【語重心長】投資新手或者唔想再做傻散嘅入一入嚟（6）

回頭是岸，由今日開始月供low cost index fund，五年內包你贏90%專業投資者，廿年內贏99.9%。

常見問題

Q: 點解我唔去day trade炒股炒期貨聽日就發達要等index fund成廿幾年先發達？

A: 因為喺短時間內嚟講，錢就係得咁多，你贏錢就有人輸，個distribution 嘅平均一定係零，然而計埋手續費抽抽插插之後個平均就只會係負數，仲未計你條死傻散高買低賣，仲未計啲大firm有幾打PhD同超級電腦每日就係諗點樣打贏你，所以長遠嚟講day trade必定係跑輸大市兼蝕時間

如果你講唔岀你嘅策略係exploit緊咩 market inefficiency, 啲alpha係點嚟，就不如收手算


Q: 咁係咪月供VOO, QQQ就得？

A: 唔係，VOO同QQQ就只係美國市場，遇着美股未來10年好似2000-2010年代咁打橫行你就仆街。正確做法係買勻全球股市分散投資，咁樣成個地球收皮你先會輸


Q: 過去十年Magnificent 7升到仆街，呢啲公司又唔會執笠前景有咁好點解唔買佢地？

A: 公司前景好唔代表佢就會升，係要公司前景好過大家嘅預期先會升。Magnificent 7嘅股價一早已經反映咗大家對佢嘅憧望，佢要繼續有得升就要一直繼續打破大家嘅期望，咁你覺得有冇可能繼續連續打破多十年?

而實際上過去咁多年真正跑贏大市嘅一直都係小型價值股，超大型股只係咁啱呢十年跑贏大市


Q: 股災點算，股票一定會升？

A: 股災即係減價，坐返幾年美國佬就會搞掂。平時有三至六個月應急生活開支喺短期國債，再加啲中長期國債去hedge返股票就得

新手仲有咩問題可以睇咗呢度先。

吉咗嘅topic即係未打好

https://expensive-middle-c07.notion.site/Common-Sense-Investing-34a9b4a7dd5046e998a5b5bd2122fbd0?pvs=4

圖一，x-axis係美股大市年頭嘅P/E Ratio，y-axis 係之後五年嘅回報，每個data point係五年rolling return (eg 1881-1886, 1882-1887, etc)

你見到通常股票越貴之後嘅回報會越低，所以我先成日叫大家唔好全倉QQQ或全倉美股

但留意只係通常唔係一定(你見個correlation其實唔係咁robust)，亦冇人講過個P/E ratio一定會返去某個位，所以唔好用P/E ratio去左右你投資決定，例如去all in「平貨」，有陣時有啲嘢真係只係值嗰個價，最佳嘅做法依然係去分散投資


圖二，同圖一一樣但唔同持貨年期

你會見到持貨時間越長，正回報機率越高，回報嘅不確定性越低，同埋受P/E ratio影響越低

你個教宜家係月供緊乜？
好難跟

我個教月供啲咩唔係重點，學習投資知識先係重點

突登唔想整個”model portfolio”岀嚟俾人抄，因為每個人財務狀況、目標、知識同risk tolerance都唔同，就算我整個portfolio 岀嚟係啱你用，你睇唔明係點嚟一間股災你又嚟問我點解會輸錢，咁唔通我要為你嘅缺乏知識負責任咩。最重要都係去讀書，或者去睇下我條 pinned link

格梗要俾個大部份後生適用，目標係退休嘅portfolio 咁就3-6個月緊急開支+ 80 VT + 20 BND/VGIT

利申 其實我無乜應急資金

定其實個20%攞去買債算

隨時trade得返出嚟

跌市時又可以有額外子彈

但我long run 好怕食唔到科技股條水

一定要有足夠三至六個月生活費應急資金

找卡數，儲應急資金，醫保都應該要係你personal finance嘅頭幾步，搞掂呢啲之後先好掂股票

通常啲人都係攞應急基金去買超短期（例如三個月）美債

唔好怕咩長遠食唔到邊條水，亦都唔使太執着自己個portfolio expected return 多幾多percent, 長遠投資賺錢唔係靠呢樣嘢，靠嘅係後期錢滾錢。你股災經濟差又俾人炒撚咗，又唔夠緊急開支你就焗住賣股票，咁我話鬼知你個portfolio expected return 幾多都唔再關你事

睇完都唔知應唔應該加因子 本身淨得vti+vxus+短債

理論上係一定加，無理由唔去分散投資，實際上就視乎你對因子認識深唔深，因為加咗因子之後你嘅組合表現會偏離大市，你唔知自己點解要加因子嘅話就好大心理壓力

買因子嘅原因係
1. 單計market factor 以外嘅factor嘅話即使adjusted for beta之後仍然有超額回報
2. 投資組合入邊有唔同嘅因子有分散投資嘅作用，因為唔同嘅因子有唔同時間表現會好啲，最近例子例如22年股災，其實small cap value表現好過大市好多

唔買因子嘅原因係
1. 單計market factor 以外嘅factor多數會有更大tail end risk, max drawdown會更大
2. 投資組合入邊有唔同嘅因子雖然長遠可以跑贏大市，但個長遠可能講緊長達十幾廿年，短期內你係會偏離大市。你班牛市股神friend喺度炒科技股賺大錢嘅時候你就係隔離成個孔乙己咁係度講咩factor models

如果你係唔會中年失業嘅工種，距離預計退休仲有至少10至15年，就咁主力股票加少少債係冇問題的。

黃金/商品最多可以叫diversifier，佢地嘅expected real return 係零

圖一係每個月抽一隻股票做投資組合，長期跑輸大市嘅機會，唔同嘅線係喺唔同嘅sub set入面揀一隻股票（已經用geometric return 去計，係咪每個月抽一隻定揀死一隻長 hold其實數學上冇分別）


圖二係每個月抽1, 10, 25, 100隻股票做投資組合嘅median wealth隨時間跑輸大市嘅median wealth 幾多成（wealth即係最尾幅身家有幾多）


結論係冇做分散投資除咗輸錢都係輸錢
https://outcastbeta.com/compounding-materializes-the-importance-of-diversification/

新po LM

結論就係月供voo或者qqq真係贏到開巷
每次諗住博大霧
一大膽啲就輸到仆街
有時真係寧願相信指數

巴打咁有心寫咁大篇

仲有好多篇

Lm

Pish

想問師兄
我依家嘅portfolio係
80%VT
10% VGLT
10% AVUV

我有諗過加錢或者槓桿落去買KMLM 因為睇返你哋之前講KMLM好似可以令整個portfolio更加穩定

如果係槓桿我諗最多都係20%

你點睇？

其實你而家嘅組合都好正常，我嘅建議係喺未對 managed futures同槓桿有更深入嘅形式支持就唔好亂嚟，因為你唔知道咁做嘅缺點就貿貿然去做嘅話會導致有持貨壓力

開槓桿嘅原因係，通常最高嘅Sharpe ratio嘅組合嘅風險（預期回報）都比你想要嘅為低，所以你先要將佢槓桿到你想要嘅風險水平（預期回報）

但你槓桿嘅話就有一大堆engineering problem出現咗，例如點樣槓桿，點樣維持槓桿比例

啲數學亦都會變得更複雜，例如 volatility decay, drawdown 幾大就會 margin call

Managed futures嗰度嘅原理主要係靠一個策略去製造uncorrelated returns 去達致分散嘅效果

KMLM就用 trend, 但 trend嘅問題係只會係極端市況先賺大錢（positively skewed distribution），你睇吓而家得閒又話加息得閒又話唔加息，個 trend成日轉所以KMLM蝕緊錢。你買KMLM就要預咗平時唔係太賺到錢

咁當然唔係所有managed futures 都用trend, 不過呢啲後話

咁AVUV 係因子果類呀河？我知一般應該要好長年期先會有個明顯嘅上升 但係一般係咪講緊都要五年以上

【語重心長】投資新手或者唔想再做傻散嘅入一入嚟（2）
https://lih.kg/CedKeoX
#292 回覆 - 分享自 LIHKG 討論區

lm 每個月開一次網頁版ib 入貨 登出 下個月重複

爆埋舊post先啦

諗住舊 post留少少位等大家討論埋原本討論緊嘅嘢

正式開始槓桿，遲吓研究點樣short box spread容易啲 fill

seems you need a big portfolio to do SPX Box Spreads

我覺得嗰啲根本就唔係俾新手