［茶痴齊飲茶］西茶日本茶中國茶台灣茶咩茶都討論吓

蓋碗最緊要咪鬼斟咁滿，如果要耍花式又刮沫又搖香，落水斟到滿瀉，咩蓋碗都會辣手

手細就唔好格硬用大蓋碗，但太細都唔好揸，高矮輕重形狀材質呢啲千變萬化，攞上手嘅手感好重要

好似我就唔鍾意薄胎，厚身少少有啲重量比較有安全感

無意中見到呢個post
樓主有冇認真飲過普洱？

冇
交唔起學費認真飲

有親戚飲開普洱，會痴嚟飲吓，但佢都唔係好認真咁飲啲咩靚嘢 （又或者只係佢唔請我飲靚野 ）

搭嘴最緊飲起生普 用蓋碗每一泡唔同味 第三泡回甘味最出好神奇
遲吓想試埋熟普

Lm

福建？雲南？
有冇話邊到

白茶是咪甜的？

無特別邊度，因為現在全國都有不同茶商，而茶園近年變左觀光點，已經好少人去零售，加上精製茶唔會馬上有，除非你做茶商成個園包起佢，否則多數落園都係得個睇字，重點最緊要落鋪格價，試完岩口味，價格範圍內接受到就可以傾數量扑鎚，多數大批買仲有價講有得送貨。

我發覺同樣嘅茶葉邊度沖出黎都有唔同效果
後尾先發覺人地用山泉水煲過先有陣甜味

多謝你啊，咁如果係日本式蓋碗你推薦嗎

日本式蓋碗係咪即係寶瓶？我覺得睇你揀咩質地同想沖咩茶

用陶土做果啲會比較重手，同埋儲熱比較好所以易辣親手，要習慣下，同埋冇上釉嘅會吸味，一個壺只可以沖一個風味嘅茶

我有個冇上釉嘅信樂燒寶瓶用嚟沖焙茶，用慣覺得好好用，陶製寶瓶用嚟沖重焙火嘅烏龍效果都幾好

煎茶、清香型烏龍呢啲，就揀返白磁好，不過日本白磁寶瓶都係比較厚同有少少重量，同埋大部分設計嘅出湯會比較慢，冇蓋碗咁清脆利落

其實中式白磁蓋碗真係最百搭

最近有緣飲到D舊生洱餅(30年左右), 係想像唔到既舒服同好味, 但要自己課金就真係攪唔掂

上次聽佢地講, 生普放10年一個變化, 同一隻茶放得夠時間會愈黎愈深色, 姐係佢地有成長價值, 但唔知條命有幾長可以飲到同一隻茶咁耐

如果常滑燒／京燒邊個比較好，飲淡味茶

飲靚茶真係要講緣份
聽到都想試

常滑燒做茶器比較出名
但常滑燒設計偏樸實
京燒唔係專注茶具但都有靚野
講到尾都係睇款

飲淡味茶其實可以睇吓波佐見燒白磁？

無意中飲過西班牙花茶
唔知咩牌子但沖出嚟好香甜
求有冇邊隻推介

花茶冇研究，推吓睇吓有冇巴絲有推介

玫瑰花茶？有無話係咩野味道嘅茶？有無混合茶葉？

近排去咗奧海城marketplace隔籬嗰間賣茶舖買茶，買咗隻奶香金萱幾好飲。第一次飲奶味真係幾香。
嗰個職員話原來有好多出面嘅奶香金萱都係假嘅，會落奶精。

Lm!

大家對荔枝紅茶呢樣嘢點睇？

西方茶葉有d人功加香味 （放茶葉落杯搵張張紙巾蓋住一陣，未沖張紙已經有味/凍水浸都好大陣味 好大機會係香精）
雖然好香
但最近鍾意返傳統中式茶飲茶葉原味