出生係英屬香港,我擁有British National Overseas 國藉。1997年7月1日,英國正式將香港交畀中華人民共和國,個時既我1歲,亦冇話事權。而根據《中華人民共和國國藉法》,所有中國血統既香港人都自動被賦與中華人民共和國國藉,一夜之間我由英國國民(海外) 變成 擁有英國國民(海外)同埋中華人民共和國國藉既香港人。當然中國血統指咩已經無得拗,即使而家有幾唔情願,我地不得不承認我地而家擁有中華人民共和國國藉。
2018-02-13 16:43:56
2007年12月13日歐洲各國簽署《里斯本條約》,冇人理; 2008年5月21日,中華人民共和國境內既汶川發生8級地震,激發香港人所謂血濃於水的愛國情懷,超過95%港人都有捐款賑災。個年既我11歲,距離而家已經好多年,但當年個首賑災主題曲我仲印象深刻。同年北京舉辦奧運,香港愛國指數創新高,普遍人認為自己是中國人;翌年,《里斯本條約》生效,賦與所有歐盟成員國國民(National) 一個全新的歐洲公民 (Union Citizen) 身份,並允許歐洲公民可在成員國境內自由流動及居住。此時,香港開始討論BNO持有人係咪可因此獲得居歐權。當中值得注意既係《里斯本條約》Article 2:

‘Union citizen’ means any person having the nationality of a Member State…;

我地好歹都係British National (“Overseas”) ,雖然人生未踏足過歐洲,但平時食過下西餐都理應有資格得到歐洲居留權掛? 但係要再睇既係:

In all its activities, the Union shall observe the principle of the equality of its citizens, who shall receive equal attention from its institutions, bodies, offices and agencies. Every national of a Member State shall be a citizen of the Union. Citizenship of the Union shall be additional to national citizenship and shall not replace it.

雖然普遍我地認為Citizen 同National 係同義字,但英國作為發明英文既國家當然可以同你咬文嚼字:根據英國政府指出,British National Overseas 係British National 既一種,但唔屬於British Citizen。想做European Citizen 就先要做到British Citizen ,亦即係話只有1990年成功申請British Citizen (BC) 既人先有資格居歐。希望越大失望越大,曾經以為有一線曙光既中下層香港人又要回到現實。此後不斷有人挑戰歐盟法律,亦有人去信各大機構要求明確解釋條文,當時既我只得15歲,根本冇諗過呢件事同我有咩關係。但正如陶傑所講:「只有最蠢最蠢的小老鼠,才會把漏洞公開,拉着歐盟和英國人的衫尾,叫他們清楚「交代」。歐洲雖與英國不和,對黃禍的看法是一致的,你既迫他「表態」,他當然名正言順給你塞洞關門。」2014年,英國正式塞住呢道門:修訂第539/2001號規例,再次明確英國國民(海外)、英國海外屬土公民、英國海外公民、受英國保護人士及英籍人士不屬歐盟法律適用下之英國公民。

係求學期間,我了解到自己生活於社會下層。我希望透過努力可以脫貧,可以向上流動。終於係2014年,我成功考入香港大學。入學後不足一個月,雨傘革命爆發,好多年青人齊心對抗中華人民共和國共產黨既壓迫。運動最後以失敗告終,冇人知道When we will be back。 但運動過後,共產黨對香港既制肘越來越強。另一方面,香港物價樓價飆升,但人工依然維持在低水平,導致年青人根本不能成家自立。最為誇張者有100萬積蓄都比唔起首期上車。種種因素令冇屋企人經濟支持既年青人只能掙扎求存。

2016年,英國舉行脫歐公投,脫歐派勝出。脫歐談判仍在進行當中,前途未明。英國國民係歐洲會得到咩待遇冇人知道。

今年係2018年,轉眼間香港被中華人民共和國統治已達20年餘。20年過去,BNO有效護照只剩低15萬本;特區護照累計簽發一千萬本。BNO仍然係一本BNO,或者佢既功能已經淪為一本證件……但物是人非,90-97年出世既90後BNO持有人,最大既已經28、29歲,最細既一群都已經20、21歲。係成長路上,我地經歷過國民教育風波、雨傘革命,雖然以前我地冇能力去發聱,冇能力參與政事,但到左今時今日,呢一代既年青人已經清楚表達自己意見,有人想跟隨英國既步伐徹出香港,有人希望重回昔日美好光景,都有人想香港獨立,自成一國。
諗返起讀書時學過鄧小平提出50年不變;其實所謂不變只係經濟制度不變,從來冇人擔保過政治、民主自由會50年不變。有一點我地都好清楚50年唔係香港既界限,但絕對係最後一代英屬香港人既界限。2047年,香港或者繁榮依舊,或者會朝氣蓬勃,不過到時最年輕的BNO持有人都已經50歲,我地已經知天命,步入花甲之年,想要透過非投資方式移民回歸英國恐怕亦有心無力,到時候要舉家移民適應異地生活有一定難度。我相信時間將會沖淡一切,1997後英國用BNO同50年既時間放棄整個英屬香港,放棄佢既子民,如果再唔極力爭取,BNO既一整代人係沉默之中消失。

最近雖然有最後一任港督彭定康承諾係國會提出BNO平權,但呢個法案由辯論到真係通過,起碼都要5-10年,稍有差池,可能再拖上3、5、7年。我好感謝佢既心意,但恐怕到表決時國會議員考慮到BNO持有人年齡同英國醫療負擔問題,會齊齊否決BNO平權議案。

過去唔屬於我地90後,我地當日冇權亦唔識為自己發聲。但我確信我地既未來掌握係自己手中。我希望我地可以決定自己既未來。我冇經歷過去既美好既香港,但偶爾都會好似其他人一樣緬懷過去,我希望英國可以比個機會BNO持有人,選擇返到自己所屬之處。我唔係要期望啲乜野,我只係希望每一個生於英屬香港既世代都有權利決定自己既去向。你可以選擇留低,你可以選擇離開,一切都係個人自由。我唔期望英國會無條件比居留權我呢類普通人,但我希望我地可以透過智慧、勞力去為呢個國家作出貢獻,換取回報。

我同時懇求歐洲各國即使係脫歐之後可以比英國公民(海外)有更寬鬆既居留權,更寬厚既待遇,又或者同BC睇齊。面對今時今日既香港,我感到壓迫、無助、焦慮同不安。生活係香港,面對今時今日既政治經濟環境,我恐怕自己只能掙扎求存,係庸碌之中死去。我預見我既未來,但我唔甘心,我希望有人可以關心我地呢一班Minority,提供生存空間比我地。
我地係最後一代BNO,如果不在沉默中發聲,就將會係沉默中滅亡。

此致:
所有英國公民(海外)及關心英國公民(海外)的人

出生於英屬香港

絕望的90後

2018-02-13 16:49:08
人地點會畀你湧入去。分明一堆黃蟲
2018-02-13 16:58:31
我相信英國政府有能力分辨係唔係你所謂既蝗蟲
2018-02-13 16:59:32
好老實咁講,除非香港去到因中共原因出現天災人禍既問題,否則英國政府一直唔會想找呢條數
2018-02-13 17:07:16
2018-02-13 17:07:46
無人引吓戰真係無人會推呢啲post
2018-02-13 17:08:52
如果香港有一日去到出動解放軍屠殺青年學生,應該大機會畀你去英國,當係人道救援,政治庇護乜都好。之前雨傘傳聞開鎗殺人,如果真係有發生咁可能已經一班人可以走。
2018-02-13 17:09:51
好過中東嗰班啦
香港人去到起碼有供獻又識英文
2018-02-13 17:11:19
渣BNO嘅香港人好似得十幾萬,即係大部分人等死(而且當中有幾多後生仔呢?)
2018-02-13 17:14:06
本來有300萬人 不過大部分人過期都冇續領
可能係因為廢老唔識英文 又冇得去英國領事館續 所以咁樣
2018-02-13 17:16:12
支持下
2018-02-13 17:18:01
你個user名
2018-02-13 17:18:27
希望英國脫歐後可以廣納英國國民(海外) 去英國工作生活
2018-02-13 17:20:48
覺得bno無用

仲有好愛國果班
2018-02-13 17:25:31
好文支持
希望我手中本BNO,有一日真係可以成為代表公民身分嘅證件
2018-02-13 17:26:15
大部分都係30以上,所以冇乜特别情況英國都唔會想接收呢班死剩種
其實英國咁撚多地方,劃個鎮出利接收晒呢班人等佢地自己再建立一個屋企都唔係唔得,不過上一代冇人爭取,同埋香港太多共諜,好難畀你大批人移民過去。
2018-02-13 17:26:31
有唔少已經有其他國家嘅護照
2018-02-13 17:27:43
係咁上下啦多谢欣赏
2018-02-13 17:29:38
2018-02-13 17:32:29
( Show Blocked User - 魔鬼终结者
2018-02-13 17:38:42
依家BNO最後生果個都已經21歲 仲邊有誘因收你呢15萬人呀
人地英國民粹主義抬頭 仲要咁憎中國人 d本土市民肯定反對到癲
2018-02-13 17:46:20
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞