【電磁波修改基因槍】《病港ＩＩ》（８ ４）

文呢

全場陷入死靜。

霖叔故作鎮定，只能透過說話去分散恐懼：「你唔想大家入鴨脷洲搵食，霸哂成個地方嘅，咪讓俾你囉，我哋好易話為嘅，和和氣氣啊嘛，嚟得南區都係求財，係咪？搞到咁僵就無意思。」

「係囉！」拾荒者淆狗喊：「你今日對冧咗霖叔嘅話，都唔會行得出個門口。」

「每個兄弟死咗之後，霖叔都會分筆慰問金俾佢哋屋企人，你郁霖叔，即係郁我哋所有人。」

「天真。」雷穆剎沒被嚇唬，保持著殺氣：「你哋最愛嘅霖叔，最鐘意就係變賣死人嘅財物。」

「咩意思啊。」拾荒者白卡偉聽不明白。

「如果你哋死咗，以前暫時存放喺到，等住運返倖存區賣嘅財物，就會歸佢所有。」雷穆剎冷笑：「唔係……佢會抽兩成出嚟當慰問金，留俾你哋屋企人，而你哋仲會心存感恩。」

「你話係就係啊？」霖叔嚴正地聲明：「你可以殺咗我，但唔好詆毀我為班兄弟做嘅事！」

「你知又唔一早講出嚟！？」拾荒者小虎質疑。

「講咗都唔會有人聽，依個就係倖存區弊病，大台建立咗，其他人就會失去思考能力。」雷穆剎說。

「唔、唔唔唔唔──」嘴巴塞著內褲的紅奪貴有什麼想發表。

拾荒者淆狗給他鬆口：「有咩想講畜生貴。」

「依條友……」紅奪貴金睛火眼般，瞪著雷穆剎看：「佢身上寶物！令人復生嘅寶物！」

「哈……復生，你為咗唔死真係咩都講得出。」黃雙喜幫忙隱瞞事實。

眾人對於紅奪貴的話都沒有上心，只覺得他死前亂說話。

霖叔的一句話，卻改變情況：「佢講得無錯。」

現場拾荒者都目瞪口呆，目光都轉移到雷穆剎身上。

「唰！」的一聲，冰斧劏開了霖叔頸動脈。

霖叔頸側的血柱瞬間射出，他一手按著傷口，一手掏出軍警型左輪手槍。

雷穆剎向前一蹬踢倒了霖叔，並搶奪掉他剛剛掏出的手槍，轉身瞄準每個想靠近自己的拾荒者。

客廳上十多名拾荒者，個個紅了眼睛，想要獲得雷穆剎身上的神器。

「喂喂……雷穆剎，大生意喎，係咪真係有令人復活嘅方法啊。」拾荒者淆狗興奮和恐懼的情緒混合著。

「和平嘅好無？既然霖叔都死咗……」拾荒者白卡偉藏不了貪婪的眼神。

「我……嗚……我未死……」霖叔表情痛苦，向人求救：「救我啊……」

「霖叔你等等啊，反正你話佢有令人重生嘅嘢，陣間就幫你重生……」拾荒者吳英灖說。

現在，沒有人在意霖叔的生死了。

吳英灖暗暗手持一把飛刀，像慢慢湧動的暗流，朝著雷穆剎方向穿梭。

「嗖！」冷不防，拾荒者維鴿眼舉弓放箭。

雷穆剎側身躲開後，吳英灖趁機擲出飛刀。

飛刀命中雷穆剎左肩，得手後吳英灖再掏出一把飛刀，向前跳起打算再擲出一把。

「呯」雷穆剎舉槍射擊，中斷了吳英灖。

其他拾荒者見狀，紛紛湧了上去，要宰掉雷穆剎。

雷穆剎一口氣射出餘下五發子彈，然後把軍警型左輪手槍當成投擲物，擲得一名拾荒者鼻血直流。

緊接雙手握著冰斧，與這些拾荒者展開殺戮。

打鬥中，原先維持屋內光亮的火把給弄倒，使得屋內陷入了漆黑。

大家一時無法視物，暫緩了攻擊。

雷穆剎大氣也不敢喘一聲，用耳朵留意著動靜。

「轟隆──」突然，閃電照亮屋內。

雷穆剎旋即以冰斧勾住一名拾荒者的腳脛，將他弄摔地上，然後另一把冰斧向前劈落肚皮中。

「呀！」

閃電完結後，屋內重回黑暗。

隔了七八秒，另一道閃電劃過。

雷穆剎從桌面滑鏟至對面，雙斧往兩名拾荒者的頸喉砍去。

黃雙喜才剛重獲生命，視生命如貴寶，不想參與戰鬥中，而跑出屋外。

同樣想法的不止他一個，尚有另一位拾荒者阿鬼。

兩人雙目對視，雨水很快淋濕了他們。

裡面的聲音越來越少，反映存活的人不多了。

「喂……」拾荒者阿鬼忽然提出：「喜，不如我哋匿喺門口偷襲佢，如果陣間佢真係出嚟……到時佢應該都無哂力氣。」

「保命算啦……」黃雙喜勸說。

「依家我哋搞掂一個人，以後就唔洗再喺南區，真係唔做？」

「做做做……」黃雙喜抽出折疊小刀，狠狠刺入拾荒者阿鬼頸喉：「做你個頭……」

「嗚噫！」阿鬼身軀一震。

幾分鐘後，屋內已再無動靜。

一個人緩緩行出門口，正是手持著冰斧的雷穆剎。

黃雙喜大喜：「剎哥！」

雷穆剎行不到幾步，便跪到地上：「咳……」他不是什麼非常能打的超人，自己都受傷不輕。

「你點啊……」黃雙喜走去扶住他。

「帶……帶……去……」雷穆剎強忍著疼痛說話：「39A。」

「咩地方嚟……」黃雙喜心裡有點慌。

「丹林……」

黃雙喜入去屋中，撕下由霖叔繪製的壽臣山地圖，上面標明了「丹林」的所在。

黃雙喜把地圖收好懷中，順便找了嫁手推車將雷穆剎放上去，然後前去該地方。

「嗰到咩地方嚟……」黃雙喜問。

「另一隻……孤……孤狼。」

剎哥

好似睇緊特工故

鳩估達尼同M會去搵殺哥屍體，m神器+1

黃雙喜憂心不已：「你傷到咁，唔打算用嗰件神器？」脫下自己的外套，蓋到雷穆剎身上擋雨。

「帶我去……快……」雷穆剎沒有理會建議。

傾盆大雨的路上，雷穆剎時時閉上眼皮，黃雙喜為了不讓他睡著，維持神志的清醒，不得不繼續說話。

「唔好訓呀。」黃雙喜腦中思索著話題：「點、點解你嗰陣要救我啊，不如講下啊。」

「嗄……你……死前係咁喊阿媽……」雷穆剎冷冷一笑，說話低沉：「你令我都諗起，我屋企人。」

「如果你頂唔順嘅，不如教我點將你復活啦！你半路死咗我都幫到你……」黃雙喜焦慮得很。

「咁我寧願死。」

「點解啊……」

「有代價……我無死……再……再同你講。」

堵塞道路的山泥讓手推車難以前推，黃雙喜不得不抱起雷穆剎，徒步走到丹林豪宅。

走著走著，後方有另一個追逐的聲音。

黃雙喜不知是誰，但恐懼感直線上升。

跑到丹林豪宅的範圍前，黃雙喜側身鑽入虛掩的車閘，然後向屋內的人呼叫：「救命呀！」

「我嚟救你哋啊……」後方出現聲音。

黃雙喜下意識扭頭一望，雖然黑得什麼都看不見，但聲音卻不會忘記，是紅奪貴！

原來紅奪貴在剛才的大宅混戰中，偷偷拿了倒下拾荒者的刀具給自己解綁，然後躲到了暗處，之後跟蹤黃雙喜。

「我係最後嘅生存者哈哈哈哈……」紅奪貴手握牛刀，準備大砍特砍。

倏地，一個紅外線光點瞄準了他。

紅奪貴本人都有些錯愕：「咩料。」

話音剛落，一陣嚎叫冒出，紅奪貴被什麼野獸撲倒。

「哇呀呀呀！呀呀呀！」紅奪貴拼命反抗，用刀刺向不明的野獸。

野獸瘋狂地撕咬紅奪貴，不明狀況的黃雙喜下意識靠到大宅的門前。

紅奪貴的慘叫聲越來越弱，直到只餘下嘴嚼聲。

黃雙喜緊閉雙眼，心裡不停求神拜佛，頃刻間背靠著的門就打開了。

一位年輕的男子手持電筒，照射著屋外的他們：「入。」屋主說。

「雷穆剎叫我嚟搵你……」黃雙喜冷得說話發抖。

「你都係拾荒狗？」屋主問。

「呃……係，我係拾荒者。」黃雙喜答。

屋主協助黃雙喜抬住雷穆剎，合力搬上長餐桌。

「頭、頭先出面隻怪物係咩嚟？」黃雙喜問。

「國寶。」屋主打開急救工具，解開雷穆剎的大衣。

「……國寶？」黃雙喜不明所以：「點叫你？你睇落仲後生過我。」

「洪安。」

「洪安兄弟靠你……」黃雙喜不懂得急救，只能坐著等。

「拎我電筒，幫我睇下出面搞成點。」洪安說。

黃雙喜拿取電筒，小心地開門，用電筒照射屋外。

當黃雙喜看見野獸的真身時，簡直不敢相信自己眼睛。

「熊貓！？」黃雙喜驚呆住。

眼前瘦削染血的熊貓，正啃食著紅奪貴的屍體。

黃雙喜回到屋內，不禁問：「嗰隻熊貓嚟！？」

「如你所見。」洪安說。

「……點解會係貓熊。」事情衝擊了黃伋喜的觀念。

大部份人們都被熊貓可愛的樣貌，和官方的宣傳蒙蔽了大腦，以為熊貓是人畜無害的生物。

實際上熊貓傷人事件常有發生，牠們是雜食性動物，在野外環境下無論是什麼都會吃，包括屍體。

「隔離就係海洋公園，有咩咁難解釋。」

「你喺海洋公園裡面偷嘅！？」

「你好出奇咁。」洪安抬目瞥了黃雙喜一眼：「只要係有價值嘅事物拾荒者就會執，包括動物。」

黃雙喜把雷穆剎脫掉了的大衣摺好，偶然摸到了口袋裡有個東西，相信就是救活自己的神器。

出於好奇心驅使下，黃雙喜伸手入去把東西拿出，想一睹這神器到底什麼樣子。

結果手剛觸碰到那東西，質感就覺得毛毛的。

不是冷冰冷的工具，而是某種活物。

黃雙喜手帶顫抖的拿了出來看，結果是隻手掌大小的可怕寄生蟲。

其醜陋的外表，嚇得黃雙喜脫手掉落地上。

這東西就是挽救自己生命的神器？黃雙喜無法相信。

盡管所謂的「神器」很嘔心，但黃雙喜還是把它收回入衣袋內。

經過洪安的急救，雷穆剎失血的傷口都給包紮妥當，接下來只要有命回到港島北的倖存區醫院就行。

第二天，黃雙喜和洪安共同帶著虛弱的雷穆剎回去。

拾荒者回倖存區從來不走正門，因為他們都要走私物品。

當時想到醫院接受治療非常昂貴，但對富有的拾荒者而言，一點小錢都不是問題。

自黃雙喜踏入倖存區後，就覺得自己有點奇怪。

他不時看見周圍的人好像病者，周圍的建築物材質都變成一團腐肉、黏液和臭氣組成，乃至望出醫院窗外天空都變成詭異的紅。

「咩事……」黃雙喜拍一拍腦瓜，眼前畫面便重拾正常。

他以為自己純粹有創傷壓力症，導致出現幻覺。

然而，他很快得知這種異常的真正原因。

雷穆剎正式醒來後，他留意到黃雙喜的異樣，並告知他復活的真相。

詭人？

推

推

貓吉竟然呢個位會出現

貓吉唔係寫書果個咩
熊貓商人就係叫洪安
不過隻熊貓m見到果時好似溫馴咁多咁

係 洪安印象中就係熊貓商人 淨係賣人情唔收錢 冇記錯喺病港2開頭就俾左把遮M但係俾左咩遮真係唔記得

推

係

無文

「我諗你已經察覺到異常。」雷穆剎點著根煙，病床上輕輕抽著：「你睇嘅嘢開始有啲唔同……」

黃雙喜怔一怔，回憶起那些腐肉畫面：「你講緊嗰啲爛肉畫面？」

「係。」

「你點解知？係咪關你袋嗰隻寄生蟲事。」

「佢唔係寄生蟲，係種緩步動物，叫「水熊蟲」，亦係令你復活嘅「神器」，我係喺鴨脷洲一個隱藏嘅地下實驗室搵到。」雷穆剎再次拿出收於暗袋的神器。

在他手上的神器乃進入了隱生狀態的水熊蟲，它將身體捲縮成小桶狀態。

「水熊蟲？我好似聽講過係好細好細，要用顯微鏡先睇得到，依隻成個手掌咁大……」黃雙喜說。

「可能係製作佢嘅人用咗基因工程技術，令到佢變成咁大隻，但只要俾佢吸盤對住傷口，佢就會釋放出一啲納米機械人去幫傷者修復。」

「機械人！？會有咁細隻機械人咩？」

「機械人唔一定係指傳統嗰種，要用金屬、燃料嗰種材料，有種可以化學合成出嚟嘅叫分子機械人，係利用分子阻成特定結構，然後利用其他化學反應驅動，依種都可以稱得上納米機械人，依方面係類近生物化學工程。」雷穆剎詳盡地解釋：「而依隻變大咗嘅水熊蟲，就係負責收藏嗰堆納米機械人嘅容器。」

「你以前係讀生物？」

「唔係，只係拎咗依個神器之後，先開始研究。」

「你話我見到啲爛肉畫面關佢事係點解？」

「佢釋放出嚟嘅納米機械人會改變人腦感官，令到你見到嘅事物都係由血同肉組成，到處都係腐臭……但見到病者，會好似見到個靚女對住你微笑，顛倒你大腦認知同感官，情況越嚟越嚴重。」

「……」

「點解你……會咁清楚……」