[ 金聖僧上香區] 港漫綜合討論區 32

媚娘想起往事，原來佢出身四川，老豆係位名醫，曾跟隨醫聖學醫六年，醫聖有三位徒弟，大徒弟就係日後嘅明鏡，二徒弟係日後嘅鬼醫，三徒弟就係媚娘老豆
醫聖發現二徒弟心術不正，於是留有一手，鬼醫亦懷恨在心，有一日，醫聖終於制成一枚九𨍭回天續命丹，鬼醫發現之後，一日乘機收師傅皮奪寶丹走人，明鏡決定千里追凶，媚娘老豆則返鄉下行醫，幾年過去，娶埋老婆生埋個女媚娘
媚娘五歲時，明鏡上門拜訪，佢已經做咗和尚，原來五年前佢終於搵到鬼醫，點知唔夠佢打，走入少林寺先保到命，索性求方丈收留，做埋和尚，學咗四年功夫先敢走出少林，此行係為尋找草藥對付鬼醫，順便探望師弟
媚娘明鏡二人一見如故，索性上契，明鏡見媚娘天資聰敏，於是介紹佢投入峨嵋學武，幾年過去，正式成為掌門入室弟子，獲授清楚心訣，再過一年，千年蔘王於南泡現世，明鏡知道鬼醫會去搶，於是出發去南泡準備收鬼醫皮
時光飛逝，媚娘十八歲，已練成清心五訣嘅第三訣，一次四川武術中，巧遇小貓老豆王伏貓
基本上龍同碎骨門主又打成七八頁，原來基龍罩門係分練於左右耳，仇千鶴插佢左耳，破咗一半罩門，於是急急運功調息，小門主見狀想補刀，點知俾基龍一野倒頭樁搞到頭骨爆裂，門主大怒，要收佢皮，基龍走入一個爛咗嘅塑像入面，門主on99跟埋入去，俾基龍一招怒佛獅吼用音波功打到門主受傷，門主心想夜長夢多，跳到老廉咁高使出金剛流星腿，基龍使出佛大手印防守，之後雙掌痛擊門主後背，點知中伏，門主硬頂大手印再使出怒碎天靈準備插基龍另一罩門右耳收佢皮