《妖具》-我無啦啦做左個道士，仲要係全香港最大粒果個 ! ?【3】

「都唔係話我驚佢未死……」阿傑舔舔嘴唇，聲音有啲抖。

「只係……你諗下，一條屍體，就咁同我哋一齊困一晚喺天台……我覺得成個氣氛都好似唔太對路。」

「我都唔想同死人過夜……但十萬呀去邊度搵。」

「而且李總講明，只係今晚，一晚，擺喺天台，咩都唔好問，睇住唔好唔見就攞到十萬。」

「你信有咁簡單咩？佢老豆啱啱走咗一日，就唔擺靈堂，唔擺醫院……」阿傑聲音越講越細。

「話要從病房直接運上嚟……仲要我哋兩個親手搬上天台…」

「李總講得清楚，今晚兩點有個人上嚟做法事，之前唔可以郁，唔可以開白布，唔可以走。」阿昌講到呢度，聲音都低咗。

「我話你聽，頭先你去廁所嗰陣，轉身時覺得佢好似離我近咗啲……但我返嚟一望，佢又好似冇郁過……你明唔明？唔係佢郁，而係……」

「你唔好自己開始亂諗！就知你條友會係咁，所以先比定十萬你。唔好唔記得你自己同李總講嫁，走要賠雙倍。」阿昌冷冷地說，但說完自己也再沒出聲，只係望住白布邊。

風再大點，天台鐵門又係一下「咚！」阿傑嚇到整個人彈了起身。

「我唔得喇，點解我地兩個要上嚟？」

「本身單野係李總保鏢做，係我地自己聽到有十萬就未聽清楚做咩就自動請櫻。你失左憶呀？師兄！」

「係姐～但係我冇諗過係呢味野嫁嘛！」阿傑抱住頭。

「你記唔記得李總講咩佢老豆以前信道……而咁啱我地個生肖又夾佢老豆先輪得到我地咋！唔係…十萬？十蚊都冇你份。」

風停了一陣。天台靜到得返自己心跳聲。

「係喎！差啲唔記得，一陣兩點道士會嚟……而家幾點？」

阿傑望一望電話：「一點五十六。」

兩人不約而同望住白布，然後望一望門口。

夜色空鳴安靜得令人窒息。

儲埋一段時間睇先夠喉

可以儲埋一章一章咁睇

但我自己都唔知幾時係一章

愈追愈想睇，有以前追獵命師既 feel

多謝讚賞雖然我冇睇獵命師

「冷靜啲，我係張天師的助手，你地可以叫我俊仔。」

「助手…」兩人聽見是大師的助手，而且感覺完全不是鬼怪這才放心下來。

「不過你地係度做過啲咩？感覺上你地兩個都染左啲屍氣…」俊仔走近兩步，忽然皺起眉頭一臉認真的看著兩人。

「屍氣？無呀！我地咩都冇做！」阿昌立即臉色變白，看看身體那地方不對勁。

「冇理由嫁…張天師你黎睇下。」

張天師聞言轉頭看過來，目光在兩人身上掃過一圈。

「的確…點解你地身上會有咁嚴重嘅屍氣。你地莫非係掂過呢具屍體？好從實招來，否則到時我都救你地兩個唔到。」語氣都帶上幾分的緊張。

阿昌立即便回想起兩人從頂樓搬上天台時，的確是有在不經意之中碰過一下。

「好似係呀！天師我地搬上黎果陣好似…掂過。點算呀！救我地呀大師！」

「點算呀天師！我唔想變成鬼啊！」兩人幾乎同時跪下，求救聲中帶着真切的恐懼。

「你地都算大命，依家仲未太遲。符紙可以處理。」

張天師話音剛落，俊仔已經從懷中抽出一疊泛黃的符紙，動作俐落地彈開兩張。

「依啲係保命符，一張就夠你擋三日，殭屍唔敢埋你身。」

「殭屍都唔敢？」阿傑聽得頭皮發麻。

「但係呢啲符唔係免費，係龍虎山傳承手抄，一張五千，兩張一萬，係優惠價嚟嘅。」

「我地真係唔賺你地，純粹幫人為本，助人為快樂之本」俊仔語氣誠懇地補一句。

「五…五千？」阿昌嚇一跳，但轉眼間看住自己手臂那陣莫名的寒氣。

「好啦！我買！」猶豫只維持了兩秒就咬牙切齒地掏腰包。

「李老爺，你個仔雖然唔孝，但咁多年都過去。人死冤念在，咁樣唔值嘅。放下屠刀立地成佛啦。」

突然香快速地燃燒，張天師瞬間便察覺到一絲不對勁。

「兩短一長？！人最怕三長兩短，香最忌兩短一長…大事不妙！」

忽然，一段熟悉的音樂響起。

「他的眼光…他的眼光…好似好似閃閃發光…」眾人的目光都紛紛望向俊仔。

俊仔立刻從袋中的播放器拿出來，手中不斷按着暫停鍵，但卻絲毫沒有反應。

就在眾人的目光都集中在俊仔身上之時，一道微不可察的黑影閃過屍體頭頂。

「關機啦！快啲！」阿昌慌喊。

「停唔到嘅？」俊仔不斷接著那關機制，但卻依舊不改。

「天靈靈，地靈靈，太上老君速顯靈！」張天師一步踏出，黑狗血輕輕灑在播放器上。

音樂嘎然而止，俊仔的手卻抖過不停。

「部…部野…冇開機….」

有文未？

就在灰燼落下的同時，那部早已關掉的播放機，竟再次響起。

「他的眼光…他的眼光…好似好似閃閃發光…」

熟悉又詭異的旋律，在安靜得幾乎能聽到呼吸。

張天師撇了俊仔一眼，跟說好的不一樣，自己收尾的動作都已經快完成。

俊仔的笑容終於僵住，用唇語對張天師說「今次唔係我呀！」

但歌聲還在繼續，甚至——變得有點「走音」，像是有人模仿着旋律，在低低哼唱。

空氣中瀰漫着一股詭異的節奏感，每個音符都像在敲打着人的神經。

俊仔情急之下一下子便把播放器住地上丟去。播放器被摔得一個粉身碎骨。

「睇見睇見….心…更…慌…」播放器依然播放住音樂，但卻像收音沒有訊號一般甩甩卡卡地播著。

有啦

幾好睇 加油

眾人皆是瞪大了雙眼，因為播放器的電池在俊仔剛剛用力一摔時便已經飛出了機器外。

俊仔下意識想再補上一腳，卻被張天師伸手攔住。

「唔好郁佢。」張天師的聲音變得前所未有的低沉。

因為此時，那殘破的播放機內，竟傳出一段不屬於原曲的呢喃。

「終於…我…終於…等…」聲音像是在水底傳來，但字字句句都令人不寒而慄。

香爐中的火忽然往後一縮，「啵」一聲熄滅了，整個天台瞬間只剩幾盞微弱的牆燈。

空氣忽然冷了下來，不是夜風，是那種穿透骨頭的陰寒。

張天師的目光緊緊盯着播放機碎片，面容僵硬如石。他不是不想說話，是他意識到一個問題…

又撞到真野？！

「俊仔…你過黎！」張天師大喝一聲，但手中不斷抖動的木劍卻反映出他的緊張。

張天師見俊仔已經來到自己的身後，便從壇中抽出幾張符紙，把符紙丟向空中。

「天靈靈…地靈靈…八方五鬼聽我令！」

符紙依舊是無火自焚，但卻到一半之時，所有的符紙便不再燃燒，同時飄到播放機的一旁。

「嘻嘻…嘻…」播放器中傳出了一把帶著電音的女子笑聲。

「咁猛…呢十萬我冇本事賺啦…救命！我仔細老婆嫩，唔想死呀！」阿傑死死地捉實張天師給他的符紙，但卻早已全身無力攤坐在地上。

「師父，我地睇黎又撞到真野…獲獲都咁猛係真唔係呀！」俊仔輕聲走到張天師的一旁，把枱底下的一碗黑狗血拿在手上。

俊仔經歷過之前兩次的經驗，內心早是沒有那麼恐懼，雖然枱上的黑狗血依然是染色的水，但卻在枱下準備好了兩碗真正的黑狗血

多謝g持

阿傑縮在牆角，全身發抖，手上的符紙早已被冷汗浸濕，皺成一團。

他的眼神飄忽不定，彷彿任何一處陰影都可能突然突然彈出出一張臉。

「唔係掛…唔係掛…嗰啲鬼片先會咁…點解我會係我遇嫁…我初戀情人就係我老婆，冇理由會係我㗎…」

阿昌原本還強撐着，現在臉色也開始白了起來。

他抓着阿傑的肩膀，想拉他起身逃走，但腳卻像是被什麼黏住一樣，一動也動不了。

他死死地盯着播放機那邊，聲音低得像氣音。

「阿傑…佢…佢啱啱係咪響咗一下….」

「冇電嫁！冇電嫁！我明明見到塊電池飛咗出去…點解仲會有聲…」阿傑的聲音帶着一絲瘋狂，雙手死命摀住耳朵，但那呢喃卻像直接鑽進腦袋裡。

「常在河邊走，哪有唔濕鞋嘅道理。」張天師低聲自語，彷彿是告訴自己。

他屈身從枱下拿出早已準備好的黑狗血，手法俐落又老練，左手執碗，右手則掏出一件用紅布包着的小物一個古舊的銅鈴。

那是他師父早些時間傳給他的防身法器，聲音一響，可暫退三煞，止住怨念。

「俊仔，跟我之前講咁做。」

俊仔立即會意，點燃一小張黃符，貼在香爐前端。

張天師輕晃銅鈴，「叮鈴」聲清脆響亮，直透人心，與空氣中那低迴的女聲一衝，彷彿互相抵銷。

接着，他將黑狗血灑向播放機碎片。

一瞬間，那詭異的音樂斷了。

連阿傑也發現，空氣似乎變暖了幾分，牆燈亦恢復了正常的亮度。

「搞掂…搞掂啦？」阿傑小心翼翼地問，但聲音還帶着哭腔。

「佢走左啦！應該係…」張天師說著說著卻心虛了幾分。
「應該？！」阿昌驚得瞪大眼。

張天師強作鎮定，將銅鈴收入懷中，手上的動作明顯地變快。

「好，收工！」張天師只把一些重要的東西收回。

「我地問題都處理得七七八八啦，咁我地今日都差唔多啦。」俊仔也用最快的速度收拾好東西。

「你地…你地就咁就走？」阿昌難以置信看著兩人。

「咁亡靈又超度左，鬼我地又趕走左啦，仲唔走等幾時？」俊仔先是指一指白布，又再指一指播放器。

「你你…你…」阿昌被氣得一時語窒，但想想他又好像說得沒有錯。

「但你地就咁放..放佢係度？」阿傑也忍不住開口。

「當然，我地兩個嘅任務就只係負責超度，驅鬼呢單野我地會額外向李總收費。到時麻煩兩位做一個見證啦。」俊仔與張天師早已經在不知不覺間走到門邊。