我和六合彩發生了一段不可告人的（性）關係

可摸耳請埋我幫你沖茶

24號望住我同36號諗咗一陣，然後問：「你地最近係咪有一啲好親密嘅身體接觸？」

「搞嘢算唔算呀？」36號搶住回答。

「咩係搞嘢？」24號問。

「即係兩個人剝曬衫瞓喺…」36號毫不掩飾，直話直說。

為免尷尬，我不得已要打斷佢嘅說話：

「其實呢搞野就係兩人瞓喺度，我搞下你，你搞下我咁囉，總之一句講曬，我同36號曾經係有過親密嘅身體接觸。」

「咁唔怪之得啦，如果我無記錯嘅話，人類同攪珠波係唔夠能有太親密嘅接觸，否則就會出現『轉移效應』。」

「何謂『轉移效應』？」我追問。

「就即係好似你地依家咁，36號嘅頭套轉移到你身上。」

24號講完，36號就問：「咁你知唔知有咩辦法解決？」

「呢層又唔使咁擔心，七日後你地應該就會變返原狀。」

「真係嘅？你點知架？」36號追問。

「我記得《六合彩手冊》上面寫住，若然攪珠波同人類有過於親密嘅身體接觸，咁就會出現『轉移效應』。」

「咦，聽你咁講好似又係喎，我好似都有啲印象。」36號話。

「所以你肯定，七日後我地會變返原狀？」

「如果我無記錯嘅話，應該就係啦。」24號答我。

聽完佢咁講，我算係暫時放低咗心頭大石。

琴日夜晚我同36號搞完嘢，跟住佢個頭套就轉移咗落我頭上，琴晚加埋今日，時間已經過咗一日半。

即係話，再過多五日半，我同36號兩個就會互相交換返身份。

「好啦，時候都唔早，多謝你救咗我，無乜嘢我就先告辭啦。」24號鞠一個躬，向我再次道謝，然後就轉身離開。

「等陣！」我上前叫停佢。

「我有一個請求，睇在我救咗你一命嘅份上，你可唔可以幫我一個忙？」

「請講。」

「我想你加入我地，一齊合作贏下一期嘅六合彩頭獎！」

「好！無問題！你係我嘅救命恩人，啱先你救咗我一次，咁我就幫返你一次！」

估唔到24號咁爽快，諗都唔使諗，直接就一口答應我。

咁啱喺同一時候，有船靠岸。

我喺背囊拎咗件面衫同褲俾24號著，跟住就同佢同埋36號，以及背囊入面三個攪珠波，一齊返屋企。

我所住嘅劏房位於北角一座唐樓。

入到屋，24號望一望個環境，講咗同36號、45號同一番說話：

「呢度就係你住嘅地方？估唔到你地人類住得咁細。」

佢地個個都咁講，我真係好知佢地平時住嘅環境又有幾大。

「咦，你地返嚟啦。」45號無嚟神氣咁坐喺地下，似係啱啱酒醒。

返屋企前，我特登去超市買咗一打啤酒。

45號見到我將啲啤酒放入雪櫃，馬上兩眼發光。

「嘩！啤酒啊！」

我遞咗一罐俾佢：「唔好飲咁多，一罐好啦。」

「哈哈！好嘢！」 佢打開罐啤酒，飲咗一啖，成個人當堂精神返曬。

至於36號琴日因為無咗個頭套，而導致成晚都訓唔著。

今日知道自己幾日後可以變得返攪珠波，終於鬆咗口氣，所以一返嚟就爬上上格床度瞓覺。

我就打開背囊，將今日搵到嘅6號、4號同22號，放喺櫈上面。

唔知佢地係因為變身次數嘅限制，定抑或受驚過度，遲遲都未肯變身露出真面目。

除咗36號之外，45號同24號都係男人，唔知呢幾個又會係男定女呢？

等咗一陣，6號波率先現身。

佢都係一個男人，仲要係一個阿叔。

同其他攪珠波一樣，佢全身赤裸，左邊膊頭同右邊膝頭腫起咗一舊，睇落似係受咗傷。

佢環顧一眼四周，當見到24號嘅時候，就露出不屑嘅眼神：「真係冤家路窄，咁都喺度撞到你。」

「我承認嗰次係我重手咗，不過我都耍過冧啦，你唔係仲嬲緊下話？」

「哼！唔嬲就有鬼！你搞到我膊頭同膝頭傷得咁重！」

從佢地呢段對話聽得出，24號同6號應該有啲過節。

再過多陣，4號同22號都陸續「啵」一聲變身為人。

佢地兩個一矮一高，都係男人。

矮嘅個鼻好大，高嗰個就個嘴好大。

計埋佢地兩個，我呢間100呎嘅劏房，依家一共有七個人喺度。

原本細小嘅空間呢刻變得更加狹窄。

「呢個地方咁細嘅？邊度嚟架？」4號同22號不約而同問我 。

「呢度係我屋企。」

如果無記錯，呢個問題我已經答咗第四次。

而呢一次我決定「打蛇隨棍上」，向佢地咁多個人，正式提出我嘅請求：

「你地見我住得咁細，就知我好窮啦，所以我搵你地返嚟，其實係有一事相求。我想請你地六個人一齊合作，幫我喺下一期六合彩攪珠贏個頭獎返嚟。」

原來下個禮拜二係暑期金多寶，頭獎有五千萬

「唔得！」

6號第一個出聲say no：「先唔講我地攪珠波係習慣單打獨斗，好少合作，而且就算要合作，我都唔會同呢個人合作！」

佢口中嘅嗰個人就係24號。

之後佢繼續講：「呢個人喺今年第72期，搞到我個膊頭同膝頭重傷，所以我係唔會同佢合作!」

「都話一直唔小心重手咗，你唔係咁小氣下話？」

「係囉，你可唔可以俾個面我，同佢合作一次咁多？話曬我都喺部攪珠機度救過你出嚟，最多你有咩要求，我都盡量滿足。」我同6號講。

「酒！我要酒！」45號喺隔籬又醉咗，無啦啦站亂歌柄。

「唔得！」6號一口否決。

「咁你兩個呢？」我擰轉面問一問4號同22號。

「我無乜所謂。」22號答。

「我都係。」4號同22號一樣，都話無所謂。

「不過除咗6號之外，我同22號其實都係有傷在身。」4號擰轉個背脊，指住一處拳頭咁大嘅瘀傷。

22號就話佢大髀拉傷咗，仲未好返。

接住我就問佢地係幾時整親。

佢地話好耐之前，喺一次攪珠對戰中受傷。

一旦受傷後，戰鬥力就會減弱，因此就會出現連續好多期都贏唔到嘅情況。

我拎起電話，又上去六合彩個網，翻查記錄。

唔計特別號碼，我發現4號同22號已經超過20期無攪過出嚟。

以前我買六合彩，見到有啲號碼成廿幾三十期都無開過出嚟，覺得好奇怪。

佢地今日呢番說話，都算係解答我多年嚟心中嘅疑問。

原來除咗係因為實力唔夠之外，仲可能係因為受咗傷，所以導致連續多期都無法成為攪珠號碼。

雖然每個攪珠波都有自愈嘅能力，但療愈嘅過程十分緩慢。

呢個時候，我醒起屋企有支跌打酒。

我拿拿臨拉開櫃桶，拎咗支藥酒出嚟。

「呢度有支跌打酒！我幫你地捽下，或者會幫到你地。」

45號一聽到個「酒」字，就即刻伸手過嚟搶：「跌打酒？咩味架？我又要飲！」

「呢啲跌打酒係攞嚟搽，唔係攞嚟飲架。」

我撥開45號隻手，然後擰開支跌打酒，倒少少落手心。

6號傷得最重，所以我先幫佢搽。

「嘩好痛啊！」

6號痛到即刻縮開咗個身，我就叫佢忍住唔好亂郁。

「你呢啲咩嚟架，擦落個身度熱辣辣嘅！」6號問我。

「都話係跌打酒，我地人類有咩頭暈身㷫都係搽佢。」

「係咪真係有用架？」

「有無用試下咪知囉。」

live

好鍾意今次呢個世界觀
啲六合彩波勁有人性

幫6號捽完藥酒，我再幫另外兩個捽。

啱先無留意，依家見到先發現，4號同22號手上無啦啦多咗一本漫畫書。

而且佢地仲睇到入曬神。

我覺得好奇怪，就問佢地本漫畫喺邊度得嚟。

佢地指一指床下底。

呢個時候我先醒起，床下底原來仲有堆雜物未清，當中包括一套叫《新約巨人之星》嘅漫畫。

呢套漫畫係上一手租客留低，全套廿二本。

《巨人之星》係一套好舊嘅棒球漫畫，呢套《新約巨人之星》就係舊版嘅重製。

佢嘅內容唔算得上精彩，亦都無乜人識。

好耐之前，我有試過將成套書放上網賣，不過完全無人問津，久而久之就唔記得咗件事。

嗰陣得閒無事都會揭下，但睇咗少少就睇唔落去，因為真係幾無聊下。

估唔到呢套書塵封多年，今日居然搵到知音人。4號同22號睇得津津有味。

佢地一邊睇，我就一邊幫佢地捽藥酒，捽完背脊捽大髀。

之後叫佢地休息，佢地都唔肯，係要繼續睇漫畫。

既然係咁，我就叫佢地坐喺摺檯上面度睇，而我同24號就收埋啲櫈，打地鋪一齊瞓。

至於6號同36號就分別瞓喺上下格床。

另外45號，佢就一早飲到醉咗，攬住廁所個馬桶訓著咗。

瞇埋眼入睡後，我發咗個夢。

我又夢見自己中咗六合彩頭獎。

嗰六個中獎號碼啱啱好就係4、6、22、24、36、45。

同上次一樣，夢入面嘅我發咗達之後，又買咗架遊艇，約咗成班女上船開p。

上次嗰個春夢發到一半斷咗，我心諗今次應該發得完啦掛。

喺船上面，我同成班女一齊剝曬衫曬太陽。

雖然只係發夢，但感覺卻好真實。

我逐個揸勻佢地對波，佢地就輪流摸我條jer。

就當我地準備埋牙之際，忽然間有人喺我耳邊叫我起身。

「起身啦起身啦！」

我當堂成個人扎醒咗，擘大眼，見到4號同22號係咁叫我起身。

「咩事呀你地？晨咁早喺度嘈住曬。」

「你咪話過，只要我地肯合作幫你贏個頭獎返嚟，無論有咩要求，你都會滿足我地？」4號問我。

「Er…我好似係有咁講過。」

「咁得啦，我同22號想去甲子園，你快啲帶我地去。」

「咩話？甲子園？」

「係呀！我地要去甲子園打棒球！」22號答我。

唔使問阿貴，呢兩條友一定係睇完套漫畫，以為自己係日本高中生，想打入甲子園。

我抹一抹啲眼屎，起身同佢地解釋：

「甲子園呢，其實係日本一個地方。每年日本都會舉行校際棒球比賽，只有入到決賽嗰兩隊，先可以喺甲子園度比賽。而我地第一唔係日本人，第二唔係高中生，所以係無機會去到甲子園架。」

佢地皺曬眉頭，好似唔係好明我講乜。

「總之我唔理，我一定要去甲子園！」

「我都要去！」

佢地兩個一齊喺度扭計。於是我就不厭其煩再解釋一次。

結果我一講就差唔多講咗半個鐘，跟住佢地先開始明我講嘅嘢。

「…只有高中生，先有機會去甲子園參加比賽，但如果想做高中生，咁就要讀書考試，而讀書考試就比死更難受，你係咪咁嘅意思？」

「無錯！就係咁！」我用最肯定嘅語氣回答4號。

22號問我：「可唔可以唔讀書考試，直接做高中生呀？」

「唔得！一定要讀書考試先可以升到中學！同埋做到高中生之後，都要繼續讀書考試！」

「下…咁慘呀…咁都係算啦…」

「拿，係你地話算架渣。」

「雖然甲子園可以唔去，但棒球我地一定打！」4號同我講。

「但你地唔係一個背脊有傷，一個大髀拉傷咩？不如抖下好過啦。」我話。

「其實我地啲傷早就好得七七八八。」22號一邊講，一邊同4號揮動手腳，

「係囉，你睇下我地，根本郁動自如！」

「咁好啦，咁我陣間就落街買個棒球返嚟俾你地玩。」

「哈哈！好嘢！」4號同22號拍手歡呼。

曬咗咁多口水，終於講掂佢兩個。

隨後望一望上下格床，36號同6號仲瞓緊。

另一邊廂，45號就依然喺廁所，醉到不省人事。

24號就…...咦？24號呢？唔見咗嘅！

我即刻問4號同22號，問佢地知唔知24號去咗邊。

4號同我講：「啱先有個女人敲門，佢話佢住喺隔籬，話想搵個人出去幫佢搬啲嘢，咁24號就出去幫手啦。」

「咁佢出咗去幾耐？」

「都好耐下架啦。」22號話。

我行出門口，過去隔籬屋睇下，但敲咗幾次門都無人應。

「…呢度又無人，你唔使咁怕醜喎…」

忽然間，我聽到後樓梯傳出一啲聲音。

我順住啲聲，好好奇咁行過去睇下。

之後喺門嚹中見到隔籬屋個女人同24號，喺後樓梯度拉拉扯扯。

「…對唔住，我同人類唔可以有太親密嘅接觸，既然我已經幫你搬完嘢，咁我都係告辭先…」

「喂呀，人地家陣全身㷫烚烚，你唔係咁唔領情、拒絕人地下話？」

隔籬屋個女人一邊講，一邊伸隻手入去24號嘅褲浪。

嘩！咁搞法，仲得了嘅！？

學琴日24號話齋，若然人類同攪珠波有過於親密嘅接觸，咁就會產生「轉移效應」。

到時隔籬屋個女人同24號交換咗身份，咁咪大擰樂？！

趁佢地未鑄成大錯，我拿拿臨推開道門，行過去阻止佢地。

隔籬屋個女人一見到我行入嚟，就立即抽返隻手出嚟。

我同個女人講：「喂！你唔好喺度手多多、摸身摸勢喎，你信唔信我話俾你條仔知，你喺度勾佬。」

「你無證無據，得把口講，你估我條仔信我定信你？」

「我有證據架，頭先我影咗相，影住你摸佢條j。」

「影咗相？咁拎嚟睇下，睇下你影得我上唔上鏡，清唔清楚？」

本來我諗住大下佢，點知條八婆完全唔卸我。

「點呀？拎唔到出嚟，咁即係無影到啦！」

「拿！總之我同你講，你唔好再掂佢，同埋唔好再勾引佢，否則我就對你唔客氣！」

「你地兩個gay架？你係咪驚我搶走你條仔？」

「癡線，我先唔係gay。」

「唔係gay你又咁緊張？」

「算啦，我地唔想同你講咁多，係咁先。」

隔籬屋個女人伸隻手出嚟攔住我地：「喂，佢唔搞得，咁你得唔得呀？」

呢條女肯定係平時俾人喂得唔夠飽，家下發姣發到上曬面。

咁又難怪嘅，佢同佢條仔淨係初一十五先扑嘢，餵唔飽係正常嘅。

雖然佢嘅相頭一般，但身材還算幾好，如果平時佢咁樣撩我嘅話，我一定砌佢。

可惜嘅係，呢一刻嘅我都係一粒攪珠波，因此若然我同搞嘢嘅話，咁又會產生「轉移效應」。

到時佢變咗粒攪珠波咁就大劑。

所以，無論我心入面幾想屌佢都好，我都只能say no。

「妖！死基佬！」

我地走嘅時候，條八婆鬧我地一句「死基佬」。

24號問我咩係死基佬。

我就話：「『死基佬』係一個暗示語嚟，如果以後有人亂咁掂你，你就對佢大嗌一句『我係死基佬』，咁佢就會彈開架啦。」

「哦~原來係咁~」

出住咁多先，故事待續

懷疑24號記漏左手冊入面嘅重要嘢
我估一有親密接觸咁個7日就要reset再計過

另外救6號出黎果到有筆誤，應該係扭蛋機救佢出黎，唔係攪珠機

真係寫錯左攪珠機，你唔講我都唔發現

正呀喂！佐冶兄！
又有cult估睇

男主角好生性

每日一推

點知有日24號，真喺見到死GAY佬~!
之後話我都喺呀~
然後

咁都俾樓主諗到個咁既設定
真係CLS故
支持一下

welcome wellcum

巴打有啲諗法

多謝支持

樓主可唔可以出返個號碼簡短角色介紹，睇睇吓唔記得邊個打邊個

暫時淨係知道36號大波女，其他全部男人就得啦，如果主角屌咗36號以外嘅Number就變咗BL文