[多圖多字] 獨遊日本七日山陽之旅

咩都比膠袋呢樣真係好唔環保
雖然佢用意係比你袋住d垃圾
但垃圾桶又少 膠袋都唔知可以棄置係邊

紙巾呢方面真係香港完勝

嘩 打去愛護動物協會備定案先

日本台灣都唔興
次次去都帶勁多紙巾去

我上次去九州南鄉食嘢,要將你個名寫落門口果張紙到等嗌名
我就寫我個英文姓氏嚮佢張紙到,當嗌名果個員工黎到時,我指我個名,再指下我...明哂
不過我都係全程坐近個門口到等.

其實我都唔想要佢地d膠袋，買完嘢放落喼到個袋都唔要啦。
同佢地表示唔要袋又驚有誤會

係喎，買野又比勁多單，好唔還保

我在計劃行程時去左宮島個官網睇埋潮汐再度幾點去
感覺潮退可以行埋去睇壯觀d

呢個真係 寫英文又驚佢唔識讀，讀又聽唔到

好在小弟姓SO
日本人都識讀haha

去宮島就一定要Check咩時候潮漲潮退啦

佢地多數用毛巾
好似係

好似話嚟香港會買好多包tempo返去

係 仲有念慈庵

最好留一日,潮漲退睇哂

嚴島神社入場費300円,比完就可以入場


嚴島神社主要顔色呈橙紅色，令到成個神社都好sharp
整體修葺都好完整同完善




我特別中意呢個位
可以將嚴島神社同大鳥居盡收眼簾
不過如果天色好d就好啦



行到中間就會有個位比大家對正背住個大鳥居影相
好多人都會跟住排隊影相



行完嚴島神社，一出轉右，就會見到一條密林大道


係個度再望返嚴島神社，再配合藍天白雲，成個感覺真係好寫意啊


另外再斜斜地影大鳥居



相反方向居然仲出太陽，令到成個神社更光芒四射

5大香港手信
話好神奇紙巾可以如此好用又堅韌

上次去東京，次次食野佢地枱頭d紙巾成張牛油紙咁

真啊 人地作用真係純粹比你印嘴上d油跡
紙巾 香港真係無敵

佢地啲紙巾好薄
所以去日本爆完石都係用返tempo穩陣啲

係咪日本D渠窄先唔用厚廁紙

...有得洗 架喎

廁紙用黎印乾
好似係

都唔係個個厠所都有洗菊花設備架
係大阪東京旅客區就9成都係
但係二三綫城市真係要大商場、大JR站等先有靚靚洗菊花

試過踎廁

唉 我都試過 好辛苦
我最憎踎廁 大腿少d肌肉都唔得

既然而家lunch hour就當然要post下關於野食
---------------------------------------------------------------

匆匆忙忙衝去睇潮漲境況，但其實頭先lunch未食飽
所以就走左去商店街去掃街啦

宮島最出名係就一定係蠔，賣蠔嘅鋪頭你手指腳趾加埋都唔止啊
雖然我唔中意食蠔，但都要食返一兩隻跟下風啦
呢度商店街真係充滿古色古香，鋪頭好密之餘，條行人路又好寬闊
所以係呢度行真係好舒服



其實我想揾生蠔食，不過因爲都成3點，有幾間都寫住售罄
連最多人食嘅牡蠣屋係3點都已經唔再接受客人，截曬龍


無辦法啦，唯有食燒生蠔啦
我就選擇左全條商店街唔計牡蠣屋最多人買嘅みやじま華屋敷


呢間燒生蠔鋪頭係好出名，好多節目、旅游書都會推介
除左因爲價廉物美，仲因爲有幾款燒法，好似芝士燒生蠔


由於係即燒，加上顧客好多
所以每人都要等7-8分鐘


而我就買左原味燒生蠔啦 400円


蠔就算燒完都好大隻
口感好爽，食落都有甜味，都好新鮮
另外汁都好多，充滿天然海水鹹味
而且又檸檬汁同七味粉比大家調配
但我覺得加少少檸檬汁同dd七味粉就已經足夠

食完兩隻......結果又再買多兩隻
真係好好食啊


食完燒蠔，我就去食另一樣都係用蠔做食材嘅食物啦
就係炸咖喱蠔包 400円


基本上講起炸咖喱蠔包，就一定係呢間Big Set



但就並非係商店街入面
而係近沙灘


呢個麵包係中間會塞入咖喱同兩隻蠔
咖喱就有薯仔粒、紅蘿蔔粒同牛肉粒，蠔就沾滿曬咖喱汁
咖喱非常入味
不過最令我驚嘆係炸出黎嘅包皮，又香又脆又唔過油膩


另外一樣要介紹嘅小食就係炸楓葉饅頭
其實楓葉饅頭就係出面麵粉入面擺奶油/紅豆，只不過形狀係楓葉饅頭
所以我個人覺得楓葉饅頭係無乜特別
但我要介紹係紅葉堂炸嘅楓葉饅頭



我就叫左日文為あんこ嘅紅豆口味 180円
炸楓葉饅頭外層脆脆地，而裏面其實都係普通麵粉整成嘅餅
入面紅豆反而好奇怪，顔色好似芋頭咁，味道上都唔似芋頭
不過唔過甜，味道ok啦，特別就在於個口感姐



經過一間賣蒸包......呢個價錢都唔明點解會有人買