《 我係窮郵差，專門幫陰陽相隔嘅親人送信》 (2)

佟蓳萱

讀音係 童緊圈？

自膠

應該係佟蓳萓
咁 童緊兒？

我一路以為佟係讀「滕」

新post留名

同緊兒

lived
新讀者係新post留番名先
啲故好感人

新post留名

留名

應該十二點出文

個女仔條裙變左灰黑色 即係之前送信跟蹤主角個女仔就係冬緊宜

lm

新post lm

好文正評

Lm!

推

又話12點出 點解要呃我

佟蓳萓⋯⋯


點解我唔記得咗哩段記憶⋯⋯究竟我仲有幾多嘢係唔記得咗？



「你返嚟啦？」哩個時候，誠哥敲敲門入嚟我間房。


「係呀⋯⋯」


「吳太太封信點？」


我猛然驚覺：「唔講住誠哥！我有緊要嘢做！」


當我趕到吳太太嘅屋企時，已經無人，我心知不妙。


我直接就撲去醫院搵吳太太，啱啱仆到去，就已經見到佢喺人群之中，手暗暗執一個類似啤酒瓶嘅物品，左手拎住打火機，正係想點燃。


「吳太太！」我立即喝住佢。


佢回頭，見到我好驚咁問「你⋯⋯你做咩會喺度？」


「吳太太，妳唔好咁傻啦！」我趁佢唔為意，一手搶過佢手中嘅打火機。


「畀返我！畀返我！」吳太太轉身想嚟搶，我哋就係醫院纏成一團。


「妳根本就唔想傷害人，妳心底裡面就唔係咁諗！」


「佢害死老嘢呀！」

出未呀

「妳知道係意外嚟！無人想㗎！」


「唔得⋯⋯唔得⋯⋯佢要賠返⋯⋯」


「妳其實唔係想要錢，妳只係好愛吳生，妳唔慣無佢嘅生活啫，係咪？」


吳太太爭唔過我，無力咁跌喺地上，眼淚湧流出嚟。


「咁多年啦⋯⋯無咗佢真係好⋯⋯好唔慣⋯⋯我唔得㗎⋯⋯」


「我知道㗎。」吳太太連吳生喺洗手間啲杯同牙刷都無扔到就知。


「你唔明⋯⋯你唔會明⋯⋯」佢搖搖頭講。


我捉住佢隻手話：「吳生有啲嘢托我同妳講，佢話：『生有時，死有時。人總有一死。我無怪過醫生，我相信佢都唔想。但我更唔想見到妳為咗報仇咁辛苦，因為憎一個人，係一件好痛苦嘅事嚟。老太婆，即使無咗我，都勇敢咁活落去好無？』」


「『因為⋯⋯我唔想因為報仇，而破壞咗原本美麗嘅老太婆。』」


吳太眼睛瞪大，我慢慢扶佢企返起身。


吳太太平靜咗一啲，但仍然話：「唔得，我唔可以無咗佢⋯⋯」


「妳知唔知道，吳生仲託我做一樣嘢。」


「？」


我由袋中掏出一個草製嘅戒指。

「哩個係⋯⋯？」


「佢親手做嘅戒指。」


「戒指⋯⋯？」


「吳生第二次向妳求婚，約定繼續照顧妳一生一世，但條件係妳要好好活落去。」


吳太太望住草戒指，喊住咁不停細觀。


「吳太⋯⋯你知唔知陰間並唔係人要去嘅終點站⋯⋯我相信吳生同妳將來一定會喺嗰個地方重聚⋯⋯咁妳願唔願意？同吳生許下哩個承諾？」


吳太太望住空氣，仿佛有個人企係嗰度咁，佢柔情咁望住佢。


唔知點解，眼前嘅吳太太突然變返年輕咁，青春可愛動人。


高大帥氣嘅吳先生亦跪喺佢身邊，為佢戴上戒指。


吳太太用最幸福嘅表情，咽泣嘅聲線講：「我願意⋯⋯」







讓我們將來繼續一起，永遠也不分離。

《吳太太篇完》