26歲M禿開始食咗印保一年幾副作用跟進

植過兩次 第一次唔知要食保有甩返，第二次植完keep住食行保兩年都冇咩副作用

有狂脫期某程度證明隻藥對你有作用先

我都食咗三年保康絲，
頭兩年食韓保，一年食台保
食到第二年半 頭頂多返頭髮 濃密咗
我食煙又瘋狂飲酒，性慾就冇乜分別，一日都可以搞三、四獲

佢話廿到尾開始食 佢而家62

有食貴無食錯

你老豆用左幾多錢落去

之前試過搽好多牌子既野同食維生烏絲咩都無用，食左韓保三年，真係好有效，之前甩得好勁既位全部生番晒，但依家年紀開始大，發覺開始好慢好慢咁甩

你只圍爐想聽自己想知的事，任何忠言都係逆耳，要分享的我就分享左，加上實際又唔我食，你喜歡屌就慢慢屌，如果有時間就去做下檢查資訊醫生意見。

係咪已經冇人食正保

有效果就得啦

生活習慣係緊要，但係對於一個有遺傳性雄性禿既人黎講，單靠改生活習慣唔足以停脫髮/生返頭髮，你睇大把人又煙又酒又夜訓，但佢天生毛囊唔受DHT影響都仲係成頭頭髮

對雄性禿，科學角度最有效就係抑制DHT，隻藥出左咁多年有咩副作用其實上網好易搵到，衡量完利弊之後要唔要食藥就悉隨尊便，講到尾冇頭髮又唔會死既，但對於有d人黎講冇頭髮同殺左佢冇咩分別，所以睇下當事人有幾接受到冇頭髮呢件事

之後專利過左就轉食副廠嘅
佢話一模一樣

同暗瘡爛臉 旁人指指點點阻止人食A酸一樣
其他方法係有用 早就好返 鬼唔知食藥有負作用
受害者比起局外人更有經驗

有d講呢d說話嗰d人唔係局外人黎，可能佢自己都係受害人，但佢自己接受唔到要食藥呢個事實，所以想說服其他人都唔好食藥

樓主哂錢，是藥三分毒，其實你做緊傷害自己身體既事
點解唔正正常常帶假髮，你要咩髮型都可以

唔係，你地叫二十歲仔長期食西藥，有冇良心

冇叫，我上面打咁大篇野都係叫人自己衡量利弊，不過事實擺在眼前，唔食藥唔會keep到頭髮，食唔食當事人自己諗，你話長期用藥既問題，隻藥出左咁多年都有十年，二十年既數據去比當事人自己參考

不過講真，如果一個人完全唔care頭髮既，我諗佢連有藥食呢樣野都未必知啦，因為佢唔覺得脫髮有問題自然唔會去搵解決方法。考慮得食藥既都係care頭髮架啦



有時與其聽網上d人（包括埋我啦）喺度鳩up, 真係建議當事人自己上網搵外國d paper睇隻藥個safety profile同搵醫生consult下好過，信科學好過信網上三唔識七既人片面之詞啦

最後食唔食藥真係個人選擇，我唔建議人就咁聽網上d人講兩句就自己去買藥食

我同意上面講雄禿係天生，食唔食藥就自己的平衡利弊，係個人選擇，但現在去到有提倡教人點食，自己點配正/副廠藥，所有禁忌可無視，想食就食想停就停，大肚又食得生仔又食得，仲搬埋長輩上幾代食左幾十年，咁就好有誤導。

情況就好似早幾年A酸討論咁，網絡上鋪天蓋地教人點去藥房買藥點食，但剛好食A酸大部份係女仕，亂食導致小產K胎一堆問題，有當事人講出黎先告一段落。

但現在頭髮藥係男仕食長期食，副作用要幾十年/下一代先產生，會發生乜事根本無人知，現在所討論的副作用只係短期產生易見，最擔心係荷尔蒙/激素控制相關仲未有研究証明安全，會否導致癌症/其他病變/遺傳係無人知，否則就唔會係處方藥物，應該周圍都買得，好似感冒藥咁。

下面係衞生署官方資料，大家食前了解利弊先：
https://www.drugoffice.gov.hk/eps/do/tc/consumer/news_informations/dm_35.html

蛋痛都仲食cls

講真如果要用假髮 寧願剃光

你躝啦
忠言逆耳你都講得出 你邊位？
連脫髮post都係叫巴打真係覺得脫髮嘅就睇醫生check完真係雄禿就食藥
你估信醫生好定信你呢條不學無術嘅撚樣9up好？

除咗睪丸痛, 其他都有少少, 我食咗半年定1年之後就唔覺有副作用, 唔知係咪習慣咗

巴打食咗幾耐?

食左幾年藥 都仲係咁咸濕 好辛苦
成日想扑野