9成按揭/高成數討論 - 29

一手居屋銀行係咪無咩可能會唔批？除左破緊產／債務重組緊果啲

睇税單 / 6個月收入
有冇糧單？

我銀行要簽一份，果陣律師樓已經收到銀行文件。
之後上律師樓簽多一份，連埋交尾數同一日。

仲係P-1.75%

咁大約幾時要上律師樓簽，我律師樓覆我話成交前簽就得

銀行戶口入數紀錄等唔等於糧單
公司出信應該難啲，因為有時唔係同一間公司

Thanks~ 咁依家都係等成交前上去簽 冇其他嘢搞？

幾年前申請過百分百擔保個人特惠貸款計劃，想問對做按揭會唔會有影響的？

新手一問
本人同女友加埋月入5萬左右，佢啱啱入職新公司3個月，我就喺一間公司做左好一段時間，講問佢申唔申請到按揭，因為我諗住加埋佢個名一齊申請。
第2，當我借500萬買650萬樓，還30年，月供係咪23000左右，咁我同佢加埋人工5萬，供樓23000+管理費+差餉+水電煤，都差唔多27000，得返23000左右俾2-3個人用（如果計埋bb)，其實夠唔夠駛，我幾個同事都話2-3人家庭都係用萬幾蚊，係咪得？
第3，做過下功課，上網睇話網上估完價就可以去搵aa買樓，當然在budget 內，然後簽臨約俾細訂，之後先搵銀行申請按揭，定係睇完樓就直接上門搵銀行估價加問申唔申請到按揭先去搵aa簽臨約俾細訂呢

你自己申請，供款唔可以過月入一半。
唔好計漏，印花稅+AA佣金+律師費，total要20萬++++，仲有裝修。
搵銀行估左價先係穩定，網上reference only, 有啲事反映唔到。
依家係買家市，除非特別原因，應該最急係AA。
問下按揭detail再諗。
管理費+差餉+水電煤 $4000搞唔掂。

供款唔過月入一半就得
夠唔夠錢洗係你個人習慣問題
你自己調節到就得

23K 3 個人會掹掹緊
BB 越大洗錢越多
Playgroup, 興趣班, 補習班……..

要睇返你女朋友係咪大公司/政府工，係嘅話3個月都ok. 因為我嗰陣只係比到兩個月糧單都申請到

好大壓力
而且會降低生活質素
買平啲好過

羨慕佢地個個負資產？

幾多先夠，我同事個個月入同我差唔多，又工人又小朋友又供樓。。

我唔介意慳d，最多去少d旅行，我其實仲有bonus around 10萬度，可以用黎旁身
或者我供幾錢一個月先最好，當然我同我女友一齊供。。

管理費+差餉+水電煤 $5000？當500呎實呎管理費2000咩都夠啦？

我同事都係，但人地層樓有父幹比一半，加車又老豆送，bb錢又外家出
佢份糧就自己洗自己身上，你咪覺得佢好輕鬆

差餉無哂減免，睇你咩區，都好撚貴架