26歲M禿開始食咗印保一年幾副作用跟進

我都係keep住正牌，到底有冇分別？

乖乖地去植髮再食藥
唔會後悔

根本叫人食藥既就係想害人

大佬，睇下呢個post幾多人有副作用，仲有未知既遺傳疾病

物理

好work, m字頭位死死地嗰啲毛囊翻生晒

同埋唔使比個尿液龍頭牽住個人

都係嗰句，睇真實數據啦，至於遺傳疾病，唔關隻藥事，隻藥唔會改變你DNA

常見副作用

非那甾胺（口服）
陽痿
性慾減退
射精障礙
乳房脹痛
睾丸痛

注意事項
肝功能受損患者慎用。
患者在治療前和治療期間應接受前列腺癌的評估。
孕婦或有機會懷孕的婦女忌服。
孕婦或有機會懷孕的婦女應避免接觸已粉碎或破裂的非那甾胺藥片。
如患者的性伴侶已懷孕或有機會懷孕，建議患者使用安全套。
曾有報告指出這項藥物可能引致男性乳癌。
可能增加患高惡性度前列腺癌的風險。

呢隻藥有副作用係事實，所以食唔食當事人自己選擇，但就算食左有副作用都可以選擇停藥

https://www.ncbi.nlm.nih.gov/pmc/articles/PMC3481923/

A long term study showed that drug-related sexual side effects such as decreased libido, ED, and ejaculatory disorders occurred in <2% of men.[10] These side-effects disappeared not only in all men who stopped the drug because of the side effects but also in most of those who continued therapy. The incidence of each side effect mentioned decreased to ≤0.3% by the fifth year of treatment with finasteride. The incidence of side effects were comparable to that of placebo both at one year and at 5 years.

既然有副作用仲叫人食，真不愧係連登仔

都話冇叫人食當事人做晒功課，考慮清楚，再問完醫生意見再決定

你去睇醫生，醫生都有機會開呢隻藥比你啦，咁係咪又要話醫生害人？呢隻藥除左醫脫髮之外，仲會用黎醫前列腺問題

禿頭基因仲生咩仔
生完個仔又係要重複一次你嘅慘痛

藥廠唔會話自己D藥有問題，正如肺炎針都話無事，政府都企出黎護航，你信唔信？

保康絲你可以調查下現在乜地方處方多，大家多數去邊買，全部係植髮中心/藥房，睇人廣告以口相傳好用就買，而實際好少皮膚專科會輕易叫人食，就算食都有一系列漸進式療程，最後階段無得選擇先會食藥植髮，但人性就係貪方便想一步到位，商/廠家就係捉到重點叫人去。

其實就好似醫學美容、大陸黑心醫院咁，將外科手術包裝成美容，重藥當補品(e.g. 白蛋白)，唔係想妖魔化個醫療方案/藥物，而係應該有個過程對症下藥，唔係聽人三言兩語睇完廣告就去馬。

再者你睇完我講覺得氣憤想討論就對，有正反雙方論點先有機會比大家停一停諗一諗，切記藥唔係補品，唔應該係有其他手段下優先選擇。

其實真心想知點解會有呢種諗法
我不嬲認為呢樣野同女人化妝戴胸墊一樣
用外部嘅裝飾品去改善自身容顏不足
你話除左落黎都係要面對自己禿頭
咁女人都要面對落妝之後自己做返黃面婆飛機場啦
D女人都係每日化完妝墊完胸之後好自信咁出門口覺得自己好索架喎
又唔會好似你地咁驚俾人笑喬裝婆打假波架喎
但係男人戴個假髮點解會有咁多內心劇場
真心唔撚明

見過一個case
有條友廿幾歲就甩晒成個頭頂
佢結婚嗰陣影全家福
全家福裡面佢叔伯兄弟全部冇甩頭髮
連佢老豆都冇甩頭髮
甩頭髮只有佢，同佢個八十幾歲嘅阿嫲

假髮太大範圍啦 同化妝唔同
同埋假髮太容易穿煲 咁撚明顯

我同意你講法，呢隻藥唔係講玩，如果唔係都唔會需要醫生處方。藥廠係有誘因去隱瞞副作用既嚴重程度，但好彩既係隻藥面世左咁多年已經有好多第三方既研究去檢視隻藥既safety profile, 好似我上面post嗰篇study都係其中一份

至於醫生開藥嗰度，我知好多皮膚專科醫生（唔係植髮中心/醫美嗰d，係真係睇皮膚科嗰d）佢地都會開呢隻藥比病人，當然如果病人唔想食，佢地都願意淨係開外用藥比佢用住觀察下先，但目前西醫界公認最有效既治療方法都係finasteride, 不過嚴格黎講甩頭髮唔係一個病係一個cosmetic condition, 值唔值得改變身體既hormonal balance 去“醫”呢個“病”就真係由當事人自己決定啦

真，而家連登一嚟就屌咗先笑咗先，都唔係討論

黎緊想食藥認真想樓主解答：
1） 食咗幾耐有無真係多返少少毛？
2） 如果有多咗毛嘅係前額定頭頂？

咁撚大間藥房打開門賣都未有事

咁返工有冇gel頭之類？

巴打諗住食保食到幾時？
Youtube有個台灣醫生話過左男人更年期就可以唔洗食
有無食埋supplement/戴激光帽？

有牌註冊藥房就可以賣處方藥，只要消費者提交相關醫生証明講可以賣，但當然佢無能力檢查証明真偽，所以有乜事都係消費者承擔責任。

連登仔有閪判斷力咩
人講佢地就信，從來唔求證啲藥有無風險

所有藥物都有副作用
樓主嘅問題係甩頭髮
呢隻藥理論上可以幫助到佢嘅問題
咁佢要衡量副作用嘅風險
最好睇醫生拎意見
旁人叫佢食定唔食都係片面之詞