[ 金聖僧上香區] 港漫綜合討論區 32

今期首先介紹白蓮教鬼將軍，原來佢係月聖使個女，內功為陰世奇經當中嘅內功「三界」，招式為陰世幻腿同陰世魅爪
基龍收到短片，見自己老豆俾不知名人仕打到爆缸，谷次郎叫手下查吓短片係咪AI製作同電話來自何處，但係因時間太短，只能查到電話來自日本，蛇貓門隨即開大會，基龍提到佢老豆係因為去福建幫手打碎骨門主，所以失蹤，聽到碎骨門主個名，白仇大吃一驚，隨即道出佢乃少林逆徒，因犯淫戒被逐出師門，自立門戶建立一碎骨門，之後被五個武林門派聯手圍剿，但仇千鶴以一敵數十大獲全勝，從此響朵同埋擴張版圖，佢武功為易筋經藍級同大力金剛指，為一強大敵人
此時基龍電話再傳來短片，佢老豆俾人打到死狗咁，一個神秘人要基龍今晚半夜十二點一個人去富士急樂園，蛇貓羣邪諗計應對
好快到半夜，谷次郎派車隊送基龍去富士急，其他羣邪仍然留响醫院，車隊原來已經被無人機監視，醫院亦都有無人機監察，原來幕後黑手係之前死唔去嘅蛇煞星，終於到十二點，基龍單拖去到富士急，準備救老豆
韓國方面，小蛇雖然擊退海蛟，但冰勁不斷鑽入腦門，海蛟見大家親戚一場，叫小蛇投降，小蛇唔領情，仲大駡海蛟勾大嫂，海蛟反串小蛇老豆五老貓，見媚娘就淫性大發，拋妻棄子，反而擊中小蛇心𥚃矛盾，戰況再起因小蛇冰勁入腦嚴重，終於到依家先醒起可以用金童寶典化解，卒之打番高半班，乘機用蛇貓門大絕，一棒狂戳海蛟之前受傷嘅右耳