神沒有寫下聖經 是人寫下了聖經

神叫佢出書

中學讀教會學校，當時有玩劇社
劇社被辦學教會邀請，在復活節既崇拜上上演耶穌復活
咁無得唔接，接咗就要寫劇本，我有份。

寫劇本，就要講耶穌點死、點復活
教會學校就當然人人上過聖經堂，對耶穌復活總有印象
但要寫劇本，唔想錯，你就要睇四福音，睇下當日發生咩事

唔講枝節出入(猶大點死都有2個版本)
大佬，連耶穌在十字架上既遺言，都有幾個版本
馬可係「神呀，你點解要離棄我」
而由被判決到受死，耶穌大致上好沉默。感覺上，佢唔係好掌握自己命運。甚至臨死時自己懷疑被神離棄。

到路加，條友變死多口怪，又要上帝免去在場人既罪，又預言天國，又講"父啊，我將我的靈魂交在你手裏！"而馬可個句「神呀，你點解要離棄我」消失。予人感覺，佢完全知道會發生什麼事，而佢既死在計劃中係必需，佢對此毫無懷疑。

到John，又唔同，有一句交帶John照顧耶穌阿媽，話口渴，最後一句「成了」。

四本福音書，你勉強可以話唔同人聽到唔同既說話。但耶穌面對死既態度都唔同，就難以解釋。

歷史解釋。馬可係最早成書既，當時可能連耶穌係神子既概念都未完全發展。 路加、約翰最晚成書，耶穌就要按當時作者既認知，講出「應該講既說話」

講返話劇，最終將四福音七句遺言全部講一次，編劇角度來講，耶子好似精神分裂。

「神呀，你點解要離棄我」係頌讀緊詩篇22篇，重點唔係神點解要離棄佢，而係痛苦中佢仍然讚頌緊上帝。

呢句野好多人都誤解左。成個畫面其實係耶穌充滿對上帝既依靠去赴死。

鼓勵你讀聖經既時候唔好咁快就放棄啊

「我的上帝，我的上帝，為甚麼離棄我？ 為甚麼遠離不救我，不聽我的呻吟？ 我的上帝啊，我白日呼求，你不應允； 夜間呼求，也不得安寧。 但你是神聖的， 用以色列的讚美為寶座。 我們的祖宗倚靠你； 他們倚靠你，你解救他們。 他們哀求你，就蒙解救； 他們倚靠你，就不羞愧。」
‭‭詩篇‬ ‭22‬:‭1‬-‭5‬ ‭RCUV‬‬

「我要將你的名傳給我的弟兄， 在會眾中我要讚美你。 敬畏耶和華的人哪，要讚美他！ 雅各的後裔啊，要榮耀他！ 以色列的後裔啊，要懼怕他！ 因為他沒有藐視、憎惡受苦的人， 也沒有轉臉不顧他們； 那受苦之人呼求的時候，他就垂聽。」
‭‭詩篇‬ ‭22‬:‭22‬-‭24‬ ‭RCUV‬‬

呢位師兄有料到

樓主唔怨天怨地人生就會冇意義

你係咪岩岩放番出黎無得移民唔忿氣
連耶撚post都過黎玩狙擊

小說緊係人寫出黎架啦

如果你以為福音書作者係好似而家既新聞報導員咁想客觀記低事實，就太唔了解猶太文化了。

福音書寫黎係為左比讀者知道「耶穌係神」，亦都係由神而出，由神差派。點先會知？當然係睇返當時已經寫左既希伯來聖經，神係做呢D，耶穌又係做呢D，咁就知。

所以福音書係解經書，解既係希伯來聖經，用既資料係耶穌既言行。其實睇返其他書卷（例如先知書），一樣係引用聖經。

每一個福音書作者都用左唔同方向解釋耶穌既身份。當睇到耶穌講野既記載，第一時間係應該問佢引用緊邊一段希伯來聖經。
如果唔理作者想講咩，都幾肯定唔會睇得通。
「我覺得係咁解->我解唔通」，點知唔係「我解錯」？

The man from earth

如果你以為福音書作者係好似而家既新聞報導員咁想客觀記低事實，就太唔了解猶太文化了。


呢樣唔係我地啲外人講，係教徒自己話
聖經(包括福音書)一字一句都係神嘅話語，成書橫跨千年而冇予盾，所以聖經可信個喎
而家又話係解經書?

的確聖經一字一句都係神既話語，但神的話語係唔係純粹等於新聞咁既客觀事實呢？定係更重要既係，作者想同讀者表達d乜？

聖經係猶太人的文獻，真係要進入當時成書時期既猶太人的文化去睇，甚至唔係今日既猶太人文化。

正如我地讀岳飛傳，作者想講既係盡忠報國既英雄，用今日民主思想去批判佢維護封建帝制唔係唔得，只係唔係作者想講既野咁解。

你講既呢幾樣，我都好同意架。

對於我黎講，聖經可信係因為神掌管歷史，佢講完係信實咁照做，而佢幾時都係度，佢今時今日都係度，每一個人都可以比神搵到（問題係當唔當神有到），所以可信。

我強調係解經書，因為用咩眼光睇聖經係極之重要。要睇聖經，就唔係放自己既眼光落去，而係放第一代讀者/聽眾既眼光落去，呢D都係猶太人同埋熟悉猶太文化既人，佢地最熟既就係希伯來聖經。耶穌係聖經老師，耶穌既門徒係聖經學生。佢地聽到一句經文，諗到既係成段上下文。而唔會夾硬將某D哲學套落去。

所謂矛盾，即係有人拎兩段出黎，堅持呢段係咁解、果段係咁解，然後放唔埋。解錯經，就會覺得矛盾。

其實猶太人本身就好接受張力，有表面矛盾既話佢會覺得係刺激思考、更認識神既好機會，佢地文獻既解經書甚至會將完全相反既解釋放埋一齊，視之為正面既討論。
至於福音書，帶出既訊息都係一致咁用聖經解釋耶穌既身份。耶穌一直都用各用種方法表明佢就係耶和華神。

樓主引果本書，個作者雖然係主流大學既教授，但係就犯左無數咁多低級錯誤。淨係下面呢個網就舉左一大堆出黎。

《唔好比博士學者嚇窒》——「製造聖經」書評，第一部分
https://jonathanmclatchie.com/why-you-should-not-be-intimidated-by-bart-ehrman-a-review-of-jesus-interrupted-part-1/

例子：作者係本書第一章，第8頁係咁講：

For example, in John’s Gospel, Jesus performs his first miracle in chapter 2, when he turns the water into wine (a favorite miracle story on college campuses), and we’re told that “this was the first sign that Jesus did” (John 2:11). Later in that chapter we’re told that Jesus did “many signs” in Jerusalem (John 2:23). And then, in chapter 4, he heals the son of a centurion, and the author says, “This was the second sign that Jesus did” (John 4:54). Huh? One sign, many signs, and then the second sign?

咁我地睇返經文喇喎。

約翰福音2:11
//11 這是耶穌行的第一件神蹟，是在加利利的迦拿行的。他顯出了自己的榮耀，他的門徒就信了他。//

約翰福音2:23
//23 耶穌在耶路撒冷過逾越節的時候，許多人看見他所行的神蹟，就信了他的名。//

約翰福音4:45
//54 這是耶穌從猶太回到加利利以後所行的第二件神蹟。//

留意返，地方唔同，加利利既迦拿、耶路撒冷過逾越節果時，加利利。
而作者引用果時完全冇提過。

咁究竟作者咁講，係唔誠實，定係只係無能？自己決定啦。

圍住座城打鑼打鼓七日引人住意，另一邊派人挖地整冚人城牆

只要一直重新解釋
聖經就唔會錯

至於你信不信，反正我信了

新約四福音有好明顯既「耶穌滿足舊約預言」既痕跡。
但明顯地，有時好夾硬，而且互相矛盾。

例如，耶穌出生。
四福音都講耶穌來自拿撒勒，此應該是初代基督徒認可既共識。馬可、約翰無講耶穌出生，馬太、路加有。而佢地「需要」耶穌出生在伯利恆。因為舊約預言救主在此出生。
咁為何一個拿撒勒人在伯利恆出生？
馬太版本預設約瑟馬利亞在伯利恆，因為希律王見過三博士，知道以色列既王出世，派人去殺附近既嬰兒，約瑟被報夢，全家出走埃及，再輾轉搬至拿撒勒。
路加版本，預設約、馬係拿撒勒人，因為羅馬帝國人口普查，約瑟、大肚馬利亞要回到約瑟祖先居住地--伯利恆。耶穌在馬槽出生，之後一家三口返回拿撒勒。

唔講內容細微差異(馬版有三博士、路版無之類)，亦唔講無任何紀錄有關希律王殺嬰、羅馬人口普查要全部人返祖先家鄉。兩個版本分別都要滿足一個任務：解釋耶穌此個拿撒勒人如何滿足到預言(要在伯利恆出生)。最終理由各自不同。

呢個係明顯既「聖經係人寫」既證明。

對於我黎講，聖經可信係因為神掌管歷史，佢講完係信實咁照做，而佢幾時都係度，佢今時今日都係度，每一個人都可以比神搵到（問題係當唔當神有到），所以可信。

睇唔明你呢段
比神搵到同可信有咩關係？
你嘅意思係咪指：
因為神重視歷史真確性而佢又知道有咩人用咩方式寫聖經
所以佢唔會允許有人亂寫偽造？

信徒成日攞聖經嚟證明神嘅存在/全能/愛
但係又用返神嘅存在嚟證明聖經嘅可信性
咁變咗有雞先定有蛋先嘅問題喎

我強調係解經書，因為用咩眼光睇聖經係極之重要。要睇聖經，就唔係放自己既眼光落去，而係放第一代讀者/聽眾既眼光落去，呢D都係猶太人同埋熟悉猶太文化既人，佢地最熟既就係希伯來聖經。

係咪即係話福音書同希伯來聖經就好似三國演義同三國誌嘅關係咁
如果係的話
要瞭解更加準確嘅歷史係咪應該睇希伯來聖經

中學生已經咁勁

我話「比神搵到」，個意思係親身經歷神，神蹟係自己身上發生，咁就知信得過。我唔講「搵到神」，費事有人睇完諗左去自己努力、搵方法去神度。
咁點樣認得係神呢？咪就係聖經講左神會點樣做，到佢真係咁做，你就認得。
因為經歷神既同在，所以神信得過，無論發生咩事都係咁話。

聖經一早預先講左神會點做，然後真係照住佢講過既做出黎，係耶穌身上成就既大把，有人去數，保守數到300樣。
因為聖經寫左既野，神會用佢既能力成就，所以聖經信得過。
因為神係聖經講左既野，佢真係有做，所以神信得過。

因為睇聖經係親近神，而神又樂意親近想親近佢既人，會教呢D人明白聖經，所以既然經歷到，就知神信得過。同時，「聖經係神既話語」都信得過。

講黎講去，都唔係有雞先定有蛋先既問題，而係神顯明佢既權能，好似聖經講既咁。
重點係神既權能，神既王國（天國）就係講呢樣。相反如果唔去睇神既能力，講咩都冇幫助。

「神存在」、「全能既神」、「神愛」都可以完全同自己冇關係，如果自己當神冇到，講咩都無意義。

最後，冇一樣野係可以了解更加準確既歷史。
要知道，所謂客觀歷史，係現代人既興趣，以前冇人想記錄歷史事實，只會想講佢地想講既野。聖經係讓人認識神，而其他國家既石碑好多時都係想威。
你可以去睇考古文物，呢D係古人留低既野，其實係佢地唔想要既野，有少似摷晒佢地既垃圾筒出黎咁，咁你見到佢地有呢D果D垃圾，就可以大概估返佢地生活會點。倒不如睇佢地既文獻，起碼係佢地想留低既野。

希伯來聖經，以摩西五經為主，係教導指引，教人點樣認識神同做屬神既子民。如果要類比，係教神子民做人既三國演義。
福音書，記低左耶穌既言行，耶穌既言行都係出自希伯來聖經，佢親身做埋個教導指引出黎。如果要類比，係教你認識耶穌作為神，同埋教解經（其實又咪即係教做人）既三國演義。

冇三國志的。最近可能係列王紀（希伯來聖經其中一兩卷），提到重要人物係王國時期發生既事，時地人就較會準確，但係內容都係揀過，突顯神既作為，所以要類比既話，都係教人集體以神為中心咁生活既三國演義。

用三國演義做類比既唔好處，係會忽略左聖經既目的同效果。

猶太人知道咩係事實，但係佢地為左表達既訊息入心，好多時都唔將事實平鋪直敍出黎。
其實當時都冇人想講客觀歷史，就算比你知又有咩用？

我一直都認為宗教都係一個(事業)只係經營呢個事業嘅人用咩方式去維持佢地嘅永久性
一個事業要長久到千年而無任何違和真係冇乜可能
所有宗教要做嘅野基本上都係要更新系統
如果唔更新只會製造大量問題

如果要人維持，一早執左。可以睇返早期教會受到既迫害。
基督既道理，表面睇落係蠢到痺。
反而因為神係度，神既能力又係度，所以先繼續有人揀去信佢（唔係信宗教）。

琴日聚會果時，有個姊妹話比我知，佢個仔（都係度）細個果時，夜晚突然之間起身行出廳，然後向佢地講「Matthew 6:33」。

呢句係講緊行事為人既先後次序：
馬太福音6:33
//33 你們先要尋求他的王國和他的義，這一切都會加給你們。//

神擺明係屬佢既人果度。而宗教只係個體制，唔算得咩。