[多圖多字] 獨遊日本七日山陽之旅

我自己都估唔到只係相隔兩個月就再次出油雞同大家見面

係呢度就先做指定動作
多謝大家對小弟之前4篇遊記(6日東京/6日四國/5日峴港/快閃東京)嘅支持

今次旅程其實早係半年前已經落實左，
買左廣島入 -- 福岡走
並且會係7日内走遍廣島、山口、岡山同福岡，非常Chur
至於點解要咁做，我轉頭會有個Q&A環節會講解更多我呢個旅程令人有疑問嘅地方

不過呢個旅程我要先同大家道歉
呢個旅程發生左唔少唔如意嘅事情
包括小弟到步第一日已經開始病、天氣不似預期等，令到好多相都唔夠好

加上同以往唔同，並非係深入玩曬一個地方
而係周圍走，所以行程上並不如以往一般流暢

此外，因爲今次影左好多相，所以整理相片都用左好多時間，令到遊記係抵港後一個禮拜都未出到。
既然我而家開始出遊記，我就會開恆Turbo全速前進！

保守估計呢次遊記會過3萬字啦，希望大家唔好嫌我長氣

而呢次旅程有喜有悲，我都會一一同大家分享
希望大家唔好嫌我長氣又多字啦

先簡單講下我行程：
D1 : 廣島市内
D2 : 錦帶橋 + 宮島
D3 : 元乃隅稲成神社 + 角島大橋
D4 : 唐戶市場 + 秋芳洞 & 秋吉台
D5 : 倉敷 (因天雨問題更改為)吉備津 + 岡山市内 + 鷲羽山展望台
D6 : 松山備中城展望台 + 倉敷 + 福岡
D7 : 瘋狂食在福岡

旅程主要以廣島、岡山同山口作爲遊覽地方
購物則集中係岡山、倉敷同福岡
福岡嘅一日一夜就完全係狂食之行，大家可以望到我點樣24小時食足5餐

Q.1 今次旅程係咪全部都睇風景啊？
Ans: 今次大部分時間都會行下景點、睇下景色，而且去左幾個比較少港人會去嘅景點

Q.2 點解會咁傻仔7日行咁多地方啊？
Ans: 無辦法啦，半年前有一次UO買8蚊航點，回程買唔到廣島8蚊返香港，諗起可以去福岡shopping，所以就買福岡走，而非高松走

Q.3 比起上幾次旅程，今次好似移動範圍大好多。點解唔主要玩某2-3個城市啊？
Ans: 其實以往旅程我都盡量希望可以將去嘅城市玩盡少少。
但今次同以往唔同，反而係我plan行程個陣將山陽我好想去嘅景點list曬出黎，然後慢慢塞落我用excel整嘅行程表。
因此，大家會見到好似比較受歡迎嘅尾道、大久野島我都無擺入去，原因係呢兩個地方係“我最渴望山陽景點”當中都排好後。
歸納而言，我呢次旅程係sight-oriented, 而唔係city-oriented

Q.4 今次旅程“我最渴望山陽景點”有邊幾個啊？
Ans: 其實都係我行程當中寫左，不過如果要排序的話都可以排，以下4個就係我最最最最期待嘅景點
1. 元乃隅稲成神社 (我有一次係電視見到就已經迷上左；CNN選為日本31個最美景色之一)
2. 角島大橋 (曾經係FB係56萬人支持下成爲“死前絕對要去一次景點”嘅第三位)
3. 備中松山城展望台 (以清晨觀看雲海為其著名之處，但可惜我......)
4. 鷲羽山展望台 (可以近距離望住瀨戶大橋同日落，但天氣再次令我失望而回)

Q.5 總共用左幾多錢？
Ans: 撇除購物，Total旅程用左大概HKD5500  JR pass (經Klook買HKD890)；3晚Airbnb+3晚酒店(HKD930)；機票+來回20kg行李(HKD890)；其他交通(HKD580)；門票(HKD60)；Wifi蛋(HKD52)；飲食(HKD2000)；其他開支(HKD100)

Q.6 食左咩好西先？
Ans: 試左唔少之前未試過嘅食物，好似星鰻、牛腸、明太子、炒拉麵、廣島燒等等，另外都有食和牛、拉麵、牛舌、Shabu shabu。而且有時都去超級市場同師奶一齊爭平便當做宵夜，而且仲瘋狂食甜王士多啤梨！

Q.7 行程好多都係山口縣，點解唔住山口或者下關啊？
Ans: 原因好簡單，因爲我唔想8點就要返住所百無聊賴地等揾周公。
山陽地區當中，以基本上以廣島同岡山最爲發達，夜晚過左7點都仲有野行下。相反地，山口縣就比較落後，夜晚係比較沉悶。
尤其我一個人去旅行，都想多少少消磨下時間，等自己無咁悶，所以夜晚就可以係廣島商店街行下。然後以時間換趣味，每日早少少起身，再係新幹線上面稍作小休。

Q.8 今次係買邊款Pass周圍去啊？
Ans: 今次主要以上年西日本JR新出嘅岡山、廣島、山口地區鐵路周遊券
包5日内岡山、廣島、山口地區JR及新幹綫，加上可以落買小倉同福岡。
同時，呢個JR Pass都包左山陽地區JR巴士、廣島市内紅色循環觀光巴士。
此外，係個別大站更加可以免費租借單車於市内行走(我會係遊記中同大家詳細講)

講左咁多，正式開始遊記啦
如果有咩想問都可以隨時問，我一定會盡快答

如果支持下我就比個正皮啦
不過最緊要係比到大家睇姐

我都諗住獨遊廣島六日五夜, 如果打算去山口,廣島,岡山,時間會唔會好急好趕 ?

已正評

首先要睇下你有咩地方想去啦
趕就一定趕，但我都理解可以有d地方某d景點係無興趣
我覺得你最好list out你有興趣地方先

留名

又係你 正
我都成日去旅行先黎唔舒服 勁掃興
去親日本都總有兩,三日勁反胃勁想嘔 唔知做乜

希望唔會令你失望！

我老是常出現......

我反而係第一次去旅行病

你應該要睇下醫生wo 成日都水土不服

元乃

不過計山陽定山陰

又係你 正
我都成日去旅行先黎唔舒服 勁掃興
去親日本都總有兩,三日勁反胃勁想嘔 唔知做乜

我老是常出現......

我反而係第一次去旅行病

你應該要睇下醫生wo 成日都水土不服

正呀～鍾意睇你寫遊記 好詳盡
期待你暴食福岡嗰part
目前為止日本之中最鍾意福岡

其實要認真計就真係屬於山陰

多謝支持啊！
不過今日出文時間要耐d
因爲真係好多字....

福岡我都覺得係一個特別地方
有繁華一面，但又未到東京個種現代化，仲保留少少傳統

又係你 正
我都成日去旅行先黎唔舒服 勁掃興
去親日本都總有兩,三日勁反胃勁想嘔 唔知做乜

我老是常出現......

我反而係第一次去旅行病

你應該要睇下醫生wo 成日都水土不服

正呀～鍾意睇你寫遊記 好詳盡
期待你暴食福岡嗰part
目前為止日本之中最鍾意福岡

福岡我都覺得係一個特別地方
有繁華一面，但又未到東京個種現代化，仲保留少少傳統

係 食又有 購物又有 去其他地方又方便 又未好似大阪東京咁淪陷
（不過都就架喇我估 ）
又襯呢幾年去多幾次～～

留名 啱啱去完廣島返嚟

4/1 向廣島出發
（前往廣島 — ガリバー 咖哩飯 — 平和記念公園 — 廣島城 — 本通商店街 — 長田屋廣島燒）

我乘搭UO396前往廣島機場，客機準時07:40出發


既然準時出發，就當然準時抵達啦
廣島機場國際航廈規模都好細，行李輸送帶都係得兩條
攞左行李就正式進入日本廣島縣！

係出市區之前
首先我要係位於機場嘅Information Centre度買黎緊3日係廣島要用到嘅交通Pass
基本上一過海關就會見到Information Centre


我要買嘅交通Pass就係叫Visit Hiroshima Tourist Pass
呢個Pass有4種，分別係：
1. 3 Days Small Area -- 包廣島電鐵全線、宮島松大氣船/JR船、廣島市６間巴士業者指定範圍 (1000円)
2. 3 Days Wide Area -- 包廣島電鐵全線、宮島松大氣船/JR船、廣島市12間巴士業者指定範圍 (3000円)
3. 5 Days Small Area -- 包廣島機場利木津巴士來回、廣島電鐵全線、宮島松大氣船/JR船、廣島市６間巴士業者指定範圍 (4000円)
4. 5 Days Small Area -- 包廣島機場利木津巴士來回、廣島電鐵全線、宮島松大氣船/JR船、廣島市12間巴士業者指定範圍 (6000円)



無論買邊一款Pass，都會附送一本叫Fun Pass Hiroshima嘅Coupon Book
呢本Coupon book犀利啦，好多出名食肆都會做非常誇張嘅特價
包括宮島口著名星鰻餐廳Ueno，2000円嘅星鰻飯優惠到1000円


加上本身廣島電鐵單程其實都要180円,3日來回都要1040
都已經貴過Small Area果款Pass
所以大家一定唔可以放過呢個Visit Hiroshima Tourist Pass

另外，呢個Info. Centre其實都可以買到出廣島等地嘅巴士車飛
出廣島市區，盛為1340円。
買完就行出去右手邊玻璃門再轉右一直行就會見到巴士站

如果你目的地係廣島車站，你就要去到2號巴士站等車
如果目的地同我一樣都係紙屋町/本通，就要去1號巴士站等車啦


如果見Info. Centre好多人，有排先買到巴士飛
你就可以同樣地行出去右手邊玻璃門再轉右一直行，
行到2號巴士站，望下你右手邊就會見到有自動售賣機
價錢一樣，買完再番去排隊等上車

支持

上星期去完

求包養呀！

好冇玩先

落雨



好在去宮島無落

要shopping呀麻