[佔中十年] 依家諗返起，其實都幾不可思議

19年開波嘅時候，其實好明顯政權同示威者雙方都極力唔想重複各自喺14年做過嘅嘢

721我反而記得係中聯辦被撥墨
點知突然間元朗就出咗事

同意，所以政權一開始已經用相對強嘅武力想壓制，另一方面抗爭者反省緊5年前嘅問題，不停改進...

有啲可惜，呢種香港行動政治演進（雙方）好似死咗咁。
如果港共對自己有啲信心，繼續咁樣拉扯落去對佢都有利。而家咁基本上香港嘅政治演進已經死咗。

咩道理咁舊登對你來講係咪真理之門

2014，香港政府係類似文明民主國家做法。
2019，香港政府個做法係..............................根據一国做法。

當時「和理非」主塲，689先可以慢慢磨，2019 唔得啦。

拿拿，香港人唔係憎佢地而要求佢地收皮，只係要求佢地跟番基本法去做遮。果啲訴求係基本法範圍內。

2019年，如果冇721，成個運動在7月尾可能已經漸漸收皮。

咪係囉，1997年到2014過左成廿年，中国人當家作主，由治入興，強政勵治(下刪1000字).... 中国香港人唔係生活得好幸福咩? 點會仲俾外國勢力有機可乘?

成日話外國勢力呢樣果樣果啲人，其實係咪曲線鬧緊中国香港政府無能搞到香港人心生外向?

如果話有外國勢力間諜，擁有最大影響力而子女又去哂歐美果啲人，係咪最可疑?

影相果時我諗至少一半人冇諗過會真係坐監，可能覺得頂多拘留幾日。

19年如果6月第一次大游行個日用陳方安生個陣報章寫的辦法，當日宣佈取銷立法(連民記都放晒水話唔係北京意思), 拉左" 暴動"都係得三四條友釋放佢地講明當日午夜前不再有任何行動不予追究，比一日時間全港人泠靜，之後只可以和平集會，其實早早已經散，去到個一刻重可以用到之前咁多次處理方法，但個日一聽到話堅持不撒回，就知冇得返轉頭

7月果時林鄭話「壽終正寢」，如果佢地一路丟淡唔再提，唔再刺激巿民，我相信慢慢就會淡。

其實係由2012反國教開始 第一次有咁大型集會仲要唔係政黨發起
開左個先例 圍政總變左最低消費
2014 就開左佔領馬路呢招
2016 就反抗警犬
之後先有2019完全體

最不可思議係由2012年開始大家會了解政治
我覺得中學有通識科直頭係後生仔助燃劑 令到每個人都更加關心新聞

Btw最後一句
大家小心唔好自爆

97前香港人唔覺得英國佬管治有咩問題，生活安好，所以政治冷感。


後來香港人明白原來政治同衣食住行息息相關，所以開始關心。

其實19年同14年算是學運，社運，我諗未來幾十年學術上有排討論(即係如果未來有日社會條件轉變左言論重新自由的話)
估未來有學者會定位14年係學運，19年先係社運。14年名義上係學生組織發起，雖然實際上都冇邊個有"大台"聲望或者有中央組織
中間戴耀廷信報一系列文章其實已經同14年無關，佢心目中的佔中就好似其他巴打講，係佔領華爾街港版，都係就咁和平示威最多咪比差佬抬走，可能要坐一兩個月，"左膠"定點，19年事態都係自然發展。

當時港人主流重係相信和平示威，就算自發加入大多數都係相信咁，個陣至真係類似西方國家做法，你唔去搶鋪頭基本由得你，隔一條街山東街行人專用區重晚晚大媽獻唱不知幾夜賓賓

立場明明本身仲畀人笑緊我恐懼我誤判我行山 係2019先水鬼升城隍

以前蘋果夠出哂名係人見人憎狗仔隊+嘩眾取寵作新聞啦。

加上次次圍政總都係阻止唔到表決 開始慢慢有人覺得要勇武抗爭 到村民唔係咁諗嗰日仲出現埋第一次衝擊垃會先例