【天文】講下平行字宙。

巴打好勁咁
盡量講下自己識既，我都講唔到幾多，唔會有排解。
太深既，我自己跟住教科書仲跟到，但要整理concept再簡單講返出黎俾普通人，真係無從入手。

聽樓主講易明好多
有冇咩書可以推薦下

lm

好正

好正，但好多消化完都唔係好明

上個post講黑洞，都話抬高頭見到丫
呢個post真係純討論⋯

看來各巴打都消化緊
我來先
五六維生命可以決定自己唔出生嗎？

五維前，大家多多小小都認識既，但五維至十一維，就打大佬了。
btw，我講既都係我既解法，唔一定岩。希望引導到大家，大家加油繼續思考。

我地成日聲稱我地係四維生物，其實只係三維空間＋一維時間。
同我上面既回覆一樣，時間算唔算係一個維度呢？唔同人有唔同意見。
空間、時間以外，有冇第三／第四／第。。個種類既維度呢？又係未知。
所以我地只係用符合現有科學既野去作想像。


如果你係認為時間，唔算係維度。四維，係三維再發展多一個方向，五維，係四維再發展多個方向。。。

你可以研究下卡丘空间 Calabi–Yau manifold，不過我都唔係好清楚呢個數學模型係點，我就唔講了。

五、六維
用返建立一二三維既諗法。將三維，當係一個點。
‧
如果而家有兩個點，我地連埋佢，就會變成四維。
‧　‧　‧　‧　‧
古　今　未來
呢條四維既線，我地叫做時間。三維，姐係將唔同時間既三維空間，連埋一齊。


二維既人可以睇到整（半）個二維世界，但佢要係二維世界入面一格一格咁行。
三維既人可以睇到整（半）個三維世界，但佢要係三維世界入面一步一步咁行。
四維生物，可以睇到整個時間段，但只可以係時間上一秒秒前進／後退。人類感受既時間係單向流，算唔算四維就自己評價下了。
五維生物既能力，就係將呢隻係時間盡頭既人，拎起，放去時間既開初／中段／任意既時間。
又或者話，五維生物係time-traveler。

假設下面呢張圖係一個生物既一生，Ａ係佢既出生，過左Ｂ／Ｃ人生，得出佢可能既結局１２３４。
------------>1
｜---->B
｜----------->２
A
｜----------->３
｜---->C
------------->４
四維既生物，要係老死前既１返去出生時既Ａ，要１ＢＡ咁樣一步步行。
但五維生物可以穿梭同一發展既時空，可以直接１Ａ。
五維生物可以睇到所有既時空，但唔可以超越唔同既時空。只可以穿越時空１Ａ後，等過去既佢改變決定變成４。
而六維生物就可以，直接穿越唔同既時空。可以直接１４。

由此可以睇到，
四維，包含三維既其中一個時間段既所有片段。
五維，包含個三維既所有時間段既所有片段。
六維，我地描述唔到。但我地知道，要有六維既存在，先可以有生物可以穿越唔同選擇既片段。

看來各巴打都消化緊
我來先
五六維生命可以決定自己唔出生嗎？

都唔知佢up乜

佢係咪想講五六維既生物，出左世之後後悔，咁係咪可以縮返入老母個閪道？

仲要冇圖

其實五六維生物不如叫意志體, 同三維既生物概念未必一樣.

其實單係地球既生物, 係另一個星球都未必一樣.

上個post講黑洞，都話抬高頭見到丫
呢個post真係純討論⋯

仲要冇圖

笑左

如果真係見到地球要滅亡

其實即使太陽變成黑洞（但無流失質量），地球仍然會以365日公轉一圈。
在銀河系中心就有個黑洞，科學家上年正正努力地幫佢影張相：Event Horizon Telescope事件視界望遠鏡，希望今年出到成果

地球人類/生物100%滅亡

有個理論係黑洞吸積盤都會發光，雖然無核聚變咁光，但都頂到下
Interstellar就係引用呢個理論。

所以唔會一見到黑洞就會死。

其實點解知道宇宙有好多維 但又唔實際知個d維係點 咁我地宇宙究竟有無一維二維生物 定其他星球都可能已經係多過四維否過我地感受唔到？

新post留名

有d野唔係好明
五 六維應該係指四／五維空間＋一維時間？
點解五 六維的生物係獲得時間上的能力
而唔係空間上的能力

假設你講的野係正確
我覺得你所講的能力係終極形態的能力
因為點都會有野限制左佢的地行動
例如人類 魚類 鳥類都係三／四維生物
但唔係隨意去到所有空間
人類同鳥類會因為海水的限制而落唔到海底
魚類同人類會因為重力的限制而飛唔到上天
任何生物都飛唔出地球
但我地可以製造工具幫助我地去到原本去唔到的空間
如果咁諗的話五六維生物都會有某d限制
唔會隨意去到所有時間點


又假設而家的人類係三維生物
咁發明左時光機咪變左四維生物

其實我都係9up

好好睇 但係好多唔明

因你思維重圍繞緊物質世界觀

高汁解釋

睇到你話五維生物係time-traveler，我靈光一閃覺得六維生物應該係destiny chooser，唔知咁樣理解啱唔啱：

五維生物係時間旅行者，可以回到過去，誘導過去嘅自己做岀另一選擇，創造新嘅時間支線(或者叫新嘅未來、新嘅命運)。
六維生物應該係直接改寫命運，或者係「選擇」命運，因為六維空間存在五維空間中所有「不同時間支線」，六維可以直接跳去另一條時間支線。

具體例子說明：
五維嘅我正在失業，後悔自己大學final year冇搵工，只能回去未畢業前，瘋狂搵工。新嘅時間支線所發生嘅事就係grad咗即刻有工返。
六維嘅我正在失業，可以直接改寫結局，將自己變成有工返嘅人。因為六維包含五維所有可能嘅時間支線，所以六維嘅我唔單止可以由冇工變有工，仲要可以任意選擇做政府工、警察、醫生、律師等等，想變成點就點。

咁樣好似易明啲，唔知有冇理解錯

噉五/六維生物喺某個時間點，空間上嘅形狀係幾多維

如果你係講緊五維、六維嘅幾何形狀，我真係完全想像唔到，正如二維生物想像唔到三維生物係咩樣。但我估數學上應該有推論岀高維度物體嘅「形狀」(又或者可能我地認知上嘅「形狀」已經解釋唔到)。

既然四維(三維空間+一維時間)係將所有時間點連成一線，五維、六維建基於四維之上，咁所以我傾向相信五維=三維空間+二維時間；六維=三維空間+三維時間。時間嘅維度增加而空間嘅維度不變，我估可能空間上嘅形狀都係停留喺三維。

我純粹得個諗字，有錯請指正