【電磁波修改基因槍】《病港ＩＩ》（８ ４）

鼠人達有咩超能力

之後可以隨時變老鼠同變返人

可以聞到錢嘅味道

識吹牧童笛嗶嚶嚶嚶──！

係咪又要生草？

對毅進笙射後不理

今個po 大家試下再創奇蹟合力正評

照xray唔洗禁食的
除非照ct/mri而且要打顯影劑，因為驚食咗嘢會嘔

始終墨巴最鍚達尼B

咁都好，起碼證明墨巴好健康，無咩點照過xray

陪屋企人照過 好似有禁食

我隨隨便便找了位教員搭話：「喂。」

本來面無表情的教員，綻放出虛偽的笑容：「你好，陌生人。」

「你知一木長老喺邊？」

「一木長老喺樹屋帶領緊其他人修行。」教員指向樹木的位置。

我走向教員所指的樹木，亦即被挖空的參天巨樹底部。

一木長老似是感知我的到來，本來盤腳冥想的他，緩緩地張開雙眼，直視場內唯一站立的我。

我抬起手對著一木長老，手指輕輕勾了勾，示意他過來。

一木長老不緩不急的走來：「我同你再見面嚟得真係快。」

「王達尼食咗禁果。」我不轉彎抹角了。

「然後你嚟同我講嘅原因係出自擔憂？」

「我講講個情況先，王達尼本來遭受咗啲攻擊變到面目全非，甚至可以話係失去咗人類嘅形態，只係偶然食咗你俾嘅禁果，但就一夜間變返正常人……」

「咁樣係好事。」一木長老和諧地微笑。

「好係好，但我唔信世上會有免費午餐，能治百病嘅靈藥。」

「你知樹鄉聚集住咩嘢人為主？」

「絕症同想要脫離社會嘅人？」

「佢哋無錢醫病，某程度上都係被社會所拋棄嘅人。」一木長老抬臂在空中劃了個圈：「樹芯建構嘅地方為被遺棄嘅人提供歸屬，佢唔單止用菌根網絡連接住成個地方，仲連結住每顆失落靈魂嘅心。」

「你想表達嘅係咩？你講得太玄。」

「想喺大自然生存，係需要互利共生，你哋需要大自然同時，大自然都需要你哋。」

「我見過依到嘅人被製作做植物人，係字面上嘅意思。」

「想回報大自然一份子，最好方法就係成為一份子，趨近靜態嘅生命形式會大幅延長壽命，而樹芯可以利用依種複雜嘅靜態生命去滋生更多養分。」

我只問一句：「王達尼會變成植物人？」真變成那樣子，跟殺了他無異。

「你好抗拒依種生命形式？」

「我諗如果唔係有絕症，正常人都唔會接受到。」

「人類社會有階級，大自然同樣存在住食物鏈。王總統食嘅禁果係唔同，佢係嚟自樹芯最寶貴嘅精華，可以擴大人類腦部嘅意識，份量達到一個量，哪怕植物嘅意識都可以感知得到。」

「講咗咁耐你都仲未答我最一開始嗰條問題。」

「王總統之後會變成點，我無辦法講你聽，只可以講……佢要開始學識同自然共生。」一木長老始終不願透露半點。

「咁你可以俾個禁果我？」

「唔到我決定。」一木長老搖頭微笑。

「嗰次都係你摘俾我。」

「我只係遵循緊佢嘅意思。」一木長老話中有意。

「……」

補返星期四無出嘅文

晚上。

大本營露天廣場的營火市集上，坐在輪椅的首腦眼看著人們交流，感受著人類的情感。

一位皺紋細密的老婆婆，忽然對我們招了招手。

「搵我有事？」我走過去詢問。

「嗰個細路仔咩事坐輪椅？」老婆婆投以憐憫的眼神。

「佢脊椎有事，行唔到路。」我以謊言帶過。

「我依到有塊餅，請佢食嘅。」老婆婆拿出懷中的餅乾。

餅乾呈圓形，中央稍為壓出個凹陷並填了餡料。

「多謝。」我代為答謝。

我帶著餅乾回去，告訴首腦：「塊餅個阿婆請你食，即係請我食。」

首腦注視著餅乾：「佢俾糧食我嘅原因係？」

「同情你呱。」我說。

「同情？」

「人有同理心，見到一個人慘，自己都會身同感受。」

未幾，秦狩一行人走來。

「首腦就係佢？」秦狩以警惕的目光注視著首腦。

「係，我準備帶佢去病者共和國。」我說出帶同首腦跨海的原因。

「病者共和國？我無聽過。」元蒼說。

「一個我信任嘅病者建立嘅地方，主張同人類和平共存。」

秦狩和元蒼都一副詫異的模樣，顯然覺得很怪。

「如果要送佢去病者共和國，同放虎歸山無分別，點解唔留佢喺港島區……至少可以緊密監視住。」范世京說。

「咁樣並唔係一個平等關係，我身體唔可以郁，但唔傻，甚至比你哋全部人加埋都要聰明。」

「你無資格講條件，你只係個戰敗後被俘嘅病者。」姜冥河沒有口下留情。

「我同你哋倖存區有住核能源協議，即使我作為病者唔需要無謂嘅尊嚴，但繼續惡言相向都係對你哋無好處。」首腦平靜地說。

「M，你帶佢嚟想點？」

「想你哋部隊送佢去病者共和國。」

「啲小事你一向自己搞掂，好少搵我哋幫手。」元蒼疑惑。

「我身體已經唔同以前。」

「共和國喺咩位置？」秦狩直接問。

「科技大學，你哋可以搞掂埋天腦嘅殘骸再送。」

「一個星期內。」秦狩答覆。

前去病者共和國是首腦的要求，因為回不到實驗室的它，也不想待在人類的倖存區，正如人類不想待在病窩。

「咁首腦交俾你哋，去到科大，搵個叫陳智能嘅病腦就得。」我打個呵欠，手指大樓上：「我去訓訓先。」

我離開首腦，交由南征部隊負責。

「凜，二十四小時睇住佢。」秦狩指派戰力最可靠的人。

聶一凜點點頭，走到首腦的輪椅背後。

「殘局啊！有冇人要挑戰下呀？」一位戴漁夫帽的中年人叫喊。

「帶我去睇。」首腦說。

聶一凜思考著要不要滿足首腦的要求，畢竟自己不是它的僕人。

「無人挑戰呀！？獎品係未過期嘅貓罐頭喎！」

聶一凜雙手握住輪椅，推至棋局前。

「要挑戰？」殘局檔主笑嘻嘻地問：「輸咗你哋求其一個要幫我按摩，贏咗罐罐就歸你哋，明？」

「嗯。」聶一凜點頭。

首腦開始連續發號司令，幾乎不用思考：「馬八進七。」

「車六退一。」

「卒五平四。」

「帥五平六。」

「卒四平五。」

聶一凜跟著指示去移動棋子，結果竟然解開了這殘局！

「我、我個局……十年嚟都無人解到……」檔主說話顫抖抖的，把貓罐頭給出。

聶一凜接過貓罐頭，拉開扣環便仰首鯨吞。

寵物食用的罐頭，在末世的十多後年都變成了珍味。

首腦被送往科技大學前的空檔，我去了艾寶琳一趟探訪艾匡，順便想問問天腦的死，有沒有使她從預視中解脫。

我在皇室僕人的引導下，準備跟艾匡在皇宮的花園見面。

踏著石板小徑走入花園深處，伴隨著遠處噴泉水流的輕吟，兩側的樹籬修剪得整整齊齊。

再走入蜿蜒曲折的小道，便可看見一座小小的涼亭。

以往貴族偷情時，都會到這個涼亭來。

艾匡此刻就坐在裡面，疲倦地閉著目。

「鳥嘴先生……」

「嚟關心下你。」我直說來意。

「我、我好好。」

「好似第一次同你嚟花園坐。」

「依個花園打理得夠靚，可以令人放鬆舒服啲。」

「仲用唔用到預視？天腦已經死咗。」

「……」

「你睇落面色睇落唔係幾好。」

艾匡看來像是精神疲憊的樣子，有什麼煩惱著。

「無幾耐前，就喺我哋捉到艾康嗰陣，其實我預視到個畫面，係關於戰爭……」

「講嚟聽下。」

「係關於北部都會區嗰到，嗰到嘅人會對港島發起戰爭，利用同聯合九龍嘅倖存區做據點，最後戰火會波及埋將軍澳區……好多好多人會死……」

病港3 中港大戰

照xray本身無唔舒服，所以正常唔洗禁食
除非之後有後續治療

十幾年都唔變壞嘅貓罐頭

啲要角大部分唔再係普通人