資本主義本質是懲罰窮人

人都係會追求價值稀缺（難得到）既野

天性黎。

理性地諗係 雖然有啲sad

亞洲窮既國家係得返強國同印度會不斷出產韭菜
其他地區都低出生率 近幾年城市既強國人都開始唔生

依家冇比機會窮人向上游？

係懲罰蠢人丫

利己關乜事資本社會事
保護自己/自己圈子 呢個人性嚟

極端咁講 你個仔同人哋個仔跌落水 只可以救一個
九成九人都係保自己個仔先


至於搭上自己條命走去救陌生人嘅例子唔少 當然都唔係多

咁你都識講係極少數
根本唔值得參考

又或者平時果啲”幫人”嘅行動 都係利他喎
咁有冇可能呢種思想係可以透過後天培養？
當然都需要時間


幫人係利他 但幫人都有分輕重
後天培養係培養有個思維
但去到最後都要考慮輕重成本付出

你簡單舉手之勞同要賣命 已經係兩個唔同考慮


至於工作嘅風險難度
呢個就係上面講緊利他嘅思想可唔可以喺群眾開花結果
始終咁樣就唔會覺得唔扺/有比較

工作嘅風險難度係客觀存在
你點樣開花結果 點樣思想進步
都係抹除唔到呢個客觀存在

人都識用腦 分到成本付出比較 就一定會有猶豫

除非你洗腦洗到每個人唔用腦去考慮呢啲
個個都係集體 絕對服從 不容許任何有異
咁你所謂理想嘅社會 仲恐怖過中共

就係由機械人去從事高風險/高難度嘅工作
而其他嘅就由人自行選擇 咁唔會唔情願啦掛？

機械人去到咁嘅程度嘅時候 咁人人都唔使做添
仲返乜鬼工

冇窮人，邊有富人？

揾條女車震都難啦仲地嗚

關事 點會唔關
同意保護自己/自己圈子係人性
但係資本提倡競爭
所以那怕原本人就係自私 都會更自私
呢點你同唔同意先？

如果我個仔同人哋個仔跌落水
我會救自己個仔先
但係重點唔喺呢度喎
而係如果我有能力肯定救到我個仔
會唔會選擇救埋人哋個仔先？

我明白會搭上生命救人嘅例子係極少數
但係極少都唔係唔存在喎
咁點會唔應該參考？
始終呢種活生生嘅利他精神係同我講緊嘅嘢有直接關係
假設全世界有十萬個咁樣嘅人
咁係咪呢十萬人自組一個國家就可以做到呢樣野？
咁樣你認為行唔行得通？
*唔評論對外 單純內部行唔行得通

幫人分輕重我同意嘅
但係成本付出呢個其實咪又係資本社會要你諗嘅嘢
同埋其實唔洗下下都賣命
要你為群體去付出勞力姐 唔洗下下都死掛

“人識得用腦 分到成本付出就會猶豫”
咁係認為所有人嘅行動前提係利已？
但係同樣 啲人發現點努力都唔會上流 選擇敞平
呢個現象都會出現喺資本嘅世界
但係都同時有人會不計付出同收穫成唔成正比喎
例如所謂嘅幫人,做義工,捐錢等等
付出左係唔會有成正比嘅收穫
甚或打仗嘅軍人 都係利他㗎喎
I mean呢樣野唔可以話係絕對咁套用於所有人
係咪除咗洗腦令人服從之外
就冇可能有人真心為咗全體嘅人好而去行動？

Btw本來就冇諗話要洗腦/強迫
始終呢個制度就唔一定人人啱
只係諗 想資本嘅人咪繼續資本
唔想嘅人都可以有另一套嘢玩 group做另一個國家

機械人呢個有少少為駁而駁
畢竟工作除左有實質生產之外 而家嘅人會視為興趣
甚至乎有啲工作唔可能比機械人取代到
例如藝術類？
所以依然係有存在嘅必要
只係maybe你想做就做 至少啲危險野唔會夾硬要你做
如果你有興趣就另計之類

咁樣你認為如何？

咁ai首先就係要點創造出嚟先 邊個去創造先
點解要所有人跟住你個AI去玩
唔同意嘅 你會點處置佢？
如果我唔同意你個AI 之後有冇得整走佢


咁點知AI真係可以做到100%準確
又或者有人想上訴呢？邊個可以做呢個決定？
就係有人要質疑 咁你係咪唔容許佢質疑？
咁點處置啲質疑者

其實共產主義係領導都一齊窮
係中國/其他國共產黨領導衰
同埋根本係實行緊資本主義

左膠？

貧富懸殊一定有，是靠政府做buffer

其他主義可以點？均貧

我覺得係懲罰蠢人
資本主義下，窮L 如果醒都可以慢慢往上流，例如做醫護

呢個觀點都啱嘅
AI由人創造
假設有人一開始就set咗啲對某啲人有利嘅嘢
咁都係會有獨裁嘅可能
咁就要睇下有冇辦法做到”公開”
將呢個AI本身嘅資訊全透明咁公開比大眾
雖然都係得班識嘅人先明做緊乜
呢點我未諗到可以點做到100%無問題

至於點解所有人要跟個AI玩
呢個係打算自願性
想入嚟跟呢套玩嘅人就跟佢玩
唔想嘅就走
那怕只有10個人 都係舞照跳馬照跑
如果唔同意個AI
要睇下係點唔同意法
如果係覺得唔啱個制度 可以離開
如果單純對某啲規則不滿 每年都可以有時間review 全部國民投票決定改唔改呢啲嘢
咁樣對所有人都公平

點樣確保AI 100%準確
除咗最開頭講有可能人為嘅bug之外
基本上都係跟番啲人set嘅規則去處理
而上訴/質疑就係上面所講嘅

但係如果個AI真係有問題
或者review嘅時候都應該容許投票shutdown套嘢

成班人想無風險打份工又同你共同富裕咋嘛
自己take得呢個人工已經係自我認可嘅價值
見到人地賺錢就覺得被壓榨
蝕錢拍屎忽走佬

應該咁講 係shutdown完重新來過
本意同換屆差唔多
不過呢個只係當個AI真係有嚴重問題先會出現

就算北韓咁窮, 金家一樣係酒池肉林
再窮不能窮領導
最極端的資本主義
控制所有權力, 獲得所有利益

fg50k都窮？

而家大陸咪係無民主既資本主義

盡快做最後一代
從根本解決問題

現實情況完全就係咁

財富 資源 可以被繼承
就注定大家起步點唔同

資源唔同 成長曲線唔同

無人賭波賭馬買六合彩

可唔可以令馬會破產？

多鳩餘啦 當你唔睇錢
一份工日日喺屋企打機做streamer
另一份oncall 36救人
有幾多人會揀第二份

其實係有可能

只要全世界都用 AI 做資源配給
人類免除勞動
全部由機械代勞同配合
咁就可以了