【轉台開故】初戀女友結婚前的一場鴻門宴

「代表我根本唔知你講緊乜。」她繼續埋頭她的功課。




如果不是唯一跟女生比較熟的是她，我才不會問她。




「我係話，如果個女仔鍾意個男仔，會唔會叫佢努力咁追另一個？」




「你講張彩悠，F.6個師姐？」




「係呀.............吓！妳點知架！？」




「盲嘅都知你鍾意佢啦。」




「有咁明顯咩？」




「哼，想溝校花呀？無乜可能啵，但拜我師或者可以嘅。」




「拜妳？妳實唔會咁好死啦。」




「係呀，如果你幫我補中文，我咪教你一兩招囉。」程詩柔露出滿意的笑容。




「補妳個頭。」




「OK，咁你自己追啦。唔好問我女仔嘅心理啵。」




我重新仔細思考過，如果她真的能幫我追到張彩悠，那麼有一點報酬也是應該的吧？






我就知道這是一個無間地獄。

喜歡畫畫，是因為我能親手將喜愛的人，她最美的一刻記錄下來。

原名留名

轉台留名 gay廉可唔可以唔sad end

咦巴打重新貼過？

在此事不久之後，其實我已經取得張彩悠的電話。




可是，我們之間仍未去到叫熟絡的關係，談電話很奇怪吧？




而我又不是一個很會說話的人，要聊什麼對我來說是一件難事，結果電話號碼得到了，卻從未打出過。




而Msn.....她好像很少玩msn，回家都會溫書。




薯條說我是暴殄天物。




「你知唔知，你咁樣等同叫咗一碟上乘嘅龍蝦伊麵，然後擺係度唔食？」




「可唔可以用另一個比喻，我唔鍾意食龍蝦伊麵。」




薯條的確可以笑我，因為他的進展良好。




我只是喜歡.....慢一點。




「阿鹿，你又話出黎幫我補習嘅？你仲訓緊呀！？」


在早晨九時多，我已經被程詩柔的電話吵醒。


「程大小姐，假期都可以訓多陣掛。」我迷迷糊糊地回答。


「你又話會幫我補習。」


「咁你都無講邊日幾點。」


「而家囉，你嚟我屋企樓下間M記啦。」她說得真理直氣壯。


名副其實的大小姐，一個電話就要隨傳隨到。




我打電話給薯條求救：「救我呀！」


我梳洗過後，就馬上出門，結果還是要一個小時後才和薯條一起到。


那時，她已經坐在麥當勞不耐煩。

就黎同步啦gay廉加油

多謝你巴打

gay廉
我地再一齊尋找化糞池入面個督屎啦

咦巴打重新貼過？

新開台 點都應該貼哂佢

「嘩詩柔，我一直都話妳著短裙係好睇，隻腳靚到。」薯條說。




他看見程詩柔穿白色短裙則開動厹模式。


「唔好再耐啲。你地買野食。」她直接無視他。




「阿鹿買野食。」我正打算將波拋給他時......可惡，比他快我一步。


「係係係。」


「雙層芝士孖堡走青瓜、薯條走鹽、汽水走冰。」


「唔好走哂成個餐。」我輕聲地說。


「你講咩呀？」


「無無無，我話妳正呀，咁識走野。」


到開始補習時，薯條在打機，我則要面對大小姐。雖然我語文水平不高，但也能發現她的中文真的很爛。



而且詞彙的貧乏程度讓人震驚。




「咩叫完璧歸趙？」




「妳唔知咩叫完璧歸趙！？」




「係關龜事？」



她面對她不懂的東西時，會情急地說：「喂等陣先，我唔識呀唔識呀。」


一副忙亂的樣子。


有點讓人覺得，雖然她野蠻，卻也是有可愛一面。


「望咩啫，哩個又點解呀？」


好吧，當我沒有說過。


補到下午左右，不經不覺已過了幾個小時。




「今日嚟到哩度啦好嘛。」我疲勞不堪地叫投降。

「好算你啦。」




「咁我係咪問得架啦？」




「問咩呀？」




我把我跟張彩悠的情況，詳詳細細地講一次給她聽。




途中，薯條插嘴說我已有她的電話，但不敢打過去。




「嘩咁你真係好浪費碟龍蝦伊麵。」




「都話我唔鍾意龍蝦伊麵。」為什麼全世界都非用這個比喻不可？




我繼續問：「憑妳都似女仔嘅經驗，妳覺得佢鍾唔鍾意我？」




「咩叫似女仔？」她怒視我，並打了我一拳。




「想知咪約佢出街囉，通常一出街就知得唔得？」




「咁我應該聖誕節約佢？聖誕氣氛好似好啲。」




我本來就打算在當日表白。




「廢話。」




「咁應該點約？」




「如果有心，你點約會都會同你出去。無心，點約都唔得閒嘅。」




「學到野學到野！」薯條在一旁抄筆記。




她說得好像又挺有道理。




「我想問多一個問題。」




「同埋女仔鍾意男仔著咩衫架？」




她嘆一口氣，拉著我就走，完全把薯條撇下。




她拖我到商場，逛遍一間一間的店舖，然後將一件又一件衣服放在我身上試，不斷搖頭說：「哩件唔得。」、「你唔岩哩啲。」、「咦好似幾好。」




「我地都睇咗咁多間，仲睇呀？」我問。




平常我買衣服都一間店舖就包辦所有。




「咁你而家睇唔睇呀？」




「睇....」




最後，她把我整個形象都換掉，由T-SHIRT長褲變成襯衣冷衫的斯文書生型。




不得不說，程詩柔的品味其實挺到位。




我手上的購物袋多達數十袋。




「照返我今日咁襯畀你，包佢一定鍾意。」她說。




「真？」




「幾時有呃過你。」




「喂，程詩柔。」




「嗯？」




「今日多謝妳。」




「唔好同我講哩啲，好噁心。」她揮揮手就走了。

新post留名

「你望夠未？」老媽子問我。




「咩啫。」




「你望住個電話成粒鐘佢都唔會變舊金出嚟架啵。」




我是在想，到底打不打電話給張彩悠。




早在三十分鐘前，我已拿出她的電話號，甚至已經倒背如流，可是卻沒有勇氣…..




但拿了不打，我拿來幹什麼？




下定決心，拿起電話就打。




死就死啦。




輸入八個位的電話號碼，好像輸入核爆器一樣困難。




「嘟……」平平無奇的電話接駁聲，卻讓我心跳加速千百里。




「喂？」一把女聲，但肯定不是張彩悠。




因為她說廣東話有點歪音。




「喂……我想搵……張彩悠。」




「你搵小姐？你等等。」




過了不久，我期待已久的聲音終於出現。




「喂？」為什麼連喂一聲也那麼好聽。




「喂......張彩悠？我係阿鹿。」




「阿鹿，搵我有事？」




「無呀我想問你鍾意唔鍾意食龍蝦伊麵？」




「麻麻地啦。」




「果然......」

gay廉，我過左黎啦，你去到邊都痴住你，hehe

「哈哈你打嚟就係想問哩樣？」




「唔係呀，我想問妳做哂功課未？」




「未呀，我仲做緊數學。」




「好，咁我問你一條數學問題。」




「乜野？」




「農場有七隻牛、八隻羊、五隻雞、四隻鴨同埋五隻豬，之後大火，走失咗五隻牛、三隻羊同四隻雞、三隻鴨同五隻豬，農夫最後只係搵返五隻牛、三隻羊、四隻雞、三隻鴨同四隻豬，點解呢？」




「因為仲有隻燒死咗？」




「錯！」




「咁係點解呀？」




「因為仲有一隻返咗屋企，而家同我傾緊計。」




「喂！你就係豬！」




「豬話緊邊個？」




「豬話緊你！」




「咁你認你係豬就最好啦。」




「我邊度有認過呀？」




「你咪話有隻豬話緊我囉，咁咪係你囉。」




「哈哈，我無諗過原來你咁煩。」




那次是我們第一次談電話，聊了一個小時左右。

妳喜歡食龍蝦伊麵嗎？
不喜歡。

秋天涼風颼颼而吹，枯葉遍地，好像告訴人冬天已來臨。




臨近考試，大家都忙著溫書。




「做咩唔笑呀？一臉愁樣咁係度畫書。」薯條把我的數學書抽起。




「拎返嚟啦。」我奪回他手中的書。


「又係度畫人？」


「唔係囉，繼上一次傾完計後，我仲未夠膽約佢。」



「你唔係諗住女仔會主動呀？」


「咁你話我應該點？」


「主動出擊啦。」


「可以點主動出擊呀？」


「女仔鍾意人地幫佢解決難題，咁佢就會覺得你好勁好多謝你，自然你約佢機率都大咗。」


「所以呢？」


「所以你咪應該幫佢解決難題囉！」


「但佢係中六，我係中五，佢唔識嗰啲野我都唔識架啵。」


「唔係哩啲呀，係日常生活一啲小問題。」


日常生活？


聽畢薯條這番說話，我恍然大悟。

嘩！等到你啦！！幾驚睇到一半無得睇

對於這個年紀沒有經驗的男生，是容易受騙。


多年後回想過來，我要提醒一句，永遠小心你身邊的朋友。




中六的課室在學校新翼的最頂層，最角落的位置，好像隱世的地方，當中的心思大概是校方想他們專心溫書。



小息時，我小心翼翼地行近，我也從來未去過中六的班房。




心想著如一會撞到張彩悠該說什麼好。




趕緊照一照鏡，幸好頭髮沒有亂。




走到中六的班房，我緊張兮兮地從門口望進去，安靜得，午休時仍然大部分人都在溫習。




掃一眼，她好像不在。




你也知道，一個陌生人出現在別的班是很明顯。




一個坐近門口的男生問我：「搵邊個？」




「我想問.....張彩悠係唔係度？」




「佢？佢出咗去啵。」




「咁佢會幾時返？」




「可能去咗買野食，一陣就會返。」




我正想轉身走時，剛好在走廊遇上回來的張彩悠，手中滿是習作簿。




「呃，阿鹿。」



「咦，妳拎簿呀？我幫妳呀。」


「我自已得啦，都唔重。」


「唔係嘅，畀我幫妳啦。」我搶過她手上的簿。


「我幫妳幫門。」我又搶先她一步幫她打開課室的門。


「你今日做咩咁奇怪嘅？」


「幫妳嘛。」


「原來你咁鍾意幫人。但哩啲真係我做得啦。」


「喔.....」


「你係咪唔幫人會唔舒服？」


「下？」


「咁你可唔可以借本中文書畀我？」

gay廉，我過左黎啦，你去到邊都痴住你，hehe

歡迎 但我唔是gay

嘩！等到你啦！！幾驚睇到一半無得睇

點會呢

「但我嗰本係中五啵？」




「係我作緊文，但唔記得咗庖丁解牛課文，想重溫一下。」


說到這裡，我當然極速九秒九跑回課室拿中文書給她。


一想到張彩悠用我的書，就有莫名其妙的雀躍。


「頭先做咩你？」薯條問。


「借書畀人。」


「借畀邊個？」


「張‧彩‧悠。」我自豪地說。


「但你啲書唔係勁多你啲畫咩？」


啊對呀！不是薯條提醒我，我都我所有書都是畫滿她的背影。


怎麼辦？如果讓她看見了怎算？


如果她以為我向她表白怎麼辦？


她會不會當我是變態？




希望她看不到那一頁。


可是那一頁是頭版，怎可能會翻不到。


我整堂課的忐忑不安。


直到下課，張彩悠送回課本。


「唔該哂你。」她仍是笑臉迎人。


「喔......」


她好像沒有事。


會不會她根本沒有看到。


我趕緊翻開書本，有一行小字在其中。


「好漂亮喔，到底你在暗戀哪個女孩？」

到底你在暗戀哪個女孩？

支持
其實寫故巴打轉晒黎呢到先post文都拉好多人黎

其實我從來未見過劉嘉彤，但在薯條的形容下，我大概知道她是一個斯文又小膽的女生。




對，還有戴眼鏡。




「哩個都唔係重點。」




「咁重點係咩？」




「重點係佢身材好好。」




「......」




捨到她的錢包，薯條當然不會放過這美好的（對相劉嘉彤則是惡夢）機會。


交回學校的辦事處？NO，這樣就不能接觸她。




他決定親自到她的學校。




那天，他翹了一整日課，為要趕在劉嘉彤放學前，在校門捕捉她。




「如果佢嗰日七點先走呢？」




「等到七點！」




如果剛好那天她沒有上學就好笑。




「劉嘉彤！」在經過千百過身影之後，終於他等到了。




可惜呀，連天都不幫你。




「你點解會係度.....？」她樣子顯然是受到驚嚇。




怎麼幾千次，還是遇上這個變態佬。

「妳唔要銀包啦？」




他揮一揮手上的錢包。




她趕忙上前，想拿回屬於自己的錢包。




薯條卻突然一個縮手，讓她撲了個空。




「唔多謝我架？」




「吓？」




「我千辛萬苦拎過嚟架！」




「咁咁......咁你想點....？」




薯條臉上露出淫邪的笑容。




「畀我.......半個鐘。」




半小時。




薯條的家是開生果店的，從小他就要幫家人看店舖。




看店舖是一件悶得要命的事，我明白，因為他曾拉著我與他一起看店，我差點想跟他絕交。




所以他惟一的樂趣就是玩拖生果貨物的那塊板車。




玩著玩著，他變成玩滑板的少年。能在滑板造出高難度的翻板。




我不明白也怎樣做到，我連站上去平衡也辦不到。




總之他很厲害就是。




他就是帶著劉嘉彤玩滑板。




在她面前表演一翻。




「嘩，原來你咁勁架？」劉嘉彤驚訝地問。




「妳都可以架。」他話畢已經把她抱上滑板。




「嘩我我我唔得架.....嘩嘩呀！！」




她一邊尖叫，但薯條的手始終扶著她。




我說，這是他把妹的技巧。




他說，廢話。

給我半小時，我能把我的世界帶給妳看。

凍gay廉
舊post都有留名，但新地方改咗新名

Hello 新開始啦當係