[ 金聖僧上香區] 港漫綜合討論區 32

羅剎教一夜收皮，蛇貓羣邪因為有谷次郎照，所以可以去軍部醫院養傷，日本黑幫版圖亦重新建立＇一日，羅剎女相約小蛇見面，告知慾兒同老邪去咗南韓嘅情報，三個月後，小蛇迫於無奈搵王海蛟求助，兩人見面，王海蛟串到小蛇無地自容，小蛇為慾兒，唯有死忍，王海蛟話要佢幫手，先要過佢手下黑白雙煞一關，小蛇唯有應戰，此擧旨在試出小蛇武功高低
原來老邪委托白蓮教對付蛇貓門，白蓮教發出江湖姦殺令要買起蛇貓門六條友，諗住若果手下兩條友可以搞搞正小蛇，就一千萬美金落袋，點知兩條友俾小蛇當沙包咁打，其間小蛇運起降龍伏虎氣，令王海蛟怒火大盛，亦想起前事
當年王海蛟NTR大嫂，事發被王降龍知道，被佢破咗十二正經，廢其武功，王降龍之後決定雲遊四海，王海蛟則因為知道王伏虎返繁嚟，帶大嫂同年幼嘅王風濕遠赴韓國，幾年過去，大嫂操勞過度死咗，王海蛟決定要復功報仇
王降龍四兄弟個老豆，王嶽淵自創降龍伏虎氣同十八腿，十八掌，自感已到極限，外出雲遊求突破，將龍虎堂交由四兄弟打理，伏虎原來又係同大佬唔啱牙，於是離開，飛鷹亦都離家闖蕩，王降龍只有盡力指導小蛇小貓兩兄弟
王海蛟要報仇，就搵到一間武館投靠，武館名螳螂道，館主脾氣暴躁，不時搵海蛟打佢一身發洩，一次館主外遊，海蛟偷入書房搵到一本冰火錄嘅書，書內乃內功心法，但內功行奇經八脈，正適合海蛟練，經過苦練終於功成
回到現在，小蛇打到黑白雙煞仆街，王海蛟話欣賞小蛇千里救女，不過要知道江湖姦殺令黑手係邊個，就要過佢呢關，兩人交手數回合，小蛇一招雲龍破嶺先勝一局

洗白埋王海蛟

老邪委托白蓮？龍虎門係香港第一邪派，同韓國應該冇挐冇掕 (冇啦冇能)。咁白蓮肯接既原因係錢？老邪出好多錢去買起群邪？老邪自己唔去搞要畀錢人搞？我係白蓮我會搞老笠老邪攞埋啲錢仲易搞。