熊市咩時候結束？分析特朗普經濟政策及貿易戰底層邏輯

係連登我見好多人唔了解特朗普發動貿易戰既動機，或者只係了解表面果層，呢場貿易戰背後既邏輯、動機、路徑其實係可以從上年11月一份報告搵到線索（《A User’s Guide to Restructuring the Global Trading System 重構全球貿易體系用戶指南》），作者係現任白宮經濟顧問、經濟智囊團首席Stephen Miran，可以講係特朗普經濟政策既國師。只要了解呢份報告就可以知道特朗普政府既行為同埋想達到咩目的，有玩美股建議睇完整份報告。


我就簡單D講呢份報告，內容指出從蘇聯解體冷戰結束，美國對未來充滿樂觀，認為美國唔會再有對手，冇左國家安全既威脅之下可以將工業外包，將製造業轉移到廉價勞動力既國家，結果製造業空心化工人就業減少。製造業外流下消費者大量依賴進口，美元不斷流失去外國，加上美元係世界主要儲備同交易既貨幣，各國經濟增長比美國快就更需要更多既美元。美國想維持世界儲蓄貨幣地位，只可以不斷發債去維持各國增長同交易需求，咁既情況下美元永遠都係強勢，令到美國商品成本昂貴難以出口，而其他國家可以操縱該國貨幣同利用補貼方法令到該國產品佔優。當美國產品冇優勢下只好不斷發債更多美元去進口商品，搞到現時國債高到無法忍受既地步。


我暫時唔評論以上美國係蝕底邏輯係咪正確，起碼美元成為儲備貨幣可以有金融特權，其他國家經濟上升同時會帶動埋美國經濟。不過我地了解左特朗普政府唔滿意全球化貿易體系既邏輯，想重構新既貿易體系同減低美國國債，佢會用咩行為？


特朗普政府認為美國係全球最大單一消費國家，其他國家高度需要美國市場。所以第一步發動貿易戰，利用關稅呢個武器去令到其他國家產品係價格上喪失優勢，各國為左唔喪失美國呢個全球最大單一消費市場，就要去美國建廠幫忙美國製造業回流。但回流並唔係一時三刻就可以製造到足夠既商品滿足美國市場，正常情況只會令產品更加貴同引發通脹。不過Stephen Miran認為2018-2019年發動同中國貿易戰但冇引起美國通脹，因為當時中國以貶值人民幣既方法抵銷關稅影響，結果美國徵收到關稅賺到好處又冇引起通脹，代價由中國啃晒。呢一次美國同樣認為就算其他國家唔同美國傾條件，為左美國市場都會貶值貨幣，等於硬食關稅都只會令美國賺取關稅又唔會引發大通脹，當然該國傾條件更加好，可以更多操作空間。以上就係美國發動貿易戰既行為同邏輯，下面我會講美國仲會有咩行為。


第一步已經做緊既關稅貿易戰逼美國製造業回流；
第二步迫使各國貨幣升值或配合美國貶值令美國商品更有優勢；
第三步為左減低美國債務迫使各國將官方擁有既美國債券轉換成零息百年債券。
上面第二、第三步具體做法我就唔詳細解釋，你地可以google搵返Stephen Miran份報告《A User’s Guide to Restructuring the Global Trading System》。


講完上面特朗普政府既經濟政策及貿易戰底層邏輯，我又點睇美股走向呢？因為特朗普政府執行緊報告既策略，美國正係到重構緊新既體系，我認為就算短期內美股回升都只係超跌反彈。由於特朗普政府將會有一連串既行為，所謂既反彈唔會係熊市結束，如果搏食反彈就要小心。當然以上只係我基於政策邏輯既結論，實際情況未必一樣。

我嘥咁多時間打篇野想多d人討論研究，點知一個留言講既都冇

應該未起身，星期一多d 人討論
分析得唔錯

主要我見好多人屌特朗普行為，但佢地唔知究竟真正發緊咩事，想比佢地知背後既邏輯，就可以思考點操作

星期一熊市結束

同埋補充返特朗普政府認為20%關稅係各國可承受嘅範圍，就算該國唔願意傾，但該國都會承受貶值貨幣去維持出口，所以覺得唔會令美國有太大既通脹，呢個係佢地邏輯

高端制造業就話姐, 衫褲鞋襪回流美國把鬼咩, 去邊搵工人呀

Ok

衫褲鞋美國唔係真正想要，同埋呢d都唔會佔貿易額太大，只係用關稅黎做手段

點都好 繼續忍痛月供

太深 班友唔明

同埋呢d低端製造既國家，好多都幫中國做左洗產地，所以加徵關稅其中一個原因黎令呢d承接中國洗產既國家去圍堵中國，不過用關稅既手段去威嚇，並唔係真係想要呢d低端製造業

佢地想要兩皮一部iPhone呢

本身份報告難，所以我已經盡量減化用簡單既方式去表達貿易戰既邏輯

第二步已經無可能
澳元作為人民幣代理人琴日已經無左差唔多5%
上次trump加14%關稅人仔就貶值14%

你講A User’s Guide to Restructuring the Global Trading System果個只係理論
實際各國操作係相反

匯率證明一切對抗關稅就係得呢招
定你有其他方法係過去有記錄用過

貼出黎俾大家學下野

簡單啲黎講
佢將美元美債外儲備功能 國際安全服務
視為一種美國單方面付出
其他國家需要埋單 付款方法為關稅
不過對連登黎講應該無人會認真討論 算啦

用美國既人工同班懶人
你想Apple Tesla呢啲點生存

澳洲明面講唔對抗美國，咪用降低匯率減少對出口從衝擊

其實好霸道，得到美元權權既好處，宜家得到哂好處，但代價都唔想要，逼其他國家去承擔

多謝巴打，打得好簡明扼要，但依家連登主要係五毛較多，比較少人真係想討論

其實侵侵要做嘅嘢一直都好清楚，邏輯亦從來無變過，如果主流媒體可以好似巴打咁將呢啲訊息講返出嚟，市場應該唔會咁恐慌

B仔 俾個讚你


不過第二步嘅迫使其他國家貨幣升值似乎難以做到

根本就唔係要產業返美國
關稅係哪各國食返多年黎順差條數
條數咪就係美債成萬億
宜家只係商業操作將美債減磅
哪各國找數
咁多年黎都係美國食條數
宜家哪佢地連本帶利還返自己差落既順差

加歐洲關稅根本唔關你講既中國洗產事

特朗普發動貿易戰的背後有幾個關鍵邏輯，可以從以下幾個方面進行分析：

### 1. **經濟結構的變化**
- **製造業空心化**：隨著製造業外包至低成本國家，美國的工業基礎受到削弱，導致就業機會減少。這種情況引發了社會對經濟政策的反思，特朗普的貿易戰正是針對這一問題的回應。

### 2. **全球貨幣地位的維護**
- **美元的儲備貨幣角色**：美國希望維持美元作為全球主要交易和儲備貨幣的地位。為此，美國需要不斷發債以滿足全球對美元的需求，這使得美國的國債水平持續上升。

### 3. **貿易戰的策略**
- **關稅作為武器**：透過提高關稅，特朗普政府希望削弱其他國家產品的價格競爭力，迫使它們在美國投資生產，從而促進本土製造業的回流。然而，這種做法也可能導致通脹上升。

### 4. **貨幣政策的影響**
- **貨幣貶值的策略**：特朗普政府預計其他國家會因為失去美國市場而貶值其貨幣，這樣可以間接抵消關稅對美國消費者的影響，從而減少通脹壓力。

### 5. **債務管理的長期規劃**
- **轉換美國債券**：通過迫使其他國家將持有的美國債券轉換為零息的長期債券，美國可以降低當前的債務負擔，這是對未來財政策略的長期考量。

### 6. **美股市場的展望**
- **短期反彈與長期風險**：雖然美股可能因市場調整而出現短期反彈，但由於特朗普政府的貿易政策尚未完全實施，這種反彈可能只是超跌後的修正，投資者需保持謹慎。

### 結論
特朗普的貿易戰和經濟政策反映了美國在全球化背景下的焦慮和重新定位的需求。這些政策的長期成效尚待觀察，短期內可能面臨不確定性和風險。

浮動貨幣點令到當地政府升值自己貨幣？賣走儲備美元買返自己貨幣？

美國作為全球第二大輸出國（主要係石油），佢貶值自己貨幣真係有好處？而且美國佬應該知道，就算加關稅，低技術&labour intensive嘅製造業係唔會回流，進口商加完關稅將價錢轉嫁美國消費者都平過你喺美國設廠，到時都係美國人自己受返哂。仲有當年美國譴責中國操控人民幣下跌，點會覺得中國自己食哂條數？

我估浸浸主要目的有兩個：1.逼製造業國家（如東南亞、中國，全部人口基數大）減關稅，進口多啲中高技術產品，方便美國產品喺當地造成技術壟斷（eg電子產品） 2.自己制造短期衰退，逼聯儲局降息，咁美債就可以用低息refinance

今次大地震，其實無咩大孖沙走出黎講野，我估班大佬其實都預咗。美債問題始終要解決，做野個下點都有陣痛，美國生產力唔可能一下子提升去縮表，全世界亦唔可能承擔美國債務違約，拉其他國家落水係幾好嘅辦法

目的唔係咁簡單，一個產品特別係精密產品，需要一年串嘅供應鏈，而美國喪失左呢到，宜家想得到返
當然到製造業回流時，應該會使用大量自動化生產，其實真正勞工未必咁多，但起碼可以減少依賴進口同埋可以出口減少債務，如果再繼續落去美元慢慢失去國際儲備貨幣