情緒病［抑鬱/焦慮/躁鬱/思覺失調/其他］圍爐區（19）

精神及情緒支援。No scam
Group link: https://t.me/+B0ypljIJGPExODhl

嘩, 唔好放棄 ar, 你有情緒病 ？ 屋企人咁樣傷害都唔細, 但有冇朋友或信得過既人傾下, 係度呻或搵 d 輔導呻都好, 咁就走左, 好浪費, 你亦都有好多同路人有相似遭遇, 仲有好多野等住你

同埋發生左咩事, 係唔係真實, 唔好諗多左, 頂唔順唔好死頂, 真係有情緒病, 難避免要食藥

本來自己係醫院做，見過唔少精神病患者
完全無諗過有原來抑鬱其實一直俏俏地植入左係我心入面

我好記得好多年前，有一個同事話我「可唔可以唔好成日黑口黑面好似想殺人咁嘅面口」
自己其實一直都知到三日唔埋兩日就係咁嘅面口對人
但我無覺得自己有情緒問題，只係認為人生不如意事十常八九 壞時刻總會過去
我又好記得同一個同事同我講左一句說話「嘩！你呢幾日做乜好似好開心咁」
嗰幾日因為暴雪公司終於肯推出返魔獸世界呢隻online嘅vanila版本，我玩得好開心，嗰次係我最後一次對開心呢個感覺嘅記憶，亦係最後一次俾人話我開心，check返已經係2019年8月嘅事

我好一段時間都一直想搵一樣野去填補自己內心嘅裂痕
但到頭來我發現一樣令我感到懼怕嘅事實
「世上並唔係無野可以令我開心
只係我失去左開心嘅能力」
如果有睇過《玩轉腦朋友》
我嘅呀樂離開左我嘅control panel
消失得無影無蹤

放唔低一個執着，再過幾年，又有另一個執着，再過一陣又有另一個執着
一個疊一個 自己都唔察覺
到最近幾個月終於察覺自己極度焦慮加抑鬱

壓跨駱駝嘅最後一根稻草出現之後
我意識到自己問題嘅嚴重性

曾經係細細個聽啲人講「有勇氣去死竟然無勇氣去生存」
有似好有道理，咁高跳落去都唔驚，生活落去又有咩好驚
中學畢業之後亦知道有一位舊同學上吊死左
當時我唔明點解佢要咁做

人大左我慢慢發現，原來有時候，對某啲人來講
生存下去所需要嘅勇氣，原來比死更加多
有時候 唔係唔想行落去
而係當你搵唔到一個出口嘅時候
死亡好自然成為你唯一嘅出路
嗰位同學當時可能？就係咁諗？

睇到呢度多謝你
如果你係同我一樣，想同你講聲
你並不孤單

如果你無情緒問題/你身邊嘅人有情緒問題
而你都睇到呢度，我更加多謝你
但請唔好同情緒病患者講「加油」「正面」「積極」
唔係佢唔想，而係根本做唔到
更甚可能係明明有試過而失敗，明明自己好努力地爭紮，到頭來卻換來一句「你唔夠努力」
嗰種灰心係筆墨難以形容
陪伴可能已經係最好嘅支持

你係邊種情緒病, 病發個時我會 loop 死走唔返出去, 所以我覺得唔係自己諗唔通唔肯去接受或改變, 原因係因為病, 要注意下有冇改左令病唔好既壞習慣, 只好接受自己有病而剋服到去戒壞習慣, 雖然唔易, 但自己要幫自己, 但我好多時都飲返咖啡奶茶, 同玩到好夜唔夠瞓, 導致病發, 真係好睇自己決定, 但係病發時身不由己, 要同肯幫自己既人分享, 有人支持自己都好重要

請問而家有冇人online

我想自殺

當比個樹窿比我講下野，做人真係好辛苦架。唔係話你想開心就開心。十幾年抑鬱症，醫極都醫唔好。我願望好簡單啫，想一晚訓早光，但點解都咁難。訓到都要重複嘅惡夢，日日如是。就算有錢咁又點，啲興趣無辦法提起，我好想寫返書，但係咩字都load 唔到一片空白。全身一直好痛，真係好痛，痛到捱唔到落去。家人朋友成日覺得，keep going la, 都咁多年咯，佢地一啲都唔了解我嘅感受。我真係好倦啦。。。好似個人透唔到氣咁，試問又有何解脫

其實點降大家都建議唔好自殺，但係又冇人答到生存既目的係咩
其實點建唔可以死？出世冇得揀，點解死唔可以揀，生存已經好辛苦

MADD到全身麻痺 震哂 返唔到工

如果唔係咩症, 已身體壞晒, 都堅持住吧, 我既理由係本身唔想死, 雖然唔係後生, 但仲有好多野想試, 想知明天係點, 唔放棄都係一份勇氣, 以本身既能力去幫其他有需要既人, 我相信每日最後都有份成績表, 一生做過 d 咩, 好事壞事, 相信會有知道結果既一天

今日要返工？ 如返唔到都冇辦法, 冇得勉強, 好焦慮？
瞓唔瞓到覺？ 唔使驚, 大把同路人

不了，我受夠了，其實人生係需要理由去訓醒每朝睜大眼，而唔係起身食柯訓咁就一日

堅持有咩用先？對生活冇左團火就冇左架喇

你係經常抑鬱定係現實生活中發生左咩事未解決到 ？
應該有野想做但未做到, 而家係唔係病發中
有冇可能分享下, 睇下有咩可以幫到你
生命只有一次, 不要放棄吧

我係焦慮+少少抑鬱
發作嗰陣會木口木面 唔想同任何人講野
心口會有一舊野屈住屈住咁 又唔係抖唔到氣 總之就有舊野係心口抑壓住咁 釋放唔到出黎
我自己就去睇臨床心理學家
睇書
介紹三本書

新工返左一陣，個人好焦慮強迫，睇一份文件都理解唔到，空白咗，又成日重覆檢查，好病態。聽日要返工，前兩晚開始心慌