情緒病［抑鬱/焦慮/躁鬱/思覺失調/其他］圍爐區（19）

所以我家陣就睇下會唔會好似上次咁, 自動康復
因為上次我都懷疑自己係有強迫思維, 但又一直唔敢去睇醫生
結果拖拖下, 拖左一年左右, 就慢慢無事, 變返正常
我都覺得好神奇

https://lihkg.com/thread/20039/page/6
話說我搵返八年前既post
八年前當時我回post果陣只係過左半年, 仲未好返
所以都有上網求助, 但是再過多大半年就慢慢無事

強迫症係會有高低起伏期...
我都試過個病沉左幾年...
可能有段時間情況係好啲
但日後一旦遇到壓力就好易爆返出黎....
如果你本身係完美主義更加容易爆...

我兩次都係睇左 血腥片段 然後爆出來

第一次2016年, 當時上網睇左一段血腥片 , 跟住個腦就一直諗住D 畫面, 揮之不去咁, 然後一直係個腦loop左成年, 大約2017年年中左右 跟住先慢慢無事, 然後一直無乜問題

跟住前一個半月, 我又睇左一段血腥片, 跟住又中招, 變返2016年既情況咁, 不過今次好似無咁嚴重, 起碼有時候會無諗住, 但隔一陣又會諗起咁

最慘係我都唔知自己幾時會中招
因為有時我睇 恐懼鬥室, 又係好血腥 / 俄烏戰爭 成個士兵炸到斷手斷腳 ,真人真事之類, 我都無事, 睇完好快忘記..........
但我睇左一段 電影cut出來既畫面, 又係斬手斬腳
明明係假野, 但我就中左招, 個腦一直諗住, 揮之不去

總之家陣我唔敢再睇血腥野
睇幾十秒血腥畫面, 跟住又中招, 後悔一年, 真係好唔抵

睇醫生啦......

想試腦康素,問醫生會唔會俾(處方)？(我本身有adhd+抑鬱,有睇開醫生) 我記野好差

其實我唔敢睇醫生, 唔係因為無錢, 如果一個月三千蚊左右, 我都負擔得起
因為我份人無乜娛樂, 平時D錢都係食飯, 搭車返工要用
主要原因係我好難同身邊既人開口
因為如果身邊既人聽到你要睇 精神科醫生, 一定唔理解你
身邊既人 一定覺得係你廢, 你意志力唔夠堅持, 又可能會覺得你係痴線佬, 遠離你
所以我先唔敢去睇

不過你真係講中左一樣, 我最驚就係「聯想」
有時一諗起個畫面,就會越諗越恐怖
就好似我睇到 電影斬手斬腳既畫面, 跟住就會聯想自己就是電影入面既受害者, 被人斬手斬腳咁, 跟住越諗越驚
我諗我地真係同一個病症

不過我都係想暫時觀察一下先, 因為我目前發生呢種情況都只係一個半月左右
因為2016年果次, 我都係捱左一年幾, 最後自己突然好返
https://lihkg.com/thread/20039/page/6
我都係前一日搵返8年前既post, 原來8年前果陣我都上網呻過

所以我等多一段時間睇下會唔會好似2016年果陣咁 , 自動好返, 咁就最好啦

其實好就好在唔影響工作先
因為我做緊野果陣, 有時候畫面出現, 但因為我做緊野, 所以我會自動唔理佢住, 有時候工作果陣會自動轉移左思想, 變到腦入面得工作, 唔諗起呢D恐怖畫面
不過有時候一停止工作, 例如 食飯, 搭車, 訓係張床未訓教前, 就會耐唔耐諗起呢類畫面咁

至於你問我係唔係尋根究底/完美主義者
其實我又唔算係, 我有時做野都係求求其其就算
我覺得我被恐怖畫面嚇親, 可能只係單純我太細膽掛
可能是恐怖畫面 激起我既恐懼先會咁
因為正如我上面所講, 有時候睇 真實血腥畫面就無事 (例如俄烏戰爭, 士兵被炸到斷手斷腳, 我無事, 但睇電影血腥畫面明知係假野都出事)
反正我家陣唯有盡量唔睇算

如果巴打你同我上次一樣, 都係慢慢無事, 咁真係好好彩

藥房有賣，我覺得當supplement

轉睇政府已經慳一大筆錢啦

係呀，但想拎埋白卡津貼

好麻煩，要睇一段時間公立先可以拎

有錢拎但要食d藥食壞腦
代價好大

都食咗十年，預咗食成世

食十年有咩影響？

可以試下叫醫生開 我都有食緊

Seroxat美國就醫焦慮為主？好似係血清素之中 對血清素作用最強 fluoxetine就係第一隻血清素 所以數據會多啲？佢好似除左影響血清素 仲有啲腎上腺素作用同多巴胺作用 比較雜啲

但呢啲都好講個人體質去夾隻藥 兩隻都係標準既抗抑鬱 抗焦慮藥

應該位位醫生都有唔同意見
政府果位醫生話兩隻藥差唔多....

係呀 其實都會食過先知效果 通常食過3隻或以上血清素都無用 醫生會用非主流抗抑鬱藥 又或者再加輕量抗精神病藥

講開強迫症 見Reddit有啲人話血清素加啲memantine對頑固強迫有啲用

有睇開就有？定要佢地眼中既嚴重先批？

好多，口乾、嗜睡、頭暈頭痛、全身攰、腦轉數變慢...
最令我難受係記憶力差咗好多，好似老人痴呆咁
例如同屋企人去旅行，返到香港我可以一個景點都唔記得，要睇返相先參與到討論、同朋友出街講返以前阿邊個邊個點，又係完全唔記得

呢隻藥第一次聽
好似唔係精神科藥...