[ 金聖僧上香區] 港漫綜合討論區 32

又係打足成期：小貓因為邪神只用藍級嘅關係，毒龍鑽大破天火焚城，邪神被鑽到飛起，未死嗰五件羣邪走出廣場搏補刀，第一個係老妖，點知邪神根本損傷不大，一掌破佢攻擊，再用一招斬老妖雙臂落嚟，基龍想用沾有幾個人體液嘅離火古劍插邪神，點知根本埋唔到身，廢鐵則扶起老妖，老妖話今晚一定要收邪神皮，如果殺佢唔到，佢一定會報復响日本嘅強国人
小貓運功調息，金牛白仇唔識死去補刀，邪神兩嘢就打到兩條友訓地失去戰鬥力，小貓回完氣再攻邪神，兩條友鬥腳法，小貓先輸一招，基龍又想用劍插勇哥，勇哥閃開再一掌打基龍，可惜打完基龍又中小貓偷襲，兩條友大叫：兄弟同心，其利斷金，再攻邪神，邪神耐性有限，急速扯勳宇宙之氣，運上白級準備收佢兩條友皮，戰鬥再起，邪神霸腿踢開基龍，再同小貓鬥腿法，小貓先勝一招，再陰濕喵住之前邪神左腰俾基龍插傷嘅傷口踼，邪神居然被震退
邪神再吸宇宙能量，連周圍冰雪之氣都吸埋，所以唔能夠用火雲掌，基龍用耳機同老妖廢鐵講戰略，小貓邪神又再互踢，小貓被震上半空，基龍又再偷襲，俾邪神當人球咁踢，老妖突然發難，用腳鎖勇哥右腳，邪神左腳踢落老妖頭，響起骨裂聲，廢鐵攻向邪神又被震飛撞向白仇，基龍唔知第幾次偷襲，沾有金羅漢啲屎嘅離火古劍插入勇哥膊頭，邪神大怒還擊踢飛基龍，老妖俾邪神踼頭，當場收皮，其他人係咁意留咗少少眼淚，基龍又再進攻，勇哥以為基龍罩門响咽喉，一腳釘落去，點知佢另有罩門，乘機緊鎖勇哥右腳，仲拉佢落水池，此時小鷄小蛇响池底出現，小蛇用蛇貓門絕招，用棒插中邪神右眼