【天文】講下平行字宙。

lm

lm

從一到無窮大真係一本好書（雖然有D outdated）。不過而家好難搵lu

其實呢，一個視界宇宙係以觀測者出發，即係我地既可觀測宇宙係以地球為中心的。相對於一個座落宇宙邊緣的星系來說，地球反而座落佢地宇宙的邊緣。

即係好似打星海咁，地圖係廣闊未知的，每個人只見到自己視線範圍和行過的地方，要行到足夠近先會見到其他人，在見到其他人之前都只能認知到地圖上有自己存在。

所以，我認為視界平行宇宙不過是大宇宙中因光速極限而分割的不同部分，如果視界擴張速度比宇宙擴張速度快，總有一天兩個觀測者會見到大家而變成一個宇宙，而兩個宇宙物理常數應該無分別。

會出問題的，應該係量子平行宇宙。

我純粹9up
有d sci-fi
例如有套片叫edge of tomorrow
現在同未來（or something 另一個平行宇宙）既邊緣有冇野去解釋呢？
類似丁格貓個盒，唔講隻貓，講個盒

原來字宙視界係咁解 之前一路都唔明

平行宇宙都有人信既
就當真係有，兩個宇宙一開始完全一樣，但久而久之一d細微既差別都足以令2個宇宙變成完全不同既世界啦
一係就多元宇宙，一係就完全一樣既copy

唔知點解睇到量子自殺同量子永生個時覺得好心寒 樓主加油，真係好好睇

現在同未來（or something 另一個平行宇宙）既邊緣有冇野去解釋呢？
類似丁格貓個盒，唔講隻貓，講個盒

如果係去另一個平行宇宙time travel，可行性黎講：
視界：可行，因為可以有一個宇宙所有野一樣，只係遲左好多年先發生。但首先你要飛出自己視界，再進入人地既視界，要兩邊都有蟲洞先，唔係飛都飛死你。
大暴脹：可行，因為泡起泡落，會不斷有新宇宙出生。但飛出左自己宇宙，代表你要進入大宇宙中既空間，如果我地宇宙既係源於大宇宙既不平穩，大宇宙既平穩空間可能係生存唔到。
量子：唔太可行。但因為係分裂宇宙，所以理論上係所有宇宙既時間尺度係同步。
膜：可行，因為膜宇宙係粒子咁解，能量轉換粒子，可以不斷有膜宇宙出黎。。

所以先要普及下，等多Ｄ人明白，先會諗下岩唔岩。
btw，多元宇宙同平行宇宙呢Ｄ名講既咪同一樣野 何必執著字眼

呢PART真係超高質

lm

背景輻射既冷點算唔算證明左多重宇宙既存在定係其實誤會？

咁會令到兩個平行視界宇宙永遠都保持平行

但咁樣好有問題，因爲已知可觀測宇宙擴張中，視線內會見到愈來愈多物質，而兩個平行宇宙觀測者距離是有限的，亦即兩者之間的質量亦是有限的，當視界包含質量去到兩者之間質量的一半，視界擴展應無可避免包含對方視界內的質量，亦即平行視界宇宙無可避免會統一。

不過，我都講過，視界宇宙不過係觀測者自己視線範圍，唔代表個宇宙屬於佢。

接落黎講下，膜平行宇宙 Brane Multiverse。膜呢個名詞，係黎自於弦論 String Theory既。(Ｍ理論，Ｄ理論。。之類弦論引申既理論，係到我當曬係弦論，唔想搞亂大家）


弦論，需要強調，係一個未被證實既數學模型黎。佢既目的，係想用一個大一純理論，去包含曬所有既力，去整合相對論同量子力學。（唔知係乜，睇返我之前既POST)
弦論，我都唔係好識。因為要學習弦論，要好強既相對論、量子場論以及既數學基礎，所以我都係盡量講。


古代哲學家，認為世界上所有物質最基本既組成，係元素 Element。例如古希臘既四元素，印度佛教既四大種同中國既五行。


經過科學既進步，我地發現原來物質係由原子 Atom所組成。每一粒粒子，其實係由中子、質子、以及電子圍繞姐成。


量子理論既提出，就否定左電子好似太陽系公轉既原子模型，而係用疊加態（記得嗎？）既方式，話電子係隨機出現係原子核四圍位置。


隨住基本模型既提出，我地發現原來中子、質子、電子，係由更細既粒子，例如夸克所組成。


而弦論話，弦先係物質既最基本組成單元。弦用唔同既頻率振動同共鳴，就令到我地「睇」落去變成唔同既粒子。
好似拉小提琴咁，禁唔同既位置、力度會改變弦線既頻率振動同共鳴，發出唔同既音調同音量。

弦，可以分為開放同唔開放。開放弦，製造物質；封閉弦製造重力，對應住相對論。
而一維空間既膜，就係一點。二維空間既膜，係一條線，姐係弦。三維空間既膜，係一個面積。四維空間既膜，就會係體積；五維空間既膜，就會係。。。

而弦論認為宇宙係高維度既，主要認為係十維／十一維。知道你地想知點解，俾你地睇下：

有讀過相對論／量子力場既可能會覺得熟，呢個係弦論場既Polyakov作用量。
冇數底既朋友，呢條式既意思，就係將一堆野加埋佢。

好，睇唔明係正常，但呢條式應該睇得明：

呢條式，係上面條式，加入左弦論、超對稱、好多物理學，最後簡化後既公式。
d 就到就係維度 dimension。咁就以致弦論既十維空間。
而十維都係類似，只係佢地用左唔同既理論。姐係例如舊有理論有ＡＢＣＤ，有人用左ＡＢＣ，有人用左ＡＢＤ，咁得出既結果就唔同。

OK，講左多，反正知道左宇宙應該係高維度，但我地生活緊既世界得三維空間＋一維時間，咁又點解釋呢？

弦論話，因為我地生活係三維空間＋一維時間，我地宇宙可以用三維膜（體積）去描述。

真實既宇宙係高維度，入面有好多其他既三維膜，交錯／不相交係呢個高維度既宇宙入面。
如果，將高維度當係三維，我地三維宇宙當係二維，就會好似張圖入面咁。
又或者你可以相像我地係茫茫大海中既一隻浮遊生物。
而我地生活既宇宙，就係一個不相交既三維膜入面。而其他既膜就係平行宇宙了。(膜相撞，就係宇宙大爆炸了)


係呢個理論下，其他平行宇宙，有唔同既維數。二維既生物，又會係點存在既呢？例如點進食？

篇幅有限，下篇再講下十維／十一維姐係點，有興趣幫我推下ＰＯＳＴ。
再重申，所有都係數學推論，唔好信十成。

膜相撞
係指唔同既三維膜相撞定
不同維度既膜相撞?

背景輻射既冷點算唔算證明左多重宇宙既存在定係其實誤會？

冷點，我都係睇呢個POST先知。我都要睇下先俾到意見。

因爲已知可觀測宇宙擴張中，視線內會見到愈來愈多物質，而兩個平行宇宙觀測者距離是有限的，亦即兩者之間的質量亦是有限的，當視界包含質量去到兩者之間質量的一半，視界擴展應無可避免包含對方視界內的質量，亦即平行視界宇宙無可避免會統一。

岩Bor，冇考慮過呢個點。
但都想問下，空間係咪一定要包質量？如果大宇宙入面有空間係冇野，咁我地會唔會誤判左。

膜相撞
係指唔同既三維膜相撞定
不同維度既膜相撞?

我既理解係，應該唔同維度都可以，正如紙同立方都可以相撞。但低維度只可以睇到佢個維度既野。

空間係咪一定要包質量？如果大宇宙入面有空間係冇野，咁我地會唔會誤判左。

我覺得唔重要，視界平行宇宙真係純粹講緊宇宙大到好緊要，大到可以有無數既人睇到無數個唔同既範圍。唔好糾纏於兩個平行視界宇宙相撞既事實，因為不過係大宇宙內兩班好遠既人視線望到既野重疊左。

唔使講宇宙，地球範圍你有INTERNET可以見到支那大爆炸, 但香港你會乜都FEEL唔到.

唔使去到其他宇宙，太陽系八大行星已經八個唔同生存環境
仲未計衛星添

但起馬都係我地認知理解到既野

lm