《地。-關於地球的運動-》 動畫 十月放送

拷問官睇落好恐怖
實際都好單純
見到個細路慷慨赴死
都係會有惻隱之心
正正就係宗教係當時仲係日常生活必須一部分
佢無得唔跟從

當眾相信地動説，係會有公眾記錄
用條命寫出黎咁解。

佢認衰仔，咁地動説份感動就會收皮

正如天動説個d用黎計算軌道既公式用落地動説一樣有用

呢個唔同意，唔好唔記得有拉斐爾嘅捨生取義之外
其實都有赫伯特係之前選擇講大話去將未完成嘅野做完佢
只可以講成套野冇批判話到底認衰仔定唔認衰仔好，只係一旦受過感動，大家就會用自己選擇嘅方法去承傳

而家咁既情勢
離開左都可以做貢獻，以色列咁

睇過漫畫
覺得動畫頭兩集勁好睇唔經唔覺就睇晒

當然漫畫嘅震撼係得漫畫先做到
要求喺動漫出現係基乎無可能

動畫做得唔錯
有交代當時既大背景

我相信男主既堅持會有用既
人就係對科學有所追求先有今日既科技

睇完，可能有咗心理準備，我覺得冇想像中咁差，最大問題係缺乏留白，「不正確不代表無意義」，同埋最後燒死嗰度，可以用多啲時間去醞釀情緒，令嗰幕更有力量。


但都有優點，「也可被稱為愛」嗰度，窗外嘅月光，慢慢漸進咁打入去室內，呢一個分鏡喺漫畫冇嘅，漫畫本身亦唔方便咁畫，而呢度用咗動漫嘅優勢加咗呢幕，我覺得幾好，另外審判官威脅養父個到，我都覺得比漫畫出色



配音方面，審判官大家公認配得好啦，至於男主角，臨死前段對白，我知道佢係想營造一個普通平淡嘅口吻，代表佢好冷靜，但我自己就係想激昂少少，抑揚頓挫少少，呢度就係對原作嘅理解唔同，冇咩好講，但起碼有啲位可以講慢啲，講啲名台詞可以先留白，令大家準備好聽句punchline

節奏、感動可能每人唔同。睇漫畫「有感動」我直頭停咗落嚟感受，動畫可以停低唔郁？媒介唔同，節奏都唔同，我覺得已經動畫好好。

音樂累事 點解佢仲有得做

知唔知點解審判官配得咁好？因為佢先係主角

有信念 打得 仲識咀遁

而佢亦都深信宗教又或者叫常識
眼前嘅大好青年只係行差踏錯 一時糊塗

仲以為呢套冇乜人會睇 而家好似反而係今季最多人討論 搞搞下會唔會變今季霸權

見有人話呢套係深夜動畫太好
睇完

可以出去睇星空

唔知動畫「今季霸權」係乜意思。如果成世人只睇一套動漫，我會揀呢套。《龍珠》、《高達》、《火影》、《銀魂》係好睇，但比我嘅震撼呢套最大。

再聽住cassiopeia mooring

比你睇穿咗我依加做緊咩

英文圈人氣都開始上
r/anime 討論唔少
有啲比較出名嘅YouTubers （例如Otaku spirits)都開始推薦/react
MAL 第三集升穿8分

未至於可以停低唔郁，但有好多方法可以拖慢節奏，動畫對白 「可以感動」嗰一刻，前後可以加多幾個分鏡，例如審判官面部特寫，然後拉斐爾面部特寫，講完之後再加個窗外星空嘅分鏡，令到呢一句對白獨立出嚟，同其他對白分開


又或者配音上，之前嘅對白照正常咁做，「可以感動」呢一句，突然間轉做asmr咁配音，直情係聽到呼吸聲嗰一種


又或者係bgm早啲響起，然後講到呢句嗰陣，突然間停音樂，然後用一種比之前更慢嘅語速，用更清楚嘅咬字，講完呢句對白之後，再即刻出一種激昂小小嘅音樂



甚至再進取啲，可以好似藍色巨星咁樣，轉用意識流，即係背景變咗全白色，跟住主角變咗純手繪、粗線條，可能背景再加啲手繪星空或者流星之類，當然咁樣做就同原作漫畫差得好遠，而且基本上成個過程都係靜態，咁做有啲進取


例如我推的孩子，2.5舞臺劇 梅爾特嗰一段咁樣，如果你都有睇，啱啱嗰季動畫同埋漫畫原作，就會知我想像緊乜嘢畫面，本身呢一幕漫畫都只係一兩版，但動畫組用意識流畫咗成分鐘



唔小心寫多咗，帶返頭盔先，當然以上種種都係純粹我嘅想像，動畫實際做出嚟效果未必好，只係呢幾幕真係對我好重要，所以我自己會有好多唔同想像

真係 果種為左真理置生死於度外

歐美動漫youtuber 我淨係識Gigguk

otaku spirit 我見得三萬幾訂閱，咁樣已經係出名？定係佢喺其他平台twitch嗰啲活躍啲