睇返22年一月嘅日內瓦談判咁僵其實就預咗肯定會打
本身當年玩休克療法同埋俄羅斯掉低中亞五斯坦就有一半算係比美歐水嘅 反正東歐啲衛星國同埋波羅的海三小國都反水,咪諗住順水推舟解散蘇聯自己單飛然後同歐美關係正常化,甚至去到促進歐俄一體化,資源國同工業體互補,你見葉利欽去到美國笑到咁開心就知佢覺得解散蘇聯係好事啦,大部分學者對於蘇聯解體後嘅資產拍賣都係話阻止蘇聯復活嘅政治目的大過經濟效益,但係後尾歷史大家都知承諾中會當民主化後嘅俄羅斯係盟友完全冇兌現啦
人地國家一鑊粥咁 咪政治強人上台囉
俄嘅鄰國要入北約你又唔stop 08年格魯吉亞已經試過一次 一路去到民族同源嘅烏克蘭入約 比你你都打啦 14年就局部戰爭警告 民間戰火係烏東未停過就唔講啦 明知山有虎 偏向虎山行
咁打起身都好正常 你望返其實EU都係蝕底㗎 又要援助烏克蘭 又冇咗廉價能源供應 啱啱起好條北溪二號又被人炸鬼咗 工業本身冇幾多㗎啦 都要比美國用環境安全同工業補貼挖走製造業幫自己製造業回流
成件事係好on9㗎,不過你望返其實有紋有路,至少係打完局部戰爭再全面戰爭,而家老共唔好話台灣啦 金門都未大膽到直接食而係慢慢同化 你望到threads上面咁多台仔屌鳩文化入侵其實就係好例子啦 根本唔需要特登做啲咩 老共本身個人口同國家體量就咁大 毛毛年代玩完咪正路發展 你文化上雖然發展跟唔上經濟發展啫,但係計體量都壓死你台灣啦
呢個客觀事實嚟 就算你再提防都冇可能阻止呢種同化㗎啦 除非返返去老蔣年代戒嚴咁 講支語就處決
如果唔係其實台灣就係慢慢等肯定入到口嘅餸 點解要打
屌好簡單 你去曬所有term 單純描述一個世界第一大、擁有唯一全工業鏈條嘅國家,要同化一個政權唔同但文化同自己某部分(閩南泉漳兩州)相同嘅島,其實你都知只係時間問題 真係而家郁手唔單止搞到經濟仲衰,仲可能會改朝換代,比你都唔會打啦