[ 金聖僧上香區] 港漫綜合討論區 32

王老貓自幼醉心武學，毒撚一條唔想媾女，不過後來經親友介紹，娶咗一個由香港嚟嘅女仔，仲同佢落香港開館授徒維生，點知娶到個爛賭婆，老貓只能啞忍
婚後五年，大仔出世，取名小蛇，老貓終於頂唔住，要間唔中返鄉下減壓，一次與武林同道聚會，老貓死鬼老豆嘅朋友，請老貓代表佢間武館出席四川武術大會，於冠軍戰上，遇到峨嵋男弟子曹猛，被老貓二三下就搞惦，而女子組亦由媚娘奪冠，但因之前老貓打敗曹猛時串柒柒，媚娘同佢講，以後有機會，要老貓試吓佢真功夫
老貓成功奪冠，原想功成身退，不過老館主希望佢接手拳館，而佢一身舊患，乃係霹靂館練非凡所為，而佢亦都係曹猛師傅，之前嚟踢館搶走老舘主弟子，今次拳館奪冠，練非凡一定會再嚟搶人
老貓接手拳館，乘機可以唔返香港對住爛賭婆同小蛇，心想亦都係好事，一日練非凡終於踢館，老貓應戰，用內力震碎非凡雙手骨骼，仲震飛佢出門外，令佢冇哂面子
非凡向媚娘求助，因上次武術大會已經對老貓印象唔好，於是答應相助，媚娘帶劍踢館，老貓無奈應戰，處處留手，媚娘最後插中老貓，可幸唔係要害，再人不打不相識，媚娘用自己所學醫術照顧老貓，相處之下兩人日久生情
基龍千鈞一髮避過碎罩一指，不過之後被碎骨門主當狗咁狂踢，之後只有不斷遊鬥，飛啲雜物引門主出招，之後再擲五惡被門主踢死，再擲三惡過去被門主一爪抓住，而基龍成功引開佢注意力，質番門主兩拳，打到門主飛出屋外，可惜基龍只係佔得一陣上風，又再俾金剛腿踢到PK，兩人各自有傷，先調息回氣，門主回氣之後出殺招魔骨碎嶽裂九霄，基龍則以醉羅漢應付，最後雙方埋身肉搏，基龍揸門主咽喉，門主則抓住基龍個頭，仲一腳撞斷基龍左臂，今次基龍大檸樂