[ 金聖僧上香區] 港漫綜合討論區 32

劍魔重傷原來係同一個神秘用劍高手格劍所致，兩個人兩敗俱傷，明鏡叫劍魔留響明鏡宮休養三個月，劍魔休養期間見到媚娘就鍾意咗佢，明鏡叫佢小心，因為劍魔唔係善男信女，劍魔於白蓮教地位只在日月雙使之下，原因上代白蓮教主死咗之後，無忌無敵爭位，無敵處決上代月聖使，得位後，月聖使之位由劍魔冰魔爭奪，本來劍魔由最後絕招可以打敗冰魔，不過無敵宣佈冰魔接任月聖使
劍魔不甘心請辭，聖上以紫電神功同紫電劍法挽留之，劍魔從此心悅誠服，劍魔媚娘相處下來，無所不談，提及自己父親係劍神同埋有個阿哥劍痴，兩人對家傳劍法內功見解不同，所以唔多啱牙，劍神病逝，兩兄弟各自闖蕩，分別贏得劍痴劍魔稱號，終於兩人試劍，最後劍痴以一招得勝
後來劍魔加入白蓮，苦練紫電神功同劍法，練到第五重，劍魔再次決戰劍痴，今次不分勝負
媚娘見劍魔劍法高強，諗住收佢做兵，照實同佢講佢已經係人妻同有個仔，劍魔表示若果王伏貓死咗，佢唔介意執二攤，媚娘不致可否，埋下禍根
日聖使原來同劍魔係老友，媚娘得知江湖姦殺令，叫劍魔要保住小貓，日聖使同劍魔商量點樣對付蛇貓門，劍魔用手上收藏嘅七星寶刀請刀痴幫手，上次小蛇到韓國，就係日聖使通知劍魔去搶人，由刀痴對付三叔，再由媚娘救走小蛇
鬼將軍發現基龍暗中調息，反面要捉佢攞奬金，基龍閃開，跟手白無常接手，可惜唔夠打，黑無常加入幫手，最後黑白無常兩人用纒鎖捉住基龍，要將佢分屍