[ 金聖僧上香區] 港漫綜合討論區 32

邪神被奪一目，大怒使出一將功成萬骨枯，將小蛇小鷄同基龍當波咁踢，踼到三條友仔仆街，原來之前小蛇調息過後，同小鷄沿水路去到廣埸附近，call基龍準備偷襲邪神，於是乎基龍call定老妖廢鐵同白仇準備，卒之一擊得手
邪神跳番上水，發現全身冰寒刺骨，似乎係先前吸入過多寒氣，流出嚟嘅血仲結成冰，小貓發現邪神出咗問題，於是單挑佢，周圍遊鬥，卒之被邪神踢飛，小貓於是大叫兄弟幫拖，死剩嘅六件羣邪圍住勇哥，再經一大輪老撚土對白之後，勇哥一招叱吒風雲霸凌霄，踢到六件蛋散差唔多收皮，小貓等到邪神力盡，同邪神搏招互中一腳，其他羣邪繼續圍毆，因寒氣透心，邪神準備速戰速決，使出第六式霸腿雷動山河震九州，踼到成班友差唔多收皮
另一方面，廢鐵一直唔出手等機會，卒之捉住勇哥一隻腳，邪神順勢另一隻腳重踹廢鐵，基龍乘機捉埋佢另一隻腳，勇哥想發勁震開佢地，兩條友死命唔放手，小貓終於儲到力出霹靂狂龍補刀，勇哥硬食六腳，只恨自己出唔到第七式，頭骨爆裂收皮
此時寒氣反撲，勇哥身體開始冰封，成為一具冰雕像，羅剎女叫教主一路好走，老教主一定唔會放過蛇貓門，蛇貓門今次一戰，廢鐵老妖廢柴收皮
三個月後，小蛇出現於首爾，進入一間夜總會，原來之前羅剎女話，要搵慾兒，就要搵老邪，而老邪就喺首爾
此時一個賤賤格格嘅壯漢帶住兩個手下嚟到，原來佢就係王海蛟