資本主義本質是懲罰窮人

你認真？

啲領導唔係過得好？飲飽食醉任屌女。壓鳩你啲人又無後果。

現代既共產其實就係重稅同多福利 日本同德國都行緊

咁最主要係得一個過得特別好
其他奴才都係睇佢頭啫

神父牧師都享受緊優越生活

人口非常少都可以fail.
大學team project 都有freeloader啦。

咪姐係連登仔最撚憎嘅左膠囉 成班人忽忽地
連登仔理想國係唔洗做嘢+每人72個處女

咁都講得出
不如你自己讀多啲書先

社會本質就係物競天擇，要進步就要不斷淘汰舊產物，只係自工業革命開始個進步過程加速咗，依家仲有AI再加速，咁好定唔好都係睇你係咪得益嘅啫，你有得益自然好。好似全球化咁，新興市場得益咪好，本身喺發達國家做緊低技術工人咪唔好。

自己會唔會被淘汰就睇你願唔願意學習，唔願意就自然跟唔上時代，變成坐公園嘅阿伯，唔識用smartphone，唔會死嘅，但會被市場淘汰，被後生睇唔起囉，你自己都會睇唔起啲唔識用電腦嘅人啦

任何制度只要係金字塔頂層就冇問題了

唔係做比人天擇果個當然咁講
唔識用smartphone呢啲都還好 唔會死
只係名義上嘅淘汰
本身出生貧窮 冇資源去向上流嘅人呢？
睇電視咁多年都唔少啦啲非洲小朋友
果啲人係咪就係扺死呢？

姐係我依家叫做有得食有得住當然ok㗎
但係個世界其實有無數唔ok嘅人
而點解你或者我唔係好似佢哋咁
唔係睇你願唔願意 努唔努力
只不過係運氣問題

姐係其實全世界係講緊一樣野
就係我就算食唔晒100個人嘅嘢食都要爭到盡
唔理你100個人有冇飯食
如果你唔一齊做爭果個 你就會冇飯食
你要食飯就要一齊爭
咁你就有份令果100個人冇飯食
諗到呢個位 我冇辦法用”物競天擇”來帶過
咁嘅世界同地獄有咩分別

你放喺依家睇就係，但其實世界係好慢咁變好緊，你諗下人類社會短短一百年，少咗幾多饑荒同瘟疫，人類生活水平係提高咗極多，就算係最窮困嘅非洲，佢地生活水平都高咗勁多，有疫苗又有聯合國/紅十字會，你想象下一百年前佢地就算感冒，都只可以等死

如果你宏觀地睇，依一百年世界係變咗勁多，起碼等地唔洗只可以做農夫為地主賣命，你可以炒美股、接freelance、嘆冷氣、飲可樂、聽演唱會，依啲嘢100年前嘅人係直情想象唔到會發生

你依家嘅悲傷其實只係因為「變好」嘅速度唔係你理想速度啫，但實際上係變好緊，所以我唔覺得係地獄，唔係天堂，但比起一百年前一定稱唔上地獄

社會從古至今都係人與人之間爭奪資源。
國家會發動戰爭，
人會分階級，
甚至你屋企鎖門都係佔領資源嘅表現。
乜嘅有一百人嘅食物，香港人隨便都有十萬蚊嘅錢，買到以噸計嘅食物。
有幾多人會捐十萬出去？
你唔爭就要求人施捨，係你用唔存在嘅烏托幫嚟比先會覺得現在社會係地獄。
一二戰文革先過咗冇幾耐就唔記得果啲先真正地獄。

唔係只有戰爭/饑荒呢啲直接嘅人命傷亡先係地獄
我講緊係人有無止境嘅慾望
甚至乎連社會都鼓吹緊你哋去鬥爭
來換取更多嘅物質,虛榮
咁就算你個社會幾咁發達都冇意義㗎
個本質根本就冇變過
都係唔會有真正嘅平等 唔會所有人都幸福
無論過幾多代人 換成邊一個國家
都係會繼續鬥爭
咁樣到底係進步咗啲咩？

有鬥爭等於地獄？
你未免太睇小地獄
如果你認為而家同文化大革命比冇進步嘅話我冇嘢好講。

如果前提係政府夠強勢 同官商冇勾結
另外資本夠強大就有能力影響埋選舉



不過咩主義都好 市民質素,道德水平高先唔會走偏
其實左膠 政治正確的出現對人類進步係好事
但大部人冇批判思考 搞到同小粉紅一樣水平

有時唔係二元對立
馬克斯/共產主義歷史上失敗
唔代表佢指出嘅資本主義有嘅問題係錯

佢可能覺得果啲唔叫勞動

點解次次開埋d阿媽係女人po
都咁多人討論

其實要「平等所有人都幸福」依個願景會唔會太不切實際，要achieve到依個境界先叫進步會唔會太harsh
依幾十年世界嘅不正常死亡已經跌到好低，你見5-60年前一個饑荒瘟疫死幾百萬幾千萬人，90%嘅人都係窮到癲，依家唔係話完美，但一定有進步好多囉。

要堅持咁諗只會令自己鑽牛角尖鑽到死