【電磁波修改基因槍】《病港ＩＩ》（８ ４）

加少少都好呀墨巴

姐係躁底廢老

失敗了吧

回家中

在等！

失敗了吧

回家了 打緊

先補4月24的文

霎時間大量的生命流失，令我身體宛如窒息，腦海的諸多思緒被一股冰冷的麻木感吞噬。

想要說話回應公仔乃至呼吸，都彷彿需要極大的努力。

我們一個起，一個倒。

原本由他躺著的病床，臨時轉變成我使用。

虛弱的身體迫使我急切睡眠，讓身體不要再消耗無謂的能量。

當我醒來時床邊是坐著守候的公仔，他一見我有動靜便去呼叫醫生。

蒙柯亞花了幾十分鐘到來，算得上很快了，畢竟是從睡夢中叫來。

「會長，食塊蒸糕。」蒙柯亞放下用塑料袋裝載著的蒸糕：「你要補充葡萄糖。」

「你……吸收到？」我握著公仔前臂。

「嗯……」公仔面色精神許多。

「你太亂嚟，一次過咁抽走咁多營養，身體會負荷唔住。」蒙柯亞以責備的口吻訴說嚴重性。

我一隻一隻字慢慢地說：「我有我嘅原因……蒙柯亞，幫我檢查身體，皮膚、骨骼、肌肉纖維密度，係咪弱咗。」

「你等等。」

蒙柯亞去準備期間，公仔不解地問：「老師，你要我做嘅事係咩？」

「我……精華……夠你用幾耐？」

「如果唔變身，至少五年以上。」

「我要完成一項絕密任務，亦都……」我不知不覺握緊著其前臂：「只得你，係我可以安心交託。」

「你講。」

「湊隻耳嚟。」

公仔耳朵貼近我嘴前：「……」

「消滅天腦。」

公仔表情怔一怔，但眼神好快變得堅決。

「你要我點消滅。」

「依段日子我已經暗中準備咗對付天腦嘅工具，你會揸住飛機飛去天腦嘅所在，然後連人帶機直接撞過去。」

「然後……」公仔猜想到下步：「爆炸前我用癌甲化保護自己。」

我見識過公仔癌甲化的厲害，就連當初射在病者國度的核彈都擋得住，飛機爆炸應該不是問題。

「可以，但天腦唔會阻止？」公仔作出疑問。

「到時我哋會有另一個裝置去干擾佢……」我咳嗽數聲：「大概就係咁。」

「我一定會完成。」

「唔洗搞到我就快死咁，只係俾你吸咗吸啲營養，依家有啲攰，成個行動我會帶領你。」

蒙柯亞回來，帶來了測試儀器。

各項測試完畢，便送我去照X光機。

經過一晚的等待，結果終於出爐。

「會長，對比以前你飲完湯藥嘅測試結果，你身體韌性同骨質肌肉纖維各項密度，都變返做正常人類水平。」

「呼。」

「代表你以後唔可以再兩手空空咁，諗住用拳頭打病者，唔好諗住喺高空跳落嚟，唔好以為自己俾火燒陣無事，唔可以再食過期嘢，仲有見到大鼻要走，傷口恢復時間你都預要好耐，繼續兩三日唔訓你會猝死……」蒙柯亞好像說不完似的。

「你咁講一講有啲唔習慣。」我最直接的感覺是身體沉重好多，不如以前靈活。

經三日的留院觀察，我狀態逐漸地恢復。

最直接的方式是從食物中攝取，這幾天我胃口特別好，不知吃了多少東西，主要都是甜食。

好快我從去廁所都會腳軟，變成行走自如。

最不習慣是夜晚，沒有燈火的地方，就真的什麼都看不見。

我真的變回正常人了嗎？

公仔跟著我踏出聖保祿醫院，我方給他下指示：

「公仔，你去康城倖存區到搵馬面，同佢講我叫你嚟學揸飛機，佢應該會有模擬駕駛艙俾你試同學。」

「學好呢？」

「學好你再搵我，但其實唔洗學到太深入，主要學識得點樣控制飛唔同方向就得。」

「好。」公仔點著頭準備出發，但突然又想起什麼，回過頭問：「老師，娃娃佢點？」

「對上見到佢仲喺中大，你放心，仲讀緊書。」我說出上次所見娃娃的情況。

「咁就好……」公仔續問：「如果今次狩獵完結咗，老師你會點？」

「不如問下你自己。」我反問。

「……」

「我希望你用我嘅時間，去解救自己，調查睇下有冇方法擺脫癌咒……」

「咁老師你？」

「我要去搵一個重要嘅人。」

「……」

「我從來未咁肯定過。」我看著自己的手心：「可能因為真係時間有限……」

「係。」公仔點點頭。

路，分開兩條。

我向著左走，公仔向著右走。

我前去香格里拉酒店，確定所有東西是否安好。

事情已經如箭在弦，我甚至懷疑……

天腦已經有所察覺，開始了各種干擾。

結果怎麼樣，我不清楚，但我們都得去嘗試。

去試試，反抗命運。

病獵王終於醒起自己個女朋友失咗蹤幾年

終於去搵湘B

今日文

我向聖保祿醫院門外停泊的人力車招手，年青的車夫立即用掛在頸上的毛巾給我擦乾淨座位。

「會長大人請坐。」年青車夫恭敬地說。

這些年青車夫是我們學徒的兼職，專為病獵協會服務，平日無須訓練的日子，會擔當車夫駐紮主要來往的地點提供接送。

「請問要去邊？」車夫是位十八九歲的青年人。

「香格里拉酒店。」

「收到。」

一路上年青的車夫都試圖與我搭話，可惜我只想閉目養神，沒有回他半句話。

到了酒店外頭，車夫將我叫醒。

睡飽的我下車後徑直行入酒店去見一見首腦，整起計劃它是個關鍵人物。

穿過重兵駐守酒店走廊，我來到首腦所在的房間，如同上次最後見它的模樣，它躺在大床上紋絲不動，如同仿真人偶。

「聽到？」我試圖叫醒它。

數秒後傳來回應：「講。」

「都萬事俱備。」我坐到床邊。

「我想每個人都會見一次。」

「咩人？會連結嘅人？」

「係。」

「無問題，但見嘅原因係？」我也不能完全聽從首腦的指示，得慎防一下。

「要連結到精神同步，需要了解。」

「我安排下……」

如是者，我前去其他客房把計劃參與者帶過去，讓首腦通過對話去了解。

第一位是夕禪，無時無刻都在冥想著的一位。

「你好。」夕禪問好。

「病腦？請講述你同天腦間嘅聯繫。」首腦每句話都直接了當，沒有多餘的問候。

「我，一位觀察者。由始至終純粹地觀察世界變化，包括天腦演算下嘅每個因果分支、每個可能性、每個平行時空嘅可能。」

「直白去講就係利用敏感嘅大腦去感應天腦洩漏出嘅腦波訊號，點解你要作出觀察行為？」

「我想要見證，就正如……你應該都有喜歡見證嘅事物？」

「我會見證實驗室中得出嘅結果。」

緊接著兩人討論了病者的將來。

直到討論完畢，已經是兩三小時後的事。

下個是港豬，他長期待在酒店內荒廢的酒吧，獨自喝著常人無法一口喝掉的烈酒。

「你喺到。」我走入環境半暗半光的酒吧。

「整杯？」港豬拿起一隻玻璃酒杯。

「我唔好酒精，但你變咗病者，都好酒精？」

「有時只係種習慣，我都唔係鐘意飲酒。」

「我陣間帶你見個人。」

「韓小姐？」

我愣一愣：「你緊係覺得自己好幽默。」

「見咩人？」

「發明腦波增幅器嘅人，病者國度嗰個首腦。」

「見我原因係？」

「佢想了解你，佢話精神連結前，要了解雙方。」

「我應該無乜好俾佢了解。」港豬淺笑。

「當傾個計，你了解返佢轉頭都得。」

「咁樣我比較有興趣。」港豬放下酒杯。

如是者，我又帶著港豬上去首腦的房間。

「嘿！」港豬首先開腔，對床上的首腦揮揮手：「你係首腦？可以問你個問題先？」

首腦：「問。」

「你真心想幫人類定另有圖謀？」

「你係病者定係人類？我估計你係前者，我聞到你身上屬於病者嘅氣味。」

「如果係病者陣味……」港豬瞟我一眼：「佢應該唔會少得過我。」

首腦：「回答你剛才問題，我想幫助人類，從而展示病者和平一面，最終做到共存。」

「明白。」

首腦：「換我問你，你真心想幫人類，定另有圖謀？」

「我想幫我朋友。」港豬手搭著我的背部：「就係咁簡單，老實講，人類世界……已經唔太關我事，但同我有關係嘅人，仲存在緊喺依個世界。」

首腦沒有回應：「……」

港豬攤開雙手：「我答案有冇滿足到你。」

首腦轉換問題：「你身為病者，有意為病者建設未來？」

「我仲係人類嗰陣，係個利己主義者，而依家我係個自私嘅病者，我有時候都搵緊自己作為病者嘅存在意義，話哂我嘅壽命已經無限長，無目標好快會空虛。」

首腦：「我同你嘅交談對話到此為止。」

跟夕禪的談話時間相比，可謂差天共地。

待港豬離開房間後，首腦跟我說起：「依個人瞞騙住某啲事情。」

「……港豬？」我有點詫異。

「我大腦可以感應出周圍生物對自己發出嘅情感，分辨出對方友善、敵意、害怕、憤怒定係猶豫不決，我可以從上一位病者同胞身上，感應到和諧嘅存在，但依位病者同胞一片空白。」

「空白即係毫波瀾？」

「代表刻意隱瞞。」

「佢以前就係個咁嘅人，唔會俾人睇得穿自己，接受過心理訓練。」

首腦說：「佢可能會係精神連結嘅不穩定因素。」

「你唔想港豬參與？」

「我無權決定，決定權喺你手。」

「因為我想像唔到你哋精神連結之後會係咩情況，你問我，我都答你唔到。」若果叫我防港豬，倒不如說首腦都要防範。

港豬

推

變返普通人係咪要用返遮黎打？