病俠疾行速度猶如殘影，瞬間跑到了湯婆身邊，兩人並肩而站。
「唔好要落殺手。」湯婆微微搖頭：「我其實唔係幾想殺咗你。」
糟糕，以前我還可以用絕對的力量壓制湯婆這計時炸彈……
現在似乎按不住了。
「我只係整緊把病者武器，就好似以前咁，你太大反應。」湯婆續說。
「咩武器。」
「你哋嘅智慧好難──」
「唔好同我兜圈，咩武器？」我指向儀器盤。
「一把可以修改基因嘅遠程武器。」
「你整緊首腦嘅終極武器……」我恍然大悟：「你頭講嘅松果體係屬於大腦一部份，你拎咗天腦大腦嘅材料！？」
「地上執到寶，問天問地攞唔到。」湯婆幽幽地說。
王達尼打開彈巢檢查，尚有兩顆子彈：「舉高雙手投降喇，你鬥唔過槍。」
「整完嗰把嘢出嚟有乜用？除咗破壞生命法則外，仲有咩用途。」我問湯婆。
「一路以嚟我幫用唔同病者嘅材料做武器，你哋先走到今時今日，不如你講返我聽有咩用？」
「點樣停部機？」林祺兵嘗試摸索儀器盤。
「我頭先見到佢伸隻手入去舍凹槽到。」阿水放下電燈，也嘗試伸手入凹槽中。
阿水的前臂伸手入凹槽後，感覺有數根類似觸手的東西糾纏自己，甚至想要鑽入他的手中。
阿水恐懼地想要抽出，但是觸手緊緊綁住不放。
「隻手……」阿水心感不妙。
凹槽慢慢地收縮，就像測量血壓測量機。
可是凹槽壓迫的力量越來越強，阿水完全承受不住。
「停咗佢。」我叫湯婆。
「佢隻手斷咗就會停。」湯婆聳肩。
「呀呀呀呀呀呀呀──」阿水仰天大叫。
數秒過後，整條前臂因過度擠壓而斷開，阿水右手粉碎性骨折才抽得出來。
「啊啊啊……」阿水瞬間嘴白唇青，右前臂如條軟皮蛇垂下。
「水！」林祺兵扶著他。
「依把神器必須要做出嚟，至於邊個用佢，點樣用佢……都唔關我事。」湯婆亮出一絲笑意：「我只係個製作者。」
「咁你製作好之後交俾我。」我轉換說法。
「你會根據自己嘅意志，去決定合適嘅使用者。」湯婆稍稍抬顎。
這麼危險的武器交給一個不知道是誰的人？不可能。
這玩意可能比核彈還要危險。
「你咁樣係自尋死路，要病獵協會要幫你執手尾。」我說。
「我一直以嚟嘅貢獻，應該大過你哋所謂嘅手尾，馬爾斯你睇下你，湯藥係邊個俾你？你都睇下你……」湯婆指住我：「當初唔係我嘅湯藥，你覺得你可以打到上天下海咁都死唔去？」
【電磁波修改基因槍】《病港ＩＩ》（８ ４）
墨說
902 回覆
613 Like
6 Dislike
下個故病港3
病港3 前轉
廢老M駁吾刀
湯婆講事實 廢老m無用
「依把神器必須要做出嚟，至於邊個用佢，點樣用佢……都唔關我事。」湯婆亮出一絲笑意：「我只係個製作者。」
「咁你製作好之後交俾我。」我轉換說法。
「你會根據自己嘅意志，去決定合適嘅使用者。」湯婆稍稍抬顎。
湯婆成日講鳩野
即係關你事啦又話唔關你事
幸運時間
雖然湯婆的確係個癲婆，但無可否認冇佢嘅話病獵走唔到去今日
下個故 病港3
推
推
雖然都啱 但佢真係冇咩病獵嘅核心價值 冇團隊合作 仲要成日搞破壞
我已經當係寵物小精靈咁睇啦 永遠唔會完
我地可能見證緊下一套《九龍城寨》嘅誕生，呢個時候又年經post 講下邊個演員做咩角色了，等片商唔使諗搵邊個演出咁頭痛
M：蔡一智
泰臣·耀西：Tyson Yoshi
請各位師兄出招
M：蔡一智
泰臣·耀西：Tyson Yoshi
請各位師兄出招
湯婆咁老比支基因改造槍射完可以咁打得
暗示M都會比槍射完變後生
暗示M都會比槍射完變後生
湯婆放哂水啦
以前都已經唔夠打
而家要打死廢老m真係簡單
以前都已經唔夠打
而家要打死廢老m真係簡單
地上執到寶，問天問地攞唔到
科學界藝術家性格
唔理世人目光，做到自己想做嘅實驗就乜都得
唔理世人目光，做到自己想做嘅實驗就乜都得
一個星期冇追文發生咗咁多事
其實俾我預想中易咗好多殺死天腦
然後當你發現個估好似完
又突然間有人要做大反派
感覺啲線不停畫長冇終點咁
然後當你發現個估好似完
又突然間有人要做大反派
感覺啲線不停畫長冇終點咁
暫時最好睇仲係西城薈剿滅戰
出左咁多角色
邊個係最高戰力？
廢老m凶獸版？
公仔？
魔羅？
弒神者？
天腦？
邊個係最高戰力？
廢老m凶獸版？
公仔？
魔羅？
弒神者？
天腦？