達巴
諗返起當初仲係學生嗰時電視J2咁啱播無挑
心諗泡菜嘢有咩好睇
6個大叔,又加埋啲笑聲音效心諗做乜
好記得第一次見嗰集係水男孩特輯
戴住頂花花泳帽係度寵寵寵
但無嘢做咪繼續睇,點知越睇越過癮之後上網搵嚟睇
中字又唔係集集有
係前進入咗嚟之後先叫做有字幕組穩定做
最後舊登開Post識到咁多位巴絲真係我嘅榮幸
嗰陣只要一出會即刻等字幕組出中字然後九秒九DL完再UP上Google Doc畀各位巴絲下載
因為下載有上限,睇住啲Link Up完一條又一條 爆完一條又條
睇完之後即刻係Post用粉細字討論
邊個唔記得粉細字就萬人齊插玩單機
初初出年歷就自己搵人代購,到之後多巴絲想要就有熱心巴絲幫手做埋團購
去到後期紅到發紫出埋週邊,樣樣嘢我都買2-3件,1件收藏1件用1件傳教用
雖然最後因為吉、洪哲同亨敦嘅離開令我無辨法接受
但睇住無挑由無人知無人識,然後成員越做越夾 ,金PD題材越做越爆
由3D綜藝到國民綜藝
可惜嘅係天下無不散之筵席,相信比起我哋,佢哋成員之間更能夠感受到
其實與其睇住佢沒落,不如係佢最光輝嘅時候完結,係觀眾同成員心中畫上一個完美嘅句號都唔錯
btw會開post開到2046,上次係1001咗我唔知以為無人討論到咁先唔記得開post