【電磁波修改基因槍】《病港ＩＩ》（８ ４）

推

男女無限分裂嗰個？

Fyr

唔記得男定女本身勁硬斬唔入
但另一隻俾人斬殺就會裂開兩隻
而呢隻分裂得愈多，另外果隻就會變得愈脆

南征時靠馬爾斯同佢女朋友頂住，公仔黎清場
同埋最後核彈破壞左佢地個唔知咩反應最後死埋

btw突然醒起聖姆叫監護者
同埋m第一次經過隻無人機睇到聖姆係照顧緊堆無垢嬰

突襲出文，令到你哋措手不及

「你帶唔到E8出嚟？」

「首腦唔會輕易放走佢嘅原材料，佢對改造有種癡迷嘅執著，最後我只可以帶住喺佢實驗室學到嘅病者武器知識離開實驗室。」

「明白，我暫且會相信你嘅說詞。」

「你信與唔信對我影響根本唔大。」湯婆手輕輕一揚。

「點解你唔一早同我哋講有依個地方？」馬爾斯追問。

「嗰個地方係個煉獄，你哋應該去過？你哋應該都見到被改造到非人形嘅生物，佢哋全部原本都係人類，你哋打算點處理？照顧佢哋生活，定係人道毀滅，有啲秘密應該深藏住，開發病者武器嘅技術落咗入倖存區手上，只會變得永無寧日。」

「依家我哋就係發現咗，而且發現咗首腦仲存在，應該講話係……佢嘅一部份仲存在。佢分割咗成千克嘅大腦組織喺實驗室，用嚟維持裡面嘅運作。」

「然後，你哋同咗佢合作，所以近排倖存區多咗咁多電力用。」湯婆已經猜到後續。

「佢同我哋表明咗和平共存嘅態度，仲打算一齊對抗天腦，但我哋都無意中發現佢想研發一把武器，可以利用電磁波即時修改生物基因，變成任何生命形態嘅武器，而要用到嘅材料係天腦，你點睇？」

「好多時無兩全其美。」湯婆淺淺揚上嘴角：「只有兩害取其一，先對付眼前最大嘅敵人再講。」

湯婆的話給了我啟示，兩個腦……先讓天腦倒下再說。

說起來我得檢視飛機的進度，聽說馬面正在康城忙於組裝。

我騎著摩西親自到了康城工業邨一趟，發現飛機組裝到七成，有個基本的外殼，但進入機艙參觀還是跟一般客機不同。

裡面未有任何座椅，只有寬敞的空間。

這工程動用了不少的工程師和技工，他們大多是港島區調來，由馬面作總監。

馬面介紹我飛機每個部分的組成，雖然我大部份內容都聽不懂。

「都似模似樣。」我給出參觀完的評價。

「櫈我哋會喺最後安裝。」馬面說。

「幾耐會整完？」

「你預一個月後。」

「都幾快手。」

「你想我慢慢嚟都得。」

「快啲，但要可靠。」

「我唔敢講可唔可靠，始終啲零件無保養咁多年，有故障都唔出奇，你要安全可靠一定要用最新。」

「但我哋都無可能整到？」

「係，產業鏈斷哂，唔會再整到。」

「其他人搞緊咩。」

「整緊條跑道，由環保大道至堆填區，都要清空整平條路，方便飛機起飛。」馬面指向南方：「你搵到機師未？我都要同佢講下一啲操作。」

「機師係我。」這任務沒誰比我能擔當得起。

「你……有揸飛機經驗？」

「無，完全唔識。」

「咁你確定係你做駕駛者？」

「飛機都不外乎揸住操縱桿郁，我應該學得嚟？」

「學到，但無乜機會俾你練習。」

「飛機可唔可整個逃生門，萬一有事俾我撳個掣跳出嚟用降落傘。」

「你講緊笑？」

「我認真。」

「壓力差嘅原因，你係唔會打開到艙門，同埋飛機艙門係內嵌式設計，想打開要先向內推，但因為壓力差唔會郁得到艙門，所以係無方法打開。」

「即係假如我揸住嫁飛機，撞向某樣物件嘅話，想喺撞之前跳機，係唔會走得甩？」

「係，最好嘅做法，就係你唔好撞機。」

這是個必死無疑的任務。

「你唔係真係想搵嘢撞啊？我答應幫你整飛機唔係咁玩法。」馬面懷疑。

「無……」我突然間想起，有很多事未能放下。

「不如你隻狗留喺到？」馬面無端提議。

「你鐘意佢？正常人都驚佢。」

「唔係，佢幫手喺跑道扒地應該幾有用。」

「摩西！」我呼喊。

「吼──」伏在地上休息的摩西，稍稍張開眼皮露出凶光。

我走上去騎住摩西：「依家幫你。」說罷，這就奔往堆填區去。

有了摩西，有如神助。

牠的一雙爪子像挖掘機，整平許多泥地，那些又慢又吃力的工人，看著都覺得不可思議。

最終我們用半日時間，整平可能要花一星期才弄好的效果。

完事後我和所有工人們回去康城倖存區休息，我都不記得對上一次過來是什麼時候。

倖存區的晚上，最多人流連的地方不外乎酒吧和餐館，全日疲累可以一掃而空。

當我物色著要去哪家餐館，就碰見艾匡、雲水和蕭梵三人。

他們怎麼到康城倖存區來了？

這裡有替身嗎，我記得上次把拘捕替身的事交給了他們。

我走入餐館到他們桌前打招呼，只見他們凝重地討論著什麼。

講起狗 有冇人記得同韓湘養嗰隻louis去咗邊？冇咩印象

返緊工都有文睇

幸運時間！

摩西好用

m而家已經可以毫無畏懼講哂成盤計劃出黎

會長室

push

推

Lm

我默默走到他們桌旁，特意一聲不發，等著他們注意。

我看了看三人的飯菜，是棕櫚樹液純酒蒸蛤蜊和海藻沙律，夠飽嗎？

艾匡最先留意到我：「咦。」其後兩人都轉頭望來。

「你哋又會喺到。」我先開腔。

「你唔係好忙？」蕭梵瞟來。

「咁啱依到有嘢做。」我自己找拉了張木座椅到桌子前，供自己坐下：「你哋搵到幾多個替身？」

「喺到搵緊個替身，但無頭緒。」雲水雙手托住後腦勺，雙腿交疊放上桌面。

蕭梵立即推開她的腳：「縮開你隻臭腳上嚟。」

「哇哇哇──呀。」座椅上的雲水差點失去平衡。

「但艾匡你都喺到？」我記得上次只指派了蕭梵，然後他帶上雲水。

「我加入咗佢哋，幫佢哋搵。」艾匡答。

「你？你點搵。」

「借用返佢嘅力量……」

我正要說什麼，蕭梵即替她辯解：「無佢我哋同大海撈針無分別。」

我徒手拿起隻蛤蜊往嘴裡一送：「嗯……」我也不是固執的人。

「我哋搵到其中一個替身就喺到，係個連環殺人犯，但未搵到佢下落。」艾匡說。

「你用得預視唔係應該搵到確實位置？個樣應該都畫咗喺素描上面。」

「我對天腦嘅信任唔深，只可以隱約睇到佢嘅資料……」替身對天腦越是信任，精神連結得越緊密，力量亦隨之變大。

「俾我睇睇。」我想再過目一次。

蕭梵拿出素描畫，畫中主角是位披頭散髮的人，是男是女也不知道。

「你哋無拎住幅畫問居民？」我再吃一隻蛤蜊。

「都問過，無咩人識。」

「明雲都唔知？」

「明雲先生都無印象。」

「但我覺得有啲眼熟。」我沉澱思緒，整理現有的情報：「假如佢係個連環殺人犯，喺康城咁細嘅倖存區肯定街知巷聞，有冇問過依到嘅謀殺紀錄？」

「有，但依到都好和平，甚至前幾年嘅紀錄都係，無發生過連環殺人事件。」雲水倒一點棕櫚樹液純酒到杯子裡，然後當作陳釀般品嚐。

「咁可能係未有人發現過，人口失蹤紀錄尋唔尋常？」我續問。

「都查過正常，無咩人失蹤。」雲水說。

「一個無任何「痕跡」留低嘅連環殺手？無可能。」

「真係諗唔到？話哂你係地頭蛇。」雲水皺眉。

「我以前識得個叫殺人少佐……唔係，殺人大佐先啱。」我撫著下巴：「但佢已經死好耐。」

「仲有呢？」雲水身子湊前，一副玩味地說：「洗唔洗我俾啲壓力你，激發你個腦。」

「點樣？」

雲水手伸向腰間：「你十秒內諗唔起，我就一槍打爆艾匡個頭。」

「個壓力來源未免太假。」