[多圖多字] 獨遊日本七日山陽之旅

《博多運河城》

食完早餐之後就返酒店Check-out加寄存行李
然後就行過去博多運河城


博多運河城係福岡市其中一個大型購物商場
裏面有好多唔同品牌供顧客選擇

從酒店行去博多運河城其實都係10分鐘内，非常方便


入到去商場入面就一定要打個卡先
因爲商場入面有條小河，係博多運河城最大特色
另外流綫型設計都令呢個商場出名





我其實無咩要買，而且呢度d Brand都唔太適合我
我就只係行左一間運動中心，係由多間連鎖體育用品公司組成
規模大，而且各種運動都有，連我要嘅排球野都有



需要買運動野記得可以去呢度選購啦

《櫛田神社》

博多運河城有天橋直接連接去櫛田神社

櫛田神社係福岡市比較多人參拜嘅神社，係博多總鎮守

天橋一落就係南神門


一路行入去其實就係神社
呢度就唔多介紹，比圖大家睇下
攞住遮影相都好麻煩





《川端商店街》

行行下就差唔多夠鐘食飯

沿住川端商店街行返去中洲川端地鐵站


題外話，各位男孩子好中意嘅無料案内所
係中洲川端有超多haha

呢條川端商店街其實都有少少野行
好似生果鋪、100Yen店同藥妝店等等


另外都有間“長浜家”拉麵店
都係福岡比較有名氣博多拉麵店

平價之選
好聽啲講係四通八達，但難聽啲講就係前不著村，後不著地⋯⋯

行街應該去天神丫嘛！
如果係絲既話 超多商場

肯定唔願走

天神真係好多商場
可惜我無乜野買

行街應該去天神丫嘛！
如果係絲既話 超多商場

肯定唔願走

行條地下街已經搞唔掂
仲要左右梗有幾間商場連住
死未

呢樣好過大阪東京
商場品牌全部集中係同一個地方

大阪既話梅田都正~ 心齋橋呢啲可以skip
未去過東京,就去
想買平民牌子係咪都係原宿澀谷呢啲 ?

點樣為止平民牌子先

《笑樂牛腸鍋》

牛腸鍋其實係福岡比較出名嘅食物
一般會製成鍋物當係餸配飯

而我就選擇左有名氣連鎖店 -- 笑樂

笑樂係福岡都有幾間分店，最方便就莫過於天神分店同博多站分店
我係川端商店街過去天神分店就比較方便
所以就搭地下鐵去到天神站西5/西6出口Laria Stage


一入去會見到好多食店
但我目的只有一個，就係笑樂


笑樂有單人座位，好岩我呢d毒撚！


之後waiter先比一本日文menu我
然後我表示可唔可以比本中文menu

奇怪嘅事情就發生左！！
同一個餐，中文同日本menu係唔同價，咩料!!??
爭成200円


所以我果斷攞起本日文menu，指住1120円話要呢個
結果埋單個陣當然都係日本menu價啦

1120円呢個餐包左一鍋一人分量牛腸、明太子、沙律、前菜同白飯


牛腸鍋可以選擇味增、醬油同鹽味
我要左味增
另外上面好多韭菜，個底好多生菜，另外都有辣椒粒吊下味


牛腸好肥啊！！！
而且好煙靭又爽，好重牛味
超級好食


前菜就正常啦
第一次明太子撈飯，都幾特別......不過我都係中意腐乳多d


不過呢......
個鍋越食就會越覺油膩
到最後個鍋完全成陣油，連湯都唔飲得


而且因爲煙靭嘅牛腸不斷擺落口
不斷咬不斷咬，牙骹其實都咬到好酸軟
加上油膩感，其實令我越食越厭倦

所以呢，我個人comment就係如果本身唔中意油膩嘅人士係無需要黎呢度
你地可以去食水炊雞啦
如果你本身接受到重口味，平時又中意食内臟就可以試下
而且呢度lunch係有一人套餐，適合一個人黎食

賣單就攞枱上面個號碼牌去門口收銀處就ok

正 推

《柳橋連合市場》

福岡有魚市場，位於赤坂駅步行10-15分鐘範圍

但由於時間無多，所以我選擇左去當地一個平民海鮮市場(類似街市)
呢個海鮮市場就叫柳橋連合市場

係天神南站搭一個站就會去到渡辺通駅


係二號出口出


頂，又係落冰雹
打落把遮度好似打鼓


一直向前行，見到APA就轉左


行前少少就會見到市場入口


沿路行入去其實都係賣鮮魚鋪頭
同香港好多街市無咩分別
另外都有會乾貨店、水果鋪等



最後比我係尾段見到有生蠔食！！
超級感動啊
之前係宮島食唔到有少少失望


300円一隻
店家仲好好人撩我傾計(當然都係鷄同鴨講)
另外仲幫我揀大隻嘅生蠔


生蠔好大隻啊
而且有海水鹹味之餘，蠔本身更加好有甜味


本身唔中意食蠔嘅我......
繼宮島後再次自打嘴巴，再一次encore生蠔


同樣地都係好大隻


食完之後就返天神作最後血拼
超快速周圍行商場行100円店
我今日係6點幾機
所以大概4點-4點15分就要返酒店攞行李，準備去機場

題外話，天神真係好好行
尤其所有大型商場同品牌都聚集係度
包你可以行足一日

《博多一幸舍》

行完街都3點半，所以我即刻去提起福岡就會醒起嘅博多拉麵！
我本身想去食酒店附近嘅博多一雙，但4點先開門
所以改去隔離博多一幸舍



3點幾無咩人


枱上面有menu,售劵機係門口
比飛個陣講埋麵要幾硬




我叫左最Basic個款800円


肉薄，無咩味


流心蛋ok流心


麵條係幼麵，但我始終都係中意粗少少


湯底......只能説not my cup of tea
一向博多拉麵都唔得我歡心

另外枱上面有配菜，但我覺得都好唔夾碗麵


所以......我都係無興趣再食博多拉麵
不過味道就好主觀，係我自己唔中意，所以我唔會話難食


一蘭總店

《福岡機場》

然後就正式出發去機場


福岡機場係全球其中一個最方便出市區嘅機場之一
係天神站搭地下鐵去都只不過係15分鐘内

去到福岡機場站落車記得要去轉巴士
因爲落地下鐵個度係國内綫啊，要轉shuttle先去到國際綫
(係我落車先影，個陣跑去趕巴士，因爲接近5點先到福岡機場站)


時間好緊迫，最後5:15分左右先辦理好check-in手續
再周圍影少少相為大家簡單介紹福岡機場


機場有好多行李秤，放心去到呢度先磅重啦


出境大堂搭電梯上去會有收費電腦上網同埋餐廳
餐廳價錢都好平民，搭UO嘅各位不妨食完先上機




另外最底個層有7-11可以買小食


過曬海關之後就會成大個免稅店
大家可以瘋狂係度買野啦


而且登機閘口面前仲有餐廳同7-11
所以入閘後先買野食野都唔遲啊
仲有creamia食

然後6:25pm就同日本講bye bye
[END]

都係啲大路野 earth, nice claup, e hyphen world gallery,sm2 ,etc...
係想睇下邊到最集中 唔洗周圍行

我上次食嗰間牛腸鍋
可以任加麵
超正!!!! 叫樂天地

你食個間係咪都係油膩

應承大家星期五前完成
結果我真係做到啦

不過未完架，例牌我會有少少感想分享比大家
希望聽日或者後日會同大家分享啦

另外有對山陽地區有疑問，都好歡迎留低comment
其實東京及近郊地區、關西同四國地區我都比較熟悉
大家都可以問下

最後 如果你中意我呢個遊記，或者想支持下我比個動力我
都希望你按下正皮一個，等我都開心下
或者你留言講聲支持，我已經好滿足

埋尾前再留言支持多次
不過生蠔果到要派一打膠 唔食又係咁食

我上次食嗰間牛腸鍋
可以任加麵
超正!!!! 叫樂天地

你食個間係咪都係油膩

油油地
但我覺得還可

會UPDATE BLOG嗎?

都係新宿 原宿 澀谷最集中
用全日行呢3個地方都分分鐘唔夠